Escozia

De Biquipedia

Scotland (anglés)
Alba (gaelico)


(En detalle)	(En detalle)

Lema real: Nemo me impune lacessit
(D'o latín; Dengún m'afronta impunemén)

Idiomas ofizials

Anglés y gaelico

Capital

Edimburgo

Mayor ziudat

Glasgow

Primer Menistro

Alex Salmond

Superfizie
- Total
- % agua

78.782 km²
1.9%

Poblazión
- Total (2001)
- Densidat

5.062.011
64 ab/km²

Moneda

Libra esterlina (£, GBP)

Fuso orario

UTC (UTC+1 en estiu)

Inno nazional

Flower of Scotland (no pas ofizial)

Codigo telefonico

+44

Escozia (en gaelico escozés Alba, en anglés Scotland) ye una nazión d'o norueste d'Europa e un d'os cuatro países constituyens d'o Reino Unito. Ocupa o terzio norte d'a isla de Gran Bretaña e muga á lo sur con Anglaterra. Ye rodiata por o mar d'o Norte á l'este, l'ozián Atlantico á lo norte y l'ueste, e a canal d'o Norte e o mar d'Irlanda á lo surueste. Antimás d'a parti prenzipal d'o suyo territorio bi ha alto u baxo 790 chicotas islas en Escozia.

Edimburgo ye a capital d'o país e a segunda ziudat más gran, estando un d'os mayors puestos finanzieros d'Europa. A mayor ziudat d'Escozia ye Glasgow que reculle en a suya aria metropolitana, dita o Gran Glasgow (en anglés Greater Glasgow) o 40% d'a poblazión total d'Escozia. En as auguas escozesas de l'Atlantico Norte e o mar d'o Norte se i troban as mayors as mayor reserbas de petrolio d'a Unión Europeya

O Reino d'Escozia estió un estato independient dica l'1 de mayo de 1707 cuan con os Autos d'Unión (a penar d'as grans protestas que i abioron en toda Escozia) s'unió con o Reino d'Anglaterra ta creyar o Reino de Gran Bretaña

[editar] Cheografía

Anque Escozia siga un país relatibament chicot, ya que ocupa una superfizie de 78.772 km², poseye una cheografía mui bariata, que abraca dende as lowlands rurals á las highlands deserticas, o d'as grans ziudaz á las chicotas islas completament desabitatas.

[editar] Luengas

A luenga ofizial ye l'anglés anque en bellas zonas d'o norte e l'ueste se conserba o gaelico e l'anglico escozés.

[editar] Simbolos nazionals

A bandera d'Escozia, con a cruz de San Andrés.
O estandarte reyal d'Escozia.
L'unicornio ye usato á begatas como un simbolo eraldico d'Escozia.
William Wallace, l'eroe nazional d'Escozia e líder n'as Guerras Escozesas d'Independenzia.
O diya de San Andrés.

[editar] Cozina d'Escozia

A cozina d'Escozia comparte muitos platos con a cozina anglesa pero tién unos atributos distintibos así como rezetas propias, grazias, bellas d'eras, á las influyenzias antiguas estranxeras en comparazión con as cozinas locals. Os platos consideratos tradizionals han estato, á begatas, trayitos antiguamén por atros pueblos.

[editar] Literatura d'Escozia

A literatura d'Escozia encluye todas as obras redautatas por autors escozeses, ya siga en latín, franzés, anglés, gaelico escozés u scots, dende os primers decumentos dica l'autualidat.

Os abitans primitibos d'a zona norte de Gran Bretaña fablaban bariants de luengas zeltas. Así, gran parte de l'antigua literatura galesa estió composata en l'autual Escozia u zerca d'era.

[editar] Relichión en Escozia

Escozia, como a resta d'as nazions europeyas, ye tradizionalment cristiana con un 70% de presonas que profesan ista relichión. A Ilesia d'Escozia, tamién conoxita como The Kirk, ye reconozita por a lai como a ilesia nazional d'Escozia y ye independient d'o Estato en materias espirituals.