Jesus Christo
De Wikipedia, le encyclopedia libere
Adde referentias de publicationes recognoscite pro facer su contento plus verificabile.
Jesus Christo (n) [je-sús krís-to], Jesus de Nazareth, (5 ante Christo – 33 esseva un judeo o hebreo qui on crede viveva al initio del seculo I in le region de Judea (hodie Israel) e moriva crucificate in Jerusalem circa in le anno 30.
Il ha numerose textos super su vita (principalmente illes appellate evangelios). Le tres officios (in latino munus triplex per triplice officio) de Jesus esseva: Propheta, Sacerdote e Rege.
Christo es le persona central del religion christianismo, basate tanto in le doctrina que ille predicava como in le fide in su resurrection post su morte super le cruce. Le majoritate de iste religiones establiva como dogma de fide que Jesus es le secunde persona (le Filio) del Trinitate divine (et qui es Deo).
Le Islam considera Christo un de su prophetas plus importante.
Independentemente ex le puncto de vista, le influentia de su doctrina in le cultura occidental es innegabile.
Tabula de contento |
[modificar] Le nominationes de Jesus
In arameo, le lingua del Judea del seculo I, le nomine Jesus provene ex Ieshua (ישׁוע, Yēšûaʿ) ‘Yave salva’. On crede que su discipulos le appellava «Rabi Ieshua ben Iosef» (‘maestro Jesus, fillo de Joseph’).
Iste nomine vene ex su equivalente in hebreo, Iehoshua (יהושע o Yēhošûa), trans le greco Iēsoûs (Ιησους) et ex latin Iesus. Nonobstante, on lo poterea translater tamben como Josue, jam que altere evolution del mesme nomine Ieshua esseva Ioshua et, de hic a Josue.
[modificar] Definition
- Jesus (Jeshua) le Nazareno, filio de Deo (secundum ecclesias christian)
- fundator del Christianismo...
- appellate "le Christo"...
- su factos es narrate in le Nove Testamento...
[modificar] Preexistentia de Christo
- Le preexistentia de Christo indica le existentia de Christo qua logos o como Filio de Deo in le mundo eterne de Deo ante Su vita terren (Cfr. le prologo de Johannes 1:1-18).
- Le idea del preeexistentia de Deo ante al tempore, presente in le Biblia, recurre alsi in religiones precedente e externe al christianismo.
[modificar] Humiliation de Christo
Le humiliation de Christo es:
- le condescension de Deo in devenir un homine;
- le disrespecto, le dolor, e le paupertate que sur le terra suffreva Christo.
[modificar] Jesus e le christianismo
[modificar] Le nomine
Jesus es le prenomine de Christo. Le orthographia del nomine assi como nos lo usa hodie deriva ab le greco. Su equivalente in lingua hebraic esseva Yehoshua o Jeshua. Originarimente iste nomine significava litteralmente “le adjuta de Jehovah”, “Salvator, Liberator” o “Jehovah es salvation”. Le nomine esseva indicate a Joseph le marito de Maria, per le angelo que le appareva (Mat. 1:21).
Christo es un nomine sacro, e illo non es un appellativo o nomine commun; il es de derivation grec e su significato es identic a su equivalente hebraic “Mashiah” (Messia), que significa “le uncto” o “le unguite” ab le antique practicas usate alora pro consecrar le reges e sacerdotes.
Altere titulos, habente cata un de illos un significato ben precise, qual: Emmanuel, Salvator, Unigenito, Senior, Filio de Deo, Filio del Homine e multe altere ancora, on trova in le Scripturas, sed le facto principal es que tote iste varie titulos es indicativos del origine divina e del divinitate de Nostre Senior e Salvator le Creator de iste terra ubi nos vive.
[modificar] Fontes de information
Le principal fonte de information re Jesus es le Evangelios scribite per Mattheo, Marco, Luca e Johannes.
Mattheo: Le narration de Mattheo es characterisate per le grande emphase super como le vita de Christo compliva le prophetias del Vetulo Testamento. Iste evangelio include multe importante discursos del Maestro, como per exemplo le Sermon sur Monte (Mat. 5-7), un discurso circa le parabolas del regno (Mat. 13) e un longe discurso critic re Scribas e Phariseos (Mat. 23). Mattheo describe Jesus como rege e judice de Israel, como uno qui insenia con grande poter e autoritate. Su evangelio debeva haber un particular poter super le lectores Judeos.
