Atomo
De Biquipedia
Atomo( D'o latín atomum, y este d'o griego ατομον, intrestallable) ye a menor cantidá d'un elemento quimico que tien esistenzia mesma, y que no ye fesable dibidir meyante enantos quimicos.
O conzeuto d'atomo estió ya proposau por filosofos griegos como Demócrito y os Epicureos. Sin dembargo estió olbidato dica que o quimico anglés John Dalton rebisó a ideya en a suya tioría atomica. En o sieglo XIX, grazias a los treballos d'Avogadro, se prenzipió a distinguir entre atomos y moleclas. A bisión muderna d'o suyo tarabidau interno abió que asperar dic'a preba de Rutherford en 1911 y o modelo atomico de Böhr. Posteriores trobos zentificos, como a tioría cuantica, y abanzes teunolochicos, como lo microscopio eleutronico, han premitiu conoxer con mayor detalle as propiedaz fesicas y quimicas d'os atomos.
Anque a mayor parti d'un atomo ye espazio laso, os atomos son composatos de particlas más chicotas. Por conbenienzia se gosa dibidir en:
- nuclio: En o zentro, composau por os nucleones (protones y niutrones)
- crosta: A parti más esterna pende en una boira de eleutrones
En o caso de atomos en estau niutro lo numero d'eleutrones ye identico a lo de protones que ye lo que carauteriza a cada elemento quimico. O numero de protones d'un determinato atomo se clama numero atomico y determina a suya posizión en a tabla periodica d'os elementos. Os atomos con o mesmo numero atomico, pero distinta pasta atómica (por tener diferén numero de neutrones) se claman isotopos.
