Londn
Uit Wikipedia
Londn of Loendn (Nederlands: Londen, sprikt uut: Lonn) is 'n oofdstad van 't Verênigd Keunienkryk e van Iengeland.
De stad Londn legt in 't zuudôostn van Iengeland. Van 't westn na 't ôostn lopt de stroom de Theems. 't Oude centrum is de City, woa dander à peu près 5000 menschn weunn, moa woavan da 't financieel belang styf grôot is. In hêel Londn weunn d'r mêer of zeevn miljoen menschn. De agglomeroasje telt 'r zelfs twoalf miljoen. Londn ku je me recht e reedn e weireldstad noemn.
[bewerkn] Attraksjes
- British Museum: e gratis museum met e collecsje die e miljoen joar geschiedenisse overspant
- Tate Modern: e museum voe moderne kunst
- Buckingham Palace: êen van de residensjes van de keuniginne van Iengeland, Elizabeth II
- De Tower of London: overtyd e gevang, nu de plekke woa dan de krôonjuweeln zittn
- Harrods: e machtig grôotn wienkel
- Madame Tussaud's: 't wassnbeeldnmuseum
[bewerkn] Transport
Je ku na Londn goan mè 'n tring (Eurostar), mè 'n vlieger ('t bekendste vliegpling is Heathrow), of mè de bôot.
[bewerkn] Sport
- In Grôot-Londn ei je e masse bekende voetbolploegn: Arsenal, Chelsea, Fulham, Tottenham Hotspur, Watford, Westham United, Charlton Athletic, Queens Park Rangers, Crystal Palace,...
- Oek in Londn is 't er êen van de belangrykste tennistornôoin ter weireld: Wimbledon
- Andere populaire sportn zyn rugby e cricket.
