Palästina
Us der alemannische Wikipedia, der freie Dialäkt-Enzyklopedy
Palästina (vom griechische Παλαιστίνη; Latinisch: Palaestina; Hebräisch: ארץ־ישראל Eretz Yisrael, aber au פלשתינה Palestina; Arabisch: فلسطين Filasṭīn, Falasṭīn, Filisṭīn) isch es Gebiet im Middlere Oschde im allgemeine zwüschem Jordanfluss und em Middelmeer. Hützudag exischdiert in däm Gebiet dr Schdaat Israel und es git Gebiet, wo vo Israel miliärisch bsetzt si siit 1967, s Weschtjordanland und dr Gazaschdreife, vo wo sich Israel im Johr 2005 zruggzoge het.
Es het si Name vo de Philischter, eins vo de Seevölker, wo sich im 12. Johrhundert vor dr Ziitwändi im Gebiet vo Gaza und dr Schdadt Askalon niidergloh hei. Dr Name isch in dr moderne Ziit erscht 1922 widr in Bruuch cho, für zum s Britische Mandatsgebiet z bezeichne.
