Dýr
Úr Wikipediu, frjálsa alfræðiritinu
| Dýr | ||||
|---|---|---|---|---|
 Sjávarnetlur (Chrysaora quinquecirrha)
|
||||
| Vísindaleg flokkun | ||||
|
||||
| Fylkingar | ||||
|
Dýr (fræðiheiti: Animalia) eru hópur lífvera, sem er flokkaður innan dýraríkisins. Dýr eru ófrumbjarga fjölfrumungar, færir um hreyfingu og samanstanda af frumum sem hafa ekki frumuveggi (dýrsfrumur). Til eru meira en 1 milljón tegunda af dýrum í um 30 fylkingum. Vöxtur Dýra fer venjulega fram í öllum líkamshlutum og hættir venjulega við kynþroska. Dýr nærast á öðrum lífverum t.d. plöntum, öðrum dýrum eða dýraleifum til þess að lifa af. Flest dýr hafa sérhæfð líffæri eins og tauga- , meltingar- eða hreyfikerfi. Það er ýmislegt sem aðgreinir dýr frá öðrum lífverum. Sem dæmi má taka að dýr eru Heilkjörnungar og oftast fjölfrumungar sem m.a. aðgreinir þau frá gerlum. Einnig melta þau mat innvortis og hafa ekki frumuveggi sem m.a. aðgreinir þau frá plöntum.
