Обединети Нации
Од Википедија, слободна енциклопедија
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.
|
|
||||
|---|---|---|---|---|
|
||||
 Мапа на земјите членки на ОН
и нивните зависности признати од ОН. |
||||
| Седиште | Меѓународна територија во Менхетн, Њујорк | |||
| Официјални јазици | Англиски, арапски, кинески, руски, француски, шпански | |||
| Членство | 192 земји членки | |||
| Лидери | ||||
| - | Генерален секретар | Бан Ки-Мун | ||
| Основање | ||||
| - | Повелба на Обединетите Нации | 26 јуни 1945 | ||
| Веб страница http://www.un.org/ |
||||
Обединетите Нации се меѓународна организација основана на 20 јуни 1945 во Сан Франциско. Сепак како ден на нејзиното основање се слави на 24 октомври секоја година."Обединетите нации произлегуваат од предходната "Друштво на народите" основана во 1919 год.Седиштето на ОН се наоѓа во Њујорк, САД. Во неа моментално членуваат 192 држава.
Со исклучок на Ватикан (која е единствена држава постојан набљудувач), сите меѓународно признати и независни држави се членки. Други политички ентитети, имено Република Кина (Тајван), Демократската Република на Арапска Сахара, (Западна Сахара) и Палестина, имаат де факто независност и/или одредено меѓународно дипломатско признание од одредени држави, но не се членки на ОН.
Членството на Обединети нации е отворено за сите мирољубиви држави кои ги прифаќаат обврските на Повелбата на Обединетите Нации и според оценката на организацијата, се способни и имаат желба да ги исполнат тие обврски. Генералното Собрание го одредува приемот по препорака на Советот на Безбедност.
Името „Обединети нации“ го дал Френклин Рузвелт за време на Втората светска војна како групна референца за сојузничките сили. Првата формална употреба се наоѓа во Декларацијата на Обединетите нации од 1942 година која ги обврзала сојузниците кон принципите на Атлантскиот пакт и ги обврза да не бараат посебни мировни преговори со Силите на Оската. Името било пренесено на новата организација која била воспоставена од победниците на војната во рамки на одредбите на Атланскиот пакт и други договори.
Содржина |
[уреди] Надлежности на Обединетите Нации
- Преземање колективни мерки за зајакнување на меѓународниот мир.
- Потикнување на меѓународната соработка за решавање на меѓународни проблеми од областа на економијата, социјалата и културата.
- Охрабување за почитување на човековите права и слободи, еднакво важни за сите луѓе без разлика на расата, полот и религијата.
[уреди] Обединетите нации и Република Македонија
Обединетите нации се централната институција за глобалните напори да се решат проблемите со кои се соочува човештвото. Во тие напори соработуваат повеќе од 30 поврзани организации, заедно познати под името систем на ОН. Секојдневно, ОН и неговото семејство организации работат на промовирање на почитување на човековите права, борбата против болести, подобрување на глобалната сигурност и намалување на сиромаштијата во целиот свет.
Денес, во Македонија има 11 организации кои го сочинуваат поширокото семејство на ОН: УНДП, УНИЦЕФ, УНХЦР, СЗО, ФАО, ОХЦХР, ИОМ, Светска банка, ИМФ, УНАИДС и УНМИК. Сите тие се ангажирани на голем број активности, чија цел е бенефит на сите кои живеат во земјата. Нашата веб страна има за цел ефективна размена на информациите за некои од тие активности со јавноста, објавување на нашите партнери и дополнително промовирање на нашите заеднички постигнувања.
На Светскиот самит, одржан во септември во Њујорк, Македонија беше една од 189-те земји кои уште еднаш ја подвлекоа својата посветеност на Милениумската декларација и се обврзаа да ги остварат осумте Милениумски развојни цели. Тие цели во, областите на сиромаштијата, образованието, здравството, родовите и животната средина, треба да се постигнат до 2015-та. Тоа значи дека остануваат уште само десет години за Македонија да се претвори во подобро место за сите. Место, во кое има помалку сиромашни луѓе, повеќе деца во училиштата, повеќе луѓе кои живеат здрав живот и сите заедно уживајќи во една заштитена животна средина.
Република Македонија е примена за членка на ОН на 8 април 1993 година.
[уреди] Органи на Обединетите нации
Системот на Обединетите нации има шест основни органи кои го сочинуваат она што се подразбира како системот на Обединети нации:
- Генералното собрание
- Советот на безбедност
- Економски и социјален совет
- Старателски совет
- Секретаријат на Обединетите нации
- Меѓународен суд на правдата
