Sint Antoniusbank
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Bieëmeles, as te dit dialek sjpriks.
Sint Antoniusbank ies 'n buurtsjap van Bemele in de gemeinte Mergraote in 't heuvelland van Zuud Limburg. Tot 1827 laog 't in de gemeinte Heer en Keer. De 40 hoezer zint gesitueerd langs de waeg Sint Antoniusbank. Dao wone ca 110 luuj.
't Gehuchske waor tiedens 't liènsjtèlsel 'n eige hièrlikheid, waarsjienlik ónder commandeursjap van Antonius van Mestreech. In 1828 kaom 't bie de dan nuuj gemeinte Cadier en Keer. Officieel haet Antoniusbank noats bie Bemele gehuèrd, terwiel 't geografisch en kèrkelik dao waal mèt verbónge waor. Nao de herindeiling van 1982 kaome zoawaal Bemele es Cadier en Keer bie de gemeinte Mergraote. Sint Antoniusbank haet 'n eige plaatsnaambord.
[bewirk] Bezeenswaerdig
- Twiè carréboerderieje van 't gesjlote type
- De monumentale haof Sint Antoniusbank op nr 27 dateert oarsjprónkelik oet de 17e ièw, de hudige boew ies oet de 19e ièw.
- Op nr 42 bevingk ziech 't veurmalig Europahoes. Vreuger functies waore kloaster en volkshoagesjoal. Noe zint 'r woonappartemente in gevestig.
- Beusdalshaof, geneump nao de eigenaere oet 1750, de familie Colin de Beusdael. Op 'n kaart oet 1658 aangeduud es de Velssenhof.
In de wei aan de weskant sjteit 't restant van 'ne veerkentige tore. Ouch zint'r nog reste van 'n pöthuuske te zeen.
[bewirk] Baevaart
De verièring veur de heilige Antonius Abt (Teunis) vingk veural plaats op 17 januari es de baevaartgengersj nao Bemele kómme veur de zegening van 't Teunisbroad en de viering van de winterkèrmes.
[bewirk] Vereiniging
- De Ruterclub Vrie en blie organiseert op 'ne zóndig in augustus 'n oriëntatierit en 'n koetsjeroute.
|
|
 |
|---|---|
| Dörper: Tebannet | Bieëmele | Keer | Ikkelder | Mergraote | Maer | Norbik | Sjuuëlder | Se-Gietere | |
| Buurtsjappe en gehuchte: Berg | Bergenhoëze | Bruusjterbusj | Gastes | Groeët-Welsde | Herkenter | Hoontem | Ge Kruuts | Klae-Welsde | Liebik | Moersjelt | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wolfses | |
