Conxunto

Na Galipedia, a wikipedia en galego.

O concepto de conxunto na Matemática é intuitivo e poderiamos definilo como unha colección de varios obxectos ou elementos, sen importar a súa orde e feita con calquera criterio. Un conxunto está ben definido se é sabido se un determinado elemento pertence ou non ao conxunto.

Os conxuntos represéntanse cunha letra maiúscula.

Dous conxuntos A e B son iguais cando posúen precisamente os mesmos elementos, isto é, se cada elemento de A é un elemento de B e cada elemento de B é un elemento de A.

Índice

1 Notación
- 1.1 Subconxuntos e Superconxuntos
- 1.2 Conxunto baleiro
2 Operacións cos conxuntos
3 Álxebra de conxuntos

[editar] Notación

Normalmente, úsanse letras maíusculas para representar os conxuntos e letras minúsculas para representar os elementos dun conxunto dado. Se $~A$ é un conxunto e $~a, b, c, d, e$ todos os seus elementos, é frecuente escribir:

$~A= \{a, b, c, d, e\}$ (1)

para definir tal conxunto $~A$ . A notación empregada en (1) para definir o conxunto $~A$ chámase notación por extensión.

Para representar que un elemento $~x$ pertence a un conxunto $~A$ , escríbese $x\in A$ (léase ben $~x$ no $~A$ , ben $~x$ pertence ao $~A$ ). A negación de $x\in A$ escríbese $x\notin A$ (léase $~x$ non pertence ao $~A$ ).

Se todos os elementos $~x$ dun conxunto $~A$ satisfan algunha propiedade —que pode representarse como unha proposición $p\left( x\right)$ coa indeterminada $~x$ —, usamos a notación por comprensión, e pode definirse:

$~A= \{x:p\left(x\right)\}$

A é o conxunto de elementos x, que cumpren p(x), onde o símbolo : lese "cúmprese que", e pode ser substituído por unha barra $\mid$ "tal que".

Por exemplo, o conxunto $~A= \{1, 2, 3, 4\}$ pode definirse por:

$~A= \{n: 1\leq n\leq 4, n\in\mathbb{N}\}$ .

O símbolo $\mathbb{N}$ representa o conxunto dos números naturais.

[editar] Subconxuntos e Superconxuntos

Un conxunto $~A$ dise subconxunto doutro $~B$ , se todos os elementos do $~A$ son tamén elementos do $~B$ ; matematicamente:

$x\in A\qquad\Rightarrow\qquad x\in B$ ,

sexa cal for o elemento $~x$ . Así, escríbese $A\subseteq B$ .

Deberá ser sinalado que, por definición, non se exclúe a posibilidade de se $A\subseteq B$ , cumprirse $A = B$ . Se o $~B$ ten ao menos un elemento que non pertenza ao conxunto $~A$ , mais se todos os elementos do $~A$ son elementos do $~B$ , entón dicimos que $~A$ é un subconxunto propio do $~B$ , o que se representa como $A\subset B$ .

Se o $~A$ é un subconxunto do $~B$ , dicimos tamén que o $~B$ é un superconxunto do $~A$ , o que se escribe $B\supseteq A$ . Logo

$B\supseteq A\qquad\Leftrightarrow\qquad A\subseteq B$ ,

e tamén: $B\supset A\qquad\Leftrightarrow\qquad A\subset B$ ,

significando $B\supset A$ que o $~B$ é superconxunto propio do $~A$ .

Polo principio de indentidade, é sempre certo $x\in A\quad\Rightarrow\quad x\in A$ , para todos os elementos $~x$ , polo que todo conxunto é subconxunto (e tamén superconxunto) de si mismo.

Vemos que $\subseteq$ é unha relación de orde sobre un conxunto $~S$ de conxuntos, pois

$A\subseteq A$			$\subseteq$ é reflexiva.
$A\subseteq B\wedge B\subseteq A$	$\qquad\Rightarrow\qquad$	$A=B \,$	$\subseteq$ é antisimétrica
$A\subseteq B\wedge B\subseteq C$	$\qquad\Rightarrow\qquad$	$A\subseteq C$	$\subseteq$ é transitiva

[editar] Conxunto baleiro

O conxunto baleiro ou conxunto vacío é un conxunto que non posúe elementos. Represéntase por ${}$ ou $\empty$

Todo conxunto posúe como subconxunto o conxunto baleiro. Podemos mostrar isto supondo que se o conxunto baleiro non pertence ao conxunto en cuestión, entón o conxunto baleiro debe posuír un elemento ao menos que non pertenza a este conxunto. Como o conxunto baleiro non posúe elementos, isto non é posíbel. Como todos os conxuntos baleiros son iguais uns aos outros, é permisíbel falar dun único conxunto sen elementos.

[editar] Operacións cos conxuntos

Sexan $~A$ e $~B$ dous conxuntos.

[editar] Unión

Os elementos que pertencen ao $~A$ ou ao $~B$ ou a ambos os dous $~A$ e $~B$ , forman outro conxunto, chamado unión de $~A$ e $~B$ , escrito $A\cup B$ . Matematicamente:

$A\cup B= \{x:x\in A\quad\vee\quad x\in B\}$ .

[editar] Intersección

Os elementos comúns de $~A$ e mais de $~B$ forman un conxunto denominado intersección de $~A$ e $~B$ , representado por $A\cap B$ :

$A\cap B= \{x:x\in A\quad\wedge\quad x\in B\}$ .

Se dous conxuntos $~A$ e $~B$ son tales que $A\cap B =\emptyset$ , entón $~A$ e $~B$ dinse conxuntos disxuntos.

[editar] Diferenza

Os elementos dun conxunto $~B$ que non se atopan noutro conxunto $~A$ , forman outro conxunto chamado diferenza de $~B$ e $~A$ , representado por, $~B-A$ :