Termaar (Mergraote)
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Mergraotes, as te dit dialek sjpriks.
Termaar ies de naam van 'n buurtsjap in Mergraote, lièger gelege es 't plateau. De naam sjient truuk te goon nao mare in de beteikenis van pool of plas (sjtilsjtaond water). Termaar ies de nate plaats van Mergraote. Langs de waeg sjtoon versjillende ouw boerehäöf en hoezer.
Miedde-n in diet gehuch bevingk ziech de Bauerkoel, 'ne vièdrinkpool, mèt daoneve 'n pöthuuske mèt zadeldaak en 'n waegkruus tegen 'n ling (Lindeboum). 't Woord koel geuf ouch aan dat de plek lièger gelege ies. Op 'n sjplietsing sjteit 'n kapelke gewiejd aan Maria Sjter van de Ziè. Ins in de drie jaor functioneert de kapel es rösaltaor in de brónk. 't Gebuuwke ies van mergel en aafgesjlote door 'n sjmeediezere breer. Rónd de pool sjtoon ouw boerderieje.
In 2001 zint d'r Ingelsje tuine ge-eupend woa miè es 2000 versjillende buim en sjtruuk en 500 versjillende plante te beziechtige zint.
Termaar haet 'n eige carnavalsvereiniging, geneump de Nachdravers.
Bie Klumme liek ouch 'n gehuch mèt de naam Termaar.
|
|
 |
|---|---|
| Dörper: Tebannet | Bieëmele | Keer | Ikkelder | Mergraote | Maer | Norbik | Sjuuëlder | Se-Gietere | |
| Buurtsjappe en gehuchte: Berg | Bergenhoëze | Bruusjterbusj | Gastes | Groeët-Welsde | Herkenter | Hoontem | Ge Kruuts | Klae-Welsde | Liebik | Moersjelt | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wolfses | |
