Kreteg
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
.jpg/180px-Pont_d'arcades_de_Móra_d'Ebre_(Ribera_d'Ebre,_Catalonia).jpg)
Kreteg utawa jembatan ing basa Melayu, iku wot gedhé lan amba sing nyebrangi sawijining papan tarbuka utawa jurang. Biasané kreteg dienggo nyebrang kali, lembah, jurang lan sabanjuré sing ora bisa diliwati wong utawa wahana. Kreteg uga bisa nyebrangi dalan sing macet lan biasané diarani kreteg layang (jembatan layang utawa flyover).
Kreteg uga duwé kawigatèn militèr, sabab musuh biasané nyoba nggawé bolongan gedhé utawa nggawé kali supaya tank-tank lan wahana motor liyané ora bisa liwat. Kreteg militèr biasané portabel, tegesé bisa digawa menyang ngendi-ngendi lan biasané luwih njlimet tinimbang kreteg sipil.
[sunting] Jenis-jenis kreteg
Ana patang jenis utama kreteg: kreteg lonjoran, kreteg busur, kreteg cantilever lan kreteg suspènsi (kreteg gantung).
- kreteg lonjoran (beam bridge) iku kreteg sing kabangun namung saka siji unsur baé, biasané batang uwit, blabag utawa barang mèmper liyané
- kreteg busur iku kreteg sing mèmper busur (gandhéwa)
- kreteg cantilever iku kreteg sing dibangun nganggo prinsip cantilever diproyèksi sacara horisontal lan namung disangga ing panggonan siji
- kreteg suspènsi iku kreteg sing digantung mawa tali utawa bahan liya sing fungsiné mèmper tali
