Bep Mergelsberg
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
Bep Mergelsberg, gebaore in Noorbeek, gemèngde Mergraote in Zuud-Limburg op 30 april 1957 is dichter, sjriever, columnist in ‘t Norbiks en in ‘t Nederlands. Mergelsberg ies theatermaker en regisseert in 't amateurtoneel. Ooch wèrkt ze via Oetzendbureau Randsjtad es regisseur in wiekprojekte van welzijnsinsjtèllinge. Mergelsberg haat wiejer 't sjtatuut van 'Erkènde Vlaamse toeristische gids' (Pos-HBO) en haet jaorelaang ervaring es gids in de Euregio Maas-Rien. Es HBO kultureel werker haet ze ervaring in de politiek/kultureel/sociaal interessante gemeinte Voere. Ze is mieë es 20 jaor gelaeje begonne mit 't vertale van toneelsjtukke - Fitgerarld Kuzs oet 't Frankisch en Shakespeare - in 't Norbiks en in de Veldekesjpelling vör toneelgroep De Bron.
Inhawd |
[bewirk] Laevesloop
[bewirk] Publicaties
- 2004: Nederlands verhaol Pagina 158 in Wel, universitair tiedsjrif veur media en literatuur, Leuven.
- 2006: Nederlandstalige column Korset in Woordwerk, tiedsjrif van de Vereniging voor Limburgse Auteurs Maastricht, VLAM.
- 2005: Veer Limburgstalige sonette in Sjrief Plat, 51ste oetgave in de reeks LiLiLi
- 1990-1998: Jaorlijks Nederlandstalig groeët interview met 'ne Voerenaer, in Voeren Aktueel, oetgegaeve dör Voerbelange.
- 1999: Verzet in Voeren/Résistance dans les Fourons, 'n twieëtalig oonderzeuk nao 't verzet van d'r internationale groep Clarence in Voeren tiedens WO ll en 'n interview met o.m. de dochters van Jules Goffin, verzetsstrijder. Oetgegaeve in eege beheer.
- 2000: Twietalig (N/Fr) groeët interview mit de Voerense verzetssjtrijdster Joséphine Wolfs. Oetgegaeve in eege beheer.
- 2000: Driejtalig (N/Fr/Plat)groeët interview mit 'ne aod-burgemeester oet Moelinge. Oetgegaeve dör Retour à Liège.
- Vanaaf 2002: Gediechte en verhaole in ’t orgaan van Veldeke Limburg
- Vanaaf 2000: Róndsjtuurbreve in de Gezèt De Limburger.
- 1990-2002: Artikele in d’r Koeënwoof, Voere
- 1993 Inventarisatie-onderzeuk en vastsjtèlling plaats en sjriefwies van Norbikse toponieme in 'n oetgaaf van 'Heem en groen' Norbik.
[bewirk] Weigering deelname Veldeke literatuurpries 2007
In 2007 dèèt Bep Mergelsberg neet mèt an de wedstrijd ömwille van de oonverenigbaarhèèd van 't gegaeve dat d'r preis in Hasselt Vlaandere wert oetgereikt mèt häör humanitair sjtaandpeunt in de Voerkwestie.
[bewirk] Nominaties in 't verlaeje
- 2003: nominatie kortverhaol Laandboewerstied.
- 2006: ieërvolle vermelding van d'r doeëje-dialoog Gesjprek mit Shakespeare.
[bewirk] Sjtäölke
Fragmaent oet Gesjprek mit Shakespeare, 'ne doeëje-dialoog.
De middegzon sjiengt in 'n witte sjtriep dör de däör nao binne. Mae in de Pieter is 't keul. 'n Keulhèèd die get klaams kriet es 'ch dör de aoëpe veenster rech op d'r middelieëwse sjtadsmoeër kiek. Bie 't zieë va mergel, ruuk 'ch d'r Jezuïteberg. En laet zich vör e momaent 'n dun glaasgerdienge grottetemperatuur uvver mich heen. Ich hub os twieë witbeer besjtild en kleenk mit d'r William Shakespeare op os gezoondhèèd...
William Shakespeare:...'ch Hub väöl van d'r Francis Bacon gelieërd. Later verwirkde 'ch dat väöral in 't Gehuch.
Bep Mergelsberg: 't Gehuch? Dat sjtuk kin 'ch neet.
William Shakespeare: Da kins-te neet genog Ingelsj. E hamlet is 'n klèè aafgelaege gehuch mit get gesjlaoëte hoof-boerderieje. 'ne Treffende metafoor väör d'r top van 't Hof. 't Sjtuk geet jao och uvver d'r sjtrijd um de geesteleke mach dae zich aafsjpelt op 't nivo van de groeëte ego's. En wie ze zich oonder-èè op die meneer allemaol kapot make.
Bep Mergelsberg: Mae Hamlet sjpelt zich toch aaf in Denemarke?
William Shakespeare: 'ch Moes mieng sjtukke transponere. Urges aandersj situere um de duiding te kamoeflere...
