Hamburg
Us der alemannische Wikipedia, der freie Dialäkt-Enzyklopedy
| Hamborg (Freie