Marco: Le narration de Marco es le plus breve del evangelios e illo offere un imagine toccante de Jesus, plen de action, ultra a evidentiar le poter miraculose del Maestro. A causa de iste imagine dynamic, multe studiose ha retenite que illo esseva directe al romanos. Marco sembla esser state intimemente ligate a Petro post le morte del Salvator, e in su scriptos multes vide le influentia del narrationes de Petro.
Luca: Per su optime cognoscentia del greco e le description compassionabile que ille face del Senior, multes ha retenite que iste autor scribeva per le grecos de su tempore. Le evangelo de Luca pone le accento sur pardono e le amor facente notar, mediante parabolas que on trova solmente in su evangelio (como per exemplo le Filio Prodige), que le peccator pote trovar reposo e pace in Jesus. Luca nos forni anque importante informationes re le rolo que le feminas disveloppava durante le ministerio e le vita de Christo. Ille sol parla del visita del angelo a Zaccaria e de Elisabeth, matre de Johannes Baptista. Ille sol parla del viage de Maria e de Joseph a Bethlehem e del factos detaliate re le nascentia de Jesus.
Johannes: Dum le evangelio de Johannes nos offere un imagine plus intime de Jesus, per mitter in evidentia le relation con le Patre, su relationes con le dece-duo apostolos, etc., le scopo principal de Johannes sembla que esseva celle de portar testimonio de Jesus como le Messia plus tosto celle de describer in detalio le locos e le eventos de Su ministerio. In su scriptos nos trova le potente testimonio de Jesus como Filio de Deo, de Jesus como le Bon Pastor, de Jesus como le Via, le Veritate e le Vita, e de Jesus como Resurrection e Vita.
Nephi: Ultra al testes biblic nos ha un altere referentia scriptural in le Libro de Mormon, in le capitulos 11-14, le propheta Nephi face un meraviliose description de Jesus immediatemente post Su resurrection de Su visita al populo nephite, un remanente del tribo de Joseph. Iste narration es anque cognite como le quinte evangelio inter illes qui accepta iste libro como le parola de Deo.
[modificar] Jesus de Nazareth
Al tempore del nascentia de Christo, Roma dominava un grande parte del mundo Mediterranee. Augusto esseva un soveran habile e energic e ille dedicava su regno (31 a.C. - 14 d.C) a stabilir un certe tradition de legalitate e de honestitate in le bureaucratia roman, reorganisante le governamentos provincial e introducente le reforma financiari. Su regno esseva characterisate per un certe ordine.
Si nos accepta le calculo del tempore facite per Dionysius Exiguus, in le anno DCCLIII ab Urbe condita, le Imperator roman Augusto ordinava un censimento general de population del Imperio Roman. Le edicto habeva character general, in quanto ordinava le censimento de tote le populationes del territorios tributari del Imperio. Iste censimento esseva le secunde de tres censimentos general, que habeva intervallos de circa vinti annos cata un. Si le censimento esseva facite in le solite modo sequite per le romanos, cata persona esserea inscribite in le pais de residentia; sed le uso judaic, respectate per le leges roman, prevideva que le registration del nomines esseva effectuate in le citate o village declarate per le respective familias como lor casa ancestral. Al tempore del nascentia de Christo Joseph e Maria non viveva a Bethlehem terra de lor avos, sed a Nazareth e esseva durante lor viage pro facer lor registration que Jesus nasceva in le citate de Bethlehem sed ille esseva cognoscite como Nazareno perque Nazareth esseva le citate de su residentia.
[modificar] Le Filio de Deo
Quando le angelo Gabriel appareva a Maria annunciante le que illa esserea le matre del Senior, illa esseva turbate perque illa non esseva ancora sponsate con Joseph. Illa esseva secur de su stato virginal, e su demanda a Gabriel esseva: “Como pote io generar un filio si io non es ancora sponsate?” Le explication del angelo a Maria es le explication plus clar del paternitate de Deo e del divin condition de Su Filio como on trova in le Sacre Scriptos. Gabriel declarava: “Le Spirito Sancte venira supra te e le potentia del Altissimo te coperira con le umbra sue; ergo le sancto que nascera, essera appellate Filio de Deo” (Luca 1:35).
Iste declaration nos dice que Jesus esseva non le filio del Spirito Sancte ma ille esseva le Filio de Deo le Patre. Ergo le infante que esserea nascite de Maria esseva generate per Elohim, le Patre Eterne e iste es le ration de esser appellate le Unigenito, perque ille es le unic “homine” nascite in iste terra como filio litteral de Deo.
[modificar] “Ecce Homo!”
Jesus esseva imprisionate ille esseva portate ante al Sinedrio del Judeos, ante a Erode e ante Pilato pro esser judicate e illes sapeva que Jesus esseva innocente. Pilato se lavava le manos, sequente le practica judee (Deut. 21:1-9), compliva le ritual ceremonia que habeva le scopo de liberar le del responsabilitate del morte de Jesus.
“Ecce le homine!” iste esseva le parolas de Pontio Pilato post haber judicate Jesus, “Prende le vos e crucifige le vos; perque io non trova in ille alcun culpa”. Pilato dava le ordine, necun altere habeva le poter. Pilato condemnava assi un homine innocente al crucifixion, e ille lo sapeva! Existe forsan in le historia un plus clar exemplo de assassination judiciari?
Le crucifixion esseva recognoscite per totos como le forma de morte plus horribile. Presso le romanos anque le degradation faceva parte del punition que, on infligeva a un homine libere, e illo esseva applicate solmente al criminales plus ignobile. Le condemnate portava su cruce, o al minus un parte de illo. Le loco del execution esseva foras del citate (1 Reges 21:13; Actos 7:58; Heb 13:12). Arrivate al loco del execution, le condemnate esseva denudate, perque su vestes deveniva proprietate del soldatos (Mat. 27:35). Ergo le cruce esseva inserite in le terra in modo que le pedes del suffrente on trovava a un certe distantia del solo. Le morte esseva lente, le suffrentias poteva durar anque jornos. Generalmente le corpore esseva lassate a putrescer supra le cruce per le action atmospheric, o devorate per le vultures o alteres animales carnivore. Le sepultura esseva generalmente prohibite, sed esseva facite un concession in favor del judeos (Deut. 21:22,23; Matt. 27:58).
Iste detestabile e espaventose forma de castigation esseva finalmente abolite per Constantino.
[modificar] Le Resurrection
Jesus resuscitava del morte. Como esser glorificate e resuscitate Ille appareva a Su discipulos. Illes le videva e illes videva le vulneres que indicava que ille habeva essite crucifigite. Illes le videva mangiar, parlar e mover se ante illes. Ille esseva vive e illes proclamava lor testimonio ante reges e nationes e illes defendeva fidelmente iste veritate usque le fin de lor vitas.
Inter tote le apparitiones de Jesus post su resurrection forsan le plus importante esseva illo describite in (Matt. 28:16-20) quando le Senior se monstrava a un multitude de discipulos, probabilemente iste es le occasion al qual Paulo se refereva quando ille diceva que Christo 'appareva a plus de cinque centos fratres in un sol vice' (I Cor. 15:6). Anque le Libro de Mormon face un description detaliate del Salvator resuscitate quando Ille appareva al populo nephite (vide Libro de Mormon)
[modificar] Le Secunde Advento
Le libro de apocalypse, le ultime libro del Biblia, face un description complete del secunde venita de Jesus Christo pro regnar sur le terra e pro judicar le homines secundo lor operas. Su venita es un evento que omne fidel expecta con impatientia.
Perque le sanctos del Altissimo demorara sur le terra que habera su fortia primitive. Illes edificara citates e illes plantara jardines, illes qui esseva fideles in pauc essera ponite supra multe cosas, le Eden florescera, le fructos e le flores del paradiso monstrara lor beltate como in le principio e le inimicitate inter le homines e le animales disparira (Isaia 11:6-9). Jesus regnara in gloria supra le Monte Sion e in Jerusalem e tote le cosas create laudara le Senior.
