Londra
Wikipediya ra, ensiklopediya hosere
Londra yew suka Britanya Gırdea. Caê xo verocê (şerqê) Britanya Gırde dero. Londra hem paytextê Britanya hem ki tewr gırd suka Britanyawa.
Tedeestey |
[bıvurne] Tarix
Tarixê Londra zaf khano. Serra 47 İ.R. (İsay ra raver) de, İmparatoriya Roma suka Londra na ro. Verên de namey xo Londinium biyo. Serra 100 İ.R. de Londra biya paytextê eyaletê Britanya. Serra 600 de, merdumê Anglo-Saxonan amey Londra u suka Londra zaf biya gırd. Feqet serra 850 de Vikingan Londra kerda xırabe. Wextê Miyani de Londra de zaf neweşi amey u zaf merdumê Londraê neweşi merdê. Seserra 18ine de Londra zaf biya pil u seserra 19ine de Londra biya tewr gırd sukaê dınya. Serra 1835 de semedê ray u trenan, Londra biya yew merkezê ticareti. Serra 1863 de, dınya ra yewın bınê-erdi (metro) Londra da vıraziya. Feqet wextê Cengê Dınyaê Dıyıni de, Almanya Federale Londra sero zaf bombey varnay u 30,000 merdumi merdi.
[bıvurne] İqtısad
Nıka Londra sukê da moderına. Banê xeylê berzi u binaê ke hetê mımarine de mıkemmel vıraziyê, estê. Londra bacarê dewizio, paytextê borsao, merkezê iqtısad, siyaset, zagon u moda Britanya Gırdeo. Londra da zaf şirketê iqtısadi estê. Merkezê Barclays, HSBC u Reuters Londra de ronayiyê. Borsa Londra zaf pila. Endustriyê turizmi gırdo; her serre zaf turisti sonê Londra.
[bıvurne] İklim u Nıfus
Nıfusê Londra 7.5 milyono; feqet nıfusê metroy 12 milyono. Zaf şarê muhaciran êsto u zaf mıxtelıf mılleti tede cıwiyenê. %40 Nıfusê Londra Britanya ra niyo. Zaf Mısılmani, Musewi, Hindi u Sikhi estê. İklimê Londra honıko; sıliye (vartış) zaf vareno. Seba ke (semedê) awa germıne (Gulf Stream), hewaê Londra zaf serdın niyo. Erdê Londra her daim kheweo (kıhoyo).
[bıvurne] Çımey
Paytextê Ewropa | ||
---|---|---|
Amsterdam • Andorra la Vella • Anqara • Atina • Belgrad • Berlin • Bern • Bratislawa • Bruksel • Budapeşt • Bükreş • Chişinau • Dublin • Helsinki • Kiew • Kopenhag • Lizbon • Londra • Luksemburg City • Lyublyana • Madrid • Minsk • Monako • Moskowa • Oslo • Paris • Podgorika • Prag • Reykyavik • Riga • Roma • San Marino (Suka) • Sarayevo • Sofya • Stokholm • Tallin • Tıflis • Tirana • Uskup • Vaduz • Valletta • Vatican City • Vilniyus • Viyana • Warşowa • Zagreb • |
Sukê Dınya | ||
---|---|---|
Amsterdam • Atêna • Berlin • Chicago • Dubai • Estamol • Hong Kong • Houston • Kuala Lumpur • Londra • Los Angeles • Frankfurtê Maini • Madrid • Munix • New York City • Paris • Roma • San Francisco • Shanghai • Sidney • Stockholm • Tehran • Tokyo |