Cória
Dendi Güiquipeya
Cória |
|||
---|---|---|---|
|
|||
![]() Cória |
|||
Nombri oficial | {{{nombri_oficial}}} | ||
Pais | ![]() |
||
Comuniá Autúnoma | Estremaura | ||
Província | Caçris | ||
Província | Caçris | ||
Comarca | {{{Comarca}}} | ||
Ciá | {{{monicípiu}}} | ||
Coigu postal | 10800 | ||
Supifici | 103 qm² | ||
Artitú | 280 m. | ||
Longol | 68 qm a Caçris | ||
Puebración | 12.767 ab. (2007) | ||
Hentilíciu | Cauriensi Corianu |
||
Rius | Alagón | ||
Páhina web | www.coria.org | ||
Cória es una ciá i monicípiu la província e Caçris, Estremaura (España). Cuenta con 12.767 abitantis (INE 2007).
Continius |
[eital] Arrayus del términu monicipal
El términu monicipal de Cória, con 103 qm² de superfici, arraya con:
- Carçailla i Guihu e Cória al norti.
- Morcillu al esti.
- Portahi i Torrehoncillu al sul.
- Casas de Don Gómes i Casillas de Cória al oesti.
[eital] Demografia
Evolución demográfica la ciá e Cória | |||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
1991 | 1996 | 2001 | 2007 | ||||||||||||||||
11.108 | 11.900 | 12.086 | 12.767 |
[eital] Estória
[eital] La nacéncia
Nu se conoci con desatitú la fecha e hundación de la ciá e Cória, si bien, la fertiliá las riberas de riu Alagón premitiria una mu temprana ocupación, biéndusi alcuentrau materialis líticus del periu achelensi antigu (300.000 eC).
Un primel asiahamientu acontinau á queau decumentau con el puebru vettón, d'estirpi celta, que alreol los sigrus VIII-VI eC asiaha la su capital ena antigua Caura.
[eital] El mundu romanu
Cola conquista romana, alreol el sigru I eC, pol ordin del consul Quinto Cecilio Metello Pío, el asentamientu pasa a llamalsi Castrum Cecilium Cauriensis, antecedenti la posteriol Caurium, monicípiu estipendiáriu que, nel Bahu Empériu, lograria la ciaania romana, encuairau nel Conventus Emeritensis de la província Lusitánia.
Caiu el Empériu, alreol del sigru V, Cória pasó a puel los bárbarus, renaciendu aluspués cumu núcliu emportanti el reinu ispanu-visigou e Toleu, momentu nel que, si nu enantis, s'estituia la sé episcopal cauriensi (el 589 firma las atas del III Concíliu e Toleu Jaquintus, Episcopus cauriensis).
[eital] La eá Meya
Cola envasión musulmana, tras el 711, l'antigua Caurium pasa a llamalsi Qüriya, siendu ohetu, a lo largu e mas de dos sigrus de runchas entri musulmanis i cristianus, hata la su definitiva reconquista pol Rei e Lión Alfonsu IX. Anque nun primel momentu se conhorma cumu ciá e rialengu, ena que se reistaura la sé episcopal, las runchas nobiliárias a partil del sigru XIV, con el debilitamientu el puel rial, asiahará a Cória bahu el puel nobiliáriu, cabeça el Condau el mesmu nombri, en favol de la familia Solís que posteriolmenti enahenaria el entítulu a los Álvarez de Toleu (1472), encorporándusi cumu marquesau a la Casa d'Alba.
[eital] Conquista americana
Pola emportáncia sociu-económica i el creciu númiru d'abitantis colos que contaba Cória nel sigru XVI, lóhicu es que colabutasi con un emportanti númiru los sus abitantis al proyeutu conquistaol i coloniçaol del Nuevu Mundu. Dalcuerdu con el Pbro. Vicente Navarro del Castillo, 73 naturalis de Cória saloan pa Indias nel sigru XVI. Sin embargu, angunus mas que nu apaicin enas listas la Casa de Contratación de Sevilla, i que pol anguna razón emportanti (la mayol parti pol sel horçaus conversus) abaldonarun España en aquellas fechas.
Entri esus presonahis que nu apaicin nel listau oficial, tenemus a Antonio de Naveros, un eficienti serviol púbricu que se desempeñó en Veneçuela cumu veeol i contaol rial i tinia al su cargu la fiscaliçación oficial cuandu aquel territóriu estaba bahu el domiñu los Welser, banquerus alemanis i prestamistas que remediaban las arcas de la Corona en tiempus de Carlus I.
[eital] Cória Moerna i Contemporánea
Dendi esi momentu la ciá e Cória se dirá sumiendu en lentu cibarru e sigrus, con angún sobrisartu polas runchas con Purtugal duranti el sigru XVII i la Guerra d'Endependéncia nel sigru XIX. Ya nel sigru XX, enos añus 60, pol decisión d'unu los sus obispus, Manuel LLopis Ivorra, se treslaa la sé e fatu a Caçris, costituyéndusi la nueva Diócesis de Cória-Caçris, manteniendu nominalmenti la Cátedra Diocesana en Cória. Polo demas, la ciá entri finalis del sigru XX i prencípius del sigru XXI trata d'arrecuperal parti el su antigu esplendol.
[eital] Presonahis ilustris
- Antonio de Naveros (1500-1552), huncionáriu rial en Veneçuela.
- Beata María de Jesús Ruano Gutiérrez (1616-1666), terciária franciscana, conocia cumu la "La sabihonda e Cória".
- Rafael Sánchez Mazas, escrebiol i pulíticu el sigru XX. Ministru sin cartera nel primel gobielnu nacional i Presienti el Patronatu el Museo del Prado.
- Rafael Sánchez Ferlosio, escrebiol i ensayista. Prémiu Cervantes.