Mozart Wolfgang Amadeus
Aus Wikipedia
Der Àrtikl is im Dialekt „Ståd-Såizburgarisch“ gschriem worn. |
Da Mozart Johannes Chrysostomus Wolfgang Theophilus, ma kennd eam béssa åis Mozart Wolfgang Amadé, is ana vo de wichtigstn Komponistn vo da klassischn Musik in Eiropa. Af d'Wöid kumma is a am 27. Jänna 1756 in da Ståd Såizburg im Såizburga Fürsterzbistum, gstorm is a am 5. Dezemba 1791 in da östareichischn Hauptståd Wean. Er is zwar scho mid 35 Jåhr gstorm, åwa er håd a Werk zruckglåssn, wås ålle wichting Årtn vo Musik zu seina Zeid umfåsst håd. Außadem wår a, wåmma seine Zeidgenossn glaum derf, a Virtuos am Klavier und af da Geing.
Er håd de Musikgåttung Konzert zu ihra Hochblütn bråcht, genauso åis wia à d'Sümpfånie und d'Sonàtn, und dé drei san dånn nåch eam à de wichtigstn Formen vo da klassischn Orkestamusik worn und bliem. Außadem is a a Meista vo da Oper gwén, und seine Stückün ghern bis heid zu de beliebtestn vo da Musikgschicht.