Fotografía
De Biquipedia
A fotografía ye a teunica de grabar imachens fixas denzima una superfizie de material sensible a la luz alazetando-se en o comenzipio d'a cambra escura. En a cambra escura se consigue proyeutar una imachen cautada por un lente u un conchuntos de lentes denzima una superfizie, de tal forma que a imachen queda reduzida de grandaria y resulta platera. Ta almadazenar ista imaxen as maquinas fotográficas emplegaban dica fa bels añadas as películas sensibles, mientres que en l'autualidá s'emplega tamién sensors dichitals.
A parabra fotografía prozede d'o griego y segnifica "debuxar con a luz" (de photos = luz, y graphis = debuxo).
A fotografía puede estar clasificada baxo a más ampla denominazión de tratamiento de imachens, y debiu a isto, ha embelecato a os dos zentificos y artistas dend'os suyos empezipiallos. Os zentificos, sobre tot, han aprofeitau a suya capazidá ta plasmar con prezisión toda mena de zercunstanzias y estudios, tals como los estudios sobre locomozión umana y animal de Eadweard Muybridge (1887). L'artistas tamién han estau seduzius por istos aspeutos pero han tratau perén d'ir por más bariatos camíns que a simpla representazión foto-mecanica d'a reyalidá.
Contenius |
[editar] Teunolochía y Teunica en a Fotografía
- A maquina fotográfica
- Fotografía quimica
- Fotografía dichital
- Composizión fotográfica
- Iluminazión en fotografía
- Fotografía en blanco y negro
- Fotografía en color
- Rebelau d' a fotografía en blanco y negro
- Rebelau d' a fotografía en color
- Acutancia
[editar] Aplicazións zentificas d'a fotografía
A fotografía ha establiu dend'os suyos empezipiallos un meyo de gran utilidá en a rechira zentifica. Grazias a o suyo emplego a ran zentifico se tien a posibilidá de rexistrar fenoméns que no pueden estar alufratos dreitamén, como por exemplo aquers que se desembolican en tiempos mui breus (fotografía ultrarrapeda) u mui pandos (fotografía de baxa belozidá), aquers que acayezen a escala microscopica, aquers que afeutan a rechions mui grans d'a Tierra u d'o Espazio (fotografía aeria, orbital, astronómica), aquers atrabadas a radiazions no beyibles a lo güello umán, ezetra .
Entre las más impotáns aplicazións d'a fotografía en o campo zentifico destacan a fotografía ultrarrapeda y estroboscopica, a fotografía estereoscopica, a fotografía infrarroya y ultrabioleta, a fotografía aeria y orbital u a fotografía astronomica.
[editar] Fotografía como arte
Cuan os conoximientos en optica estieron pro enantaus, os pintors escubrioron a maniera de proyeutar una imaxen sobre una binza de paper con azeite. Lo que lis premitíba prener notas á fote con a esbentaxa d'una chirada d'a imaxen y una reduzión de grandaria.
Isto consona con a fuga d'o reyalismo en a pintura .
Mas tardi s'escubrioron teunicas emplegando clara de güego que feban fesable lograr que a imaxen por si mesma se quedara grabada en o paper. Ista teunica se'n estió perfeuzionando grazias a la repleca d'o fenomén quimico embrecato y a una contina prebatina con materials alternatibos. Luego estió fesable tener una caxa con un paper fotosensible zaboyau d'a luz, un cañon con o que enfocar-la, y un tancador ta fer pasar a luz o tiempo pro ta que percutiera a la binza.
A fotografía como arte, zenzia y esperenzia umana estieron eboluzionado en paralelo mientres iste tiempo. En cuanto estió fesable fer d'a cambra un dispositibo móbil fázil de manullar aparixió a posibilidá d'influyir en o espeutador por meyo d'a posizión d'a cambra y a suya enfiladura, lo que premitíba tresladar a suschetibidá d'o fotografo a la fotografía, antimás d'ir construyendo un luengache artistico.
O luengache artistico fotografico empezipió con l'erenzio d'a pintura, sin dembargo enampló á fote o suyo lesico grazias a la fazilidá de fer enfiladuras estrimeras (picatos, contrapicatos,...) a cautura d'o mobimiento con largos tiempos de tancador, y a dezisión d'o inte. A presión sobre o fotografo ta siñalar a suya suschetibidá en a fotografía forxó un luengache plen de sotilezas pero que se repleca perfeutamén, mui dreito ta cualsiquier alufrador.
Güe en diya la fotografía ye prauticada por millons de presonas en tot o mundo armatos con güenas maquinas fotograficas. Preferiendo-se autualmén as maquinas con una güena optica y muitas ozions que adiban flesibilidá, fren a las maquinas enfiladas a lo gastador, an l'optica y o tancador ye manullada por a eleutronica restando a lo feito de fer una foto gran parti d'a suya imprebisibilidá. L'aparizión d' as maquinas dichitals, maquinas mistas con bidio, y a fotografía en redoladas de reyalidá birtual complican, enriquexendo, l'esdebenidero d'iste arte.
[editar] Istoria d' a Fotografía
En as pachinas adedicadas a la Istoria d'a Fotografía se reyaliza una estudio detallau que albarca dend'os suyos empezipiallos dic'o mesmo sieglo XXI y que encluye o estudio d'os diferéns ebentos, presonaches y cheners fotograficos que han influyiu en o desembolique d'istos dos sieglos d'a istoria d'a fotografía.
[editar] Dreitos de Autor
O Dreito de Autor considera a las imachens fotograficas a los fins de tutelar as imachens de presonas u d'aspeutos, alazez u feitos d'a bida natural u sozial otenitas por meyo de l'emplego d'un prozedimiento fotografico u enanto analogo.
Corresponde a lo fotografo, salbo en bellas custions relatibas a los retratos fotograficos, o dreito esclusivo de reproduzión, espardidura y benda. Sin dembargo, si l'obra ha estau otenita en a bastida d'achuste de logamento de serbizios u de treballo, tal dreito esclusivo corresponde a lo responsable d'o mandalexo autual. A durazión d'os dreitos sobre a fotografía biene determinato por a normatiba legal d'aplicazión.
O Dreito tamién protexe a pribacidá d'o sucheto fotográfico. De feito, ye premitida a espardidura de fotografías sin o premiso d'o sucheto nomás en os casos de presonaches publicos. En a resta d'os suposaus, o fotografo tetular d'a obra debe otener o premiso d'o sucheto a la publicazión y esposizión pública.
[editar] Cheners fotograficos
- Fotografía artistica
- Periodismo fotografico
- Fotografía d'ambista
- Fotografía industrial
- Fotografía de biaches
- Fotografía d' afizionaus
- Fotografía archeolochica
- O retrato fotografico
- Fotografía de defuntos
- L'espullau fotografico
- O pictorialismo
- Os reyalismos fotograficos
- As banguardias y a fotografía
- Fotografía academicista
- Fotografía de guerra
- Fotografía decumental
- A Fotografía y l'Arte Contemporanio
- L'abstrauzión fotografica
- Zaguers tendenzias fotograficas
- Atros emplegos d'a fotografía
[editar] A Fotografía por países
- Fotografía española
- Fotografía ispanoamericana
- Fotografía asiatica
- Fotografía en a Europa de l'Este
- Fotografía africana
- Fotografía en Oceanía
[editar] Beyer tamién
- Fotografía maldada
- Lomografía
- Fotografía ambulán
- Festibals de fotografía
