Dionysius Exiguus
De Wikipedia, le encyclopedia libere
Dionysius Exiguus ("Dionysio le Parve") (470 - 540) esseva un monacho nascite in Scythia Minor.
Papa Johannes I appellava Dionysio a compilar le tabella per le futur datas del Pascha. In 525, Dionysio produceva su Liber de Paschate.
A su tempore le data esseva calculate desde le initio del regno del Imperator roman Diocletian un feroce persecutor del christianos. Dionysius non voleva continuar le memoria del tyranno qui persequeva le christianos, e ille proponeva de numerar le annos desde le nascentia de Jesus Christo.
Le data secundo Dionysio, anque dicta Era Vulgar, comenciava in le anno DCCLIII ab Urbe condita (753 del fundation de Roma),que deveniva assi le anno 1 del Era Vulgar. Le data esseva calculate in referentia al nascentia de Christo, ergo a.C. (ante Christo) o d.C. (depost Christo).
Le romanos non cognosceva le zero ecce perque illo non existe in le calendario christian, ergo al anno 1 a.C. seque immediatemente le anno 1 d.C.
Secundo le calculos de Dionysio, que hodie multes considera erronee, Jesus nasceva le 25 decembre del anno 1 e.v.
Ma le data exacte del nascentia de Jesus Cristo es un mysterio.
Probabilemente Dyonisio, commiteva un error in su calculos pro stabilir le anno de initio del era cristian (forsan de 7 annos, forsan de 4 o 5).
Jesus haberea potite nascer in 7 a.C. (ma anque in 4 o 5 a.C., o forsan, como dice le historico Giorgio Fedalto, que revalorisa le calculos de Dionysio, pauc ante le initio del anno 1).
Le data exacte non es note. Totevia le recentissime studios, effectuate sur textos del fragmentos del Qumran, valorisa le hypothese que Jesus haberea potite nascer effectivemente in le 25 decembre precedente le anno 1.
Totevia il es improbabile que le censimento general de population del Imperio Roman durante su nascita esseva facite in le mense de decembre. Il es plus credibile que on lo faceva in primavera.
E si le calendario de Dionysio es exacte assi como es?