Lordi

Úr Wikipediu, frjálsa alfræðiritinu

Lordi er finnsk þungarokkshljómsveit sem sigraði í söngvakeppni evrópskra sjónvarpsstöðva árið 2006. Sveitin er þekkt fyrir að koma ávallt fram í skrímslabúningum, raunar neita þeir alfarið að láta taka af sér myndir eða fara í viðtöl án búninganna. Nafnið er samsvarandi enska orðinu „lord“ sem getur þýtt ýmislegt í íslensku.

Sveitin hefur verið starfandi síðan 1992 en gaf út sína fyrstu plötu 2002. 2006 tók hún svo þátt í undankeppni Eurovision í Finnlandi með lagi „Hard Rock Hallelujah“ sem hún sigraði með nokkrum yfirburðum. Hljómsveitin var þó nokkuð umdeild sem framlag Finna í aðalkeppninni í Aþenu bæði í Finnlandi sem og annars staðar í Evrópu, t.d. neitaði Kýpur að spila myndbandið við lag þeirra. Sveitin hefur verið sökuð um djöfladýrkun en herra Lordi, söngvari hennar, hefur vísað því á bug enda hefur hún m.a. sent frá sér lög eins og „The Devil is a Loser“ (djöfullinn er aumingi). Lordi vann þó keppnina með 292 stigum, 44 fleiri en lagið sem var í öðru sæti, og mesta stigafjölda sem hefur sést í keppninni frá upphafi. Þetta var einnig fyrsti sigur Finnlands í Eurovision sem aldrei hafði lent í hærra sæti en því sjöunda. Engin þjóð hefur fengið fleiri stig í keppninni.

Efnisyfirlit 1 Meðlimir 1.1 Núverandi 1.2 Fyrrverandi 2 Útgefið 2.1 Plötur 2.2 Smáskífur 2.3 Tónlistarmynbönd

[breyta] Meðlimir

[breyta] Núverandi

• Hr. Lordi - söngur
• Amen - gítar
• OX - bassi
• Awa - hljómborð
• Kita - trommur

[breyta] Fyrrverandi

• Magnum - bassi
• Kalma - bassi
• Enary - hljómborð (Erna Siikavirta)

[breyta] Útgefið

[breyta] Plötur

• Get Heavy (2002)
• The Monsterican Dream (2004)
• The Monster Show (samblanda af Get Heavy & Monsterican Dream sem seld var í Bretlandi) (2005)
• The Arockalypse (2006)

[breyta] Smáskífur

• „Would You Love a Monsterman?“ (2002)
• „Devil is a Loser“ (2003)
• „Blood Red Sandman“ (EP) (2004)
• „My Heaven is Your Hell“ (2004)
• „Hard Rock Hallelujah“ (2006)

[breyta] Tónlistarmynbönd

• „Devil is a Loser“
• „Would You Love a Monsterman?“
• „Blood Red Sandman“
• „Hard Rock Hallelujah“