Motte
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
'n Motte is 'ne, kunsmatig opgeworpe, heuvel, dae dik oet twieë dele besjteet: 'ne opperhof, oeëop 'ne donjon of versjtaerkde taoëre, dae ursj alling militaer doele how mae later och residentieel en 'ne neerhof, dae bewond waoërt en oeëop dik 'n kapel, later dik 'n kèrk geboewd waoërt.
'n Motte oet twieë dele vindt me in Aoke, d'r opperhof oeë op 't palies , d'r Palts, 't huidige sjtadshoes en d'r deper gelaege neerhof, oeë op de Paltskapel (d'r Dom) geboewd is. Op väöl klinger sjaal is zoe'n twiedelige motte och in 't centrum va Seent-Maeëte in Voere te veende. Op d'r opperhof sjteet dao noe 'n boerderiej, noe nog D'r Hoof geneumd, mae in de wèj zeunt reste van 'n aower geboew te vinge en 'n tracée van 'n grach. Op d'r deper gelaege neerhof sjteet de kèrk.
De kèrke va b.v. Norbik, Sjlennich, Moontse, Hommerig, Teuve en Aubel zeunt op 'n gewoeën motte geboewd.
In Wienesrao bevingk ziech ’n motte tösje de Sjteveskèrk en ’t kesjtièl. Hie-in zouwe ziech reste bevinge van ‘ne Middelièwse tore.
Mottes woa de kesjtièle verdwene zin liegke in Gulpe (Grach Burggraaf), Sjènne (Terborgh), Detere (de Koppelberg), Ech (de Bollenberg) en ouch in Ten Esje liek nog ’n good bewaard exemplaar.
