Vereinte Nationen

Us der alemannische Wikipedia, der freie Dialäkt-Enzyklopedy

Flagge der Vereinten Nationen
Amtssprôchene	Arabisch, Chinesisch, Englisch, Französisch, Russisch, Spanisch
Generalsekretär	Ban Ki-moon (seit 2007)
Gründig	26. Juni 1945
Beginn vur Verwändig vur UN-Charta	24. Oktober 1945
Mitgliedstâte	192
Hauptsitz	New York (USA)
Webseite	www.un.org

D` Vereinti Natione odr UNO (für United Nations Organization) sy en Zämeschluss vu 192 Staate, wo sich zur Ufgoob gmacht het, dr Weltfride z'sichere, ds Völkerrecht z'yhalte, Menscherecht z'schütze und d'internationali Zämmearbeit z'fördere.

[ändere] Gschicht

Ihri Wurzle hend d`Vereinti Natione i’de Haager Fridenskonferenze und im Völkerbund, wo nach’m Erschte Weltchrieg mit’m Ziil gründet worde isch, dr Fride uf dr Welt lang z’sichere. Dr Völkerbund hett abr nid sini Ziil chönne duresetze, will kei grossi Biitritsinteress vu Staate damals exischtiert hett. Er isch mit’m Uusbruch vum Zweite Weltchrieg schier gschiteret.

Dr US-Präsident Franklin D. Roosevelt hett nachem Schitere vum Völkerbund no während’m Zweite Weltchrieg versuecht, e Organisation z’gründe, wo dr Fride uf dr Welt sicheret. Mit’m britische Premierminister Winston Churchill hett Roosevelt di sogenannt Atlantik-Charta (es Dokument, wo vu de Regierigschef vu USA und de Grossbriannie unterschribe worde isch und d`Vorstellige vu’nre neue Weltordnig präzisiert) erarbeitet. Am 1. Jänner 1942 hend sich 26 Staate i’de Deklaration vu’de Vereinte Natione uf’d Atlantik-Charta beruefe. Dur’d Mitarbeit vu’de Sowjeunion und dr Republik vu China a’de neue Friedensordnig, isches am 30. Oktober 1943 zur Moskauer Deklaration vu’de Vier Mächt cho. Bi dr Konferenz vu Dumbarton Oaks isch witer über d`Gründig vu’de UN diskutiert worde. Nach’m Ihbezüche vu Frankriich i’de Chreis vu’de hauptverantwortliche Mächt, hett d`Charta vu’de Vereinte Naatione 1945 uf dr Konferenz vu Jalta fertig gstellt werde chönne. Sie isch am 26. Juni 1945 in San Francisco vu 50 Staate unterzeichnet worde. Pole hett d`Charta erscht spöter unterzeichet, gköhrt aber trotzdem zu’de 51 Gründigsmitglieder.

D`Charta isch am 24. Oktober 1945 in Chraft trette, nachdem d`Republik vu China, Frankriich, d`Sowjetunion, ds Vereinigte Königriich, d`USA und d`Mehrheit vu’de Gründigsstaate d`Charta ratifiziert hend.

Mitlerwiil isch d`UN gwachse. Sie hett sich en Hauptsitz in New York und wiiteri drüü Sitz in Genf, Nairobi und Wien gschaffe. In niderländische Den Haag befindet sich dr internationali Grichtshoof. Es sind Unterorganisatione wie d`UNESCO oder d`UNICEF gründet worde.

[ändere] Weblinks

• Internationali Website vu de Vereinte Natione