Michail Gorbatschow
Us der alemannische Wikipedia, der freie Dialäkt-Enzyklopedy
Der Michail Sergejewitsch Gorbatschow (wiener uf russisch richtig heisst: Михаил Сергéевич Горбачёв, wüsseschaftlechi Transliterazioon Michail Sergeevič Gorbačёv; * 2. März 1931 z'Priwolnoje ir russischä Region Stawropol) isch e russische Politiker. Är isch der letschti Schtaatschef vor Sowjetunion gsi.
Der Gorbatschow isch vo Merz 1985 bis Ougscht 1991 Generausekretär vom Zentraukomitee vor Kommunischtische Partii vor Sowjetunion u vo Merz 1990 bis Dezämber 1991 Presidänt vor Sowjetunion gsi. Är het ir Sowjetunion Reforme voratribe (Perestroika u Glasnmost, unger anderem). Me seit, mit sine Reforme heger der Sowjetunion der Gnadestoss gä: s'Syschteem isch zämebroche, Nazione hei sech abgspautet, u was übrig blibe isch, isch die Russischi Föderazion. 1990 heder dr Fridensnobäupriis becho.
Är reist no hüt ir Wält ume und haltet Vorträg (aber nümme so vil).
