Norbik
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
Norbik (Nederlands Noorbeek) is e dörp in de gemèngde Mergraote in Zuud-Limburg. Norbik liekt in 't Noordal aan de Noor (beek). Tot aan de gemingteleke herindeling in 1982 waor 't 'n zelfsjtendige gemingte mèt de buurtsjappe Sjei, Bergenhoëze, Ge Kruuts (Hoogcruts), Sjilberg, Terlinne, Ulvend, Vroële en de Wesj. In Norbik wonne óngeveer 900 luuj.
Inhawd |
[bewirk] De örsj bevrijde gemèngde va Nederland
De gemèngde Norbik waoërt op 12 september 1944 vanoet S'n Maeëte bevrijd dör de geallieerde en daomèt waor 't dörp de örsj bevrijde gemèngde va Nederland. Op 12 september 1969 waoërt op d'r Pley dör Kunningin Juliana 'n monumaent van de haand va keunssjmid Jef Wanders oonthuld, dat 't èng van d'r Twieëde Waeltkrèèg va Norbik herdeenkt. De sjoeëljeugd zong tiedens de oonthulling 't leed: We shall overcome.
[bewirk] Besjermd dörpsgezich
D'r kern va Norbik is saer 1987 besjermd dörpsgezich. De mergele, gotische Brigidakèrk an d'r Pley, oet 1500, liegkt op 'ne motte en haat driej beuke en 'ne typisch Limburgse kèrktore. Roond de kèrk liegkt d'r aowe kèrkhof. D'r petroeënhillige Seent Briej (Brigida) hat vör de kèrk nog 'n apaarte kapel, die in 1700 is gesjtich ter ière van häör. Zie is besjermhillige van 't haoënvieë en daorum wert ze aafgebeeld mèt 'n koo. Op häöre fièsdaag, op 1 februari, kieëme vreuger väöl pelgrims hie nao toe.
Taege-n-uvver de kèrk, 'n art nouveau väörmalèg warehoes. In en rónd 't plaetske zeunt väöl vakwerkhoezer en 'n zestig veldkruzer zeunt bewaard geblaeëve. 'ne Wèrkgroep waegkruzer zörg veur 't insjtandhoute.
[bewirk] Taal
Bies 1968 waoërt óp de Lieëger Sjoeël in de lètste twieë jaor Fraanse lès gegaeve. Saer 2008 is die optie wer mäögelek.
[bewirk] Buurtsjappe
Gehuchte en buurtsjappe:
- Bergenhoëze
- Ge Kruuts (gedeiltelik)
- Sjilberg (gedeiltelik)
- Sjei
- Terlinne (gedeiltelik)
- Ulvend (gedeiltelik)
- Vroële
- De Wesj
[bewirk] Evenemente:
- Op d'r 1e zóndeg van de vaste vindt 't burkbraëne plaats, in Norbik foonk-foonk-fakkele genumd. De keender van 't dörp trèkke dan mèt fakkele ónder begeleiding van de harmonie nao 'ne brandsjtapel en sjteke dao 't vuur in.
- Op d'r 2e zaoterdeg nao Paosje wert 'ne nuje Brigida-den 't dörp ingehaold dör de jónkheid van 't dörp. De getrowde mansluuj zitte d'r den rech väör de kirk. Wie Seent Briej in 1634 de bevolking van 'n ernstige vièplaog verlosde is belaofd um jaorleks d'r den es daank väör de kirk te plaatsje.
- Op d'r 3e zóndeg nao Pinkstere is kèrmes in Norbik.
- De Mieddelièwse börchfièste weure eder jaor gehoute op d'r Pley bie de kèrk. De festiviteite besjtoon oet 'n jaormert, toneel en zank in Mieddelièwse kleijer.
- Op 15 augustus (Maria-hemelvaart) vingk 'n 12 km lang pelgrimswandeling plaats nao 't baevaartkapelke van Slevevrouw van Lorette bie Visé in Belsj.
- Op 15 & 16 juli 2006 zeunt de Nederlandse kampioensjappe mountainbike gehouwe. Ooch in juli 2007 veende die fietsrenkampioensjappe dao plaatsj.
[bewirk] Dörpsvereiniginge
- Carnavalsvereiniging de Hèvers
- Sjötterie Sint Brigida
- Harmonie Berggalm
- Toneelgroep de Bron
- ST. Jeugd&Jongerenwerk Pandores
- Saint Bridgidsfolkfestival
[bewirk] Gebaore in Norbik
- Brigitte Heitzer, nationaal professioneel musical-zangeres.
- Pierre Joseph Lardinois, Nederlands politicus.
- Jean-Pierre de Warrimont, archeoloog en internationaal erkende veender (31 oktober 2006) van de aodste prehistorische artefacte van 't Nederlands taalgebied
- Bep Mergelsberg, geaongazjeerd dichter, sjriever, columnist in 't Limburgs en 't Nederlands; regisseur in 't amateurtoneel en vertaler Fr/Ned, Eng/Ned en Dts/Ned en nao 't Plat oet die tale.
[bewirk] Extern leenke
|
|
 |
|---|---|
| Dörper: Tebannet | Bieëmele | Keer | Ikkelder | Mergraote | Maer | Norbik | Sjuuëlder | Se-Gietere | |
| Buurtsjappe en gehuchte: Berg | Bergenhoëze | Bruusjterbusj | Gastes | Groeët-Welsde | Herkenter | Hoontem | Ge Kruuts | Klae-Welsde | Liebik | Moersjelt | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wolfses | |
