Mergraote
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Mergraotes, as te dit dialek sjpriks.
Mergraote, (Nederlands: Margraten) is 'n gemeinte en 'n dörp in 't Limburgs Heuvelland (ouch waal t plateau van Mergraote) geneump. Op 1 januari 2004 woonde hie 13.551 luuj. 't Oppervlak bedreug 57,67 km². 't Gemeintehoes sjteit in 't dörp Mergraote.
Inhawd |
[bewirk] Dörper en gehuchte in de gemeinte
In de gemeinte ligke de volgende dörper en gehuchte mèt hun buurtsjappe:
* Mergraote, (Margraten) |
[bewirk] Mergraote-plaats
De naam Mergraote, oetsjpraok mèt de klemtoan op de 1e lèttergreep, zou aafkómstig zin van Mariam ad Gradus (Maria op de berg). De hière van Gulpe zouwe hie ièwe geleje 'n kèrkske höbbe gesjtiech. Me neumde dat ouch waal Gulpe op de berg. 't Dörp bleef langen tied vrie geïsoleerd vanwege zien situering op 't plateau. Pas in de tied van Napoleon woort in 1825 'ne nuje waeg aangelag van Mesjtreech nao Aoke, dae midde door Mergraote kaom te liegke. Nao 1900 woort'r miè geboewd. Dao ónder vakwerkhoezer, monumentaal häöf en hièrehoezer. Allewiel haet de plaats 3400 inweunersj.
[bewirk] Bezeenswaerdig
- De kèrk van de heilige Margaretha waor hièl vreuger 'n zaalkèrk, woa-aan in de Mieddelièwe 'ne tore en 'n koar zint toegevoog. In de 19e ièw kaom 'n vergruèting mèt 'n noord- en zuudbeuk. Bie 'n groate verboewing rónd 1923 door architect A. Boosten bleve tore en koar gehandhaaf. Binne sjtoon beelde van de heilige Margaretha oet 1600 en van Sint Sebastianus oet de 18e ièw. 't Örgel is geboewd door Peerboom/Leyser in 1879.
- Tegeneuver de kèrk sjteit d'r Sjötter, 'n beeldsje van Math Wanders oet 1991, gemaak ter gelegenheid van 't 450 jaorig besjtoon van de sjötterie Sint Sebastianus.
- Op 't kèrkplein sjteit de ouw dörpspöt: 'n pöthuuske mèt 'n zaaldaak.
- De 4e zaoterdeg in mei weurt in Mergraote de mei-den geplant en op de 3e zóndeg nao Pinkstere is d'r brónk en kèrmes. Kèrmesmaondeg vingk 't sjöttersjgebeure drie maol om de pöt plaats.
- In de buurt bevingk ziech 'n groat veld mèt 8.302 Amerikaanse graver oet d'n Twiède Waereldoorlog, dit veld ies in 2005 bezoch gewore door de Amerikaanse president George W. Bush. De burgemeister van de gemeinte is Harry van Beers. In 'n museum ter plaatse bevinge zich in sjtein gekapde landkaarte, die militair operaties in Europa in beeld bringe.
- De monumentale haof Dobbelsjtein haet 'ne sjleetsjtein baove de paort mèt 't jaortal 1780. In Mergraote liek wiejer nog 'n groat aantal ouw boerderieje langs de waeg.
- In de Hoondersjtraot (Hoenderstraat) sjteit 't oud gemeintehoes (1880) annex sjoal en dao lik 'ne ouwe häöf oet de 18e ièw.
- In de umgeving sjoon tièntalle veld- en waegkruzer. De sjtichting Kruzer en Kapelle hèlt o.a. toezich op 't ónderhoud daovan. Op de sjplietsing mèt de waeg nao Hièrewaeg / Iezere en 'ne holle waeg sjteit 'n mergele Mariakapel in neogotische sjtiel.
[bewirk] Dörpsvereiniginge
- Carnavalsvereiniging de Rieste
- Sjötterie Sint Sebastianus
- Harmonie Concordia
[bewirk] Sjriëver
- Pierre va Welsde, dialekgedichte en verhaole
[bewirk] Externe link
|
|
---|---|
Dörper: Tebannet | Bieëmele | Keer | Ikkelder | Mergraote | Maer | Norbik | Sjuuëlder | Se-Gietere | |
Buurtsjappe en gehuchte: Berg | Bergenhoëze | Bruusjterbusj | Gastes | Groeët-Welsde | Herkenter | Hoontem | Ge Kruuts | Klae-Welsde | Liebik | Moersjelt | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wolfses |
Provincie Limburg | |
---|---|
Árse en Velde | Baek | Baerge | Bezel | Bree | Broensem | Ech-Zöstere | Èèsjde | Gennep | Gulpe-Wittem | Haors aan de Maas | Heële | Helje | Kirchroa | Kessel | Lankgraaf | Leudaal | Maasgoew | Mael | Meersje | Mergraote | Mestreech | Mieëldere-Wânsem | Mook en Middelar | Ni-jwieërt | Nut | Óngerbenk | Remuunj | Roerdale | Sjènne | Stein | Valkeberg | Venlo | Venroj | Voelender | Vols | Wieërt | Zaerem | Zittert-Gelaen | Zumpelveld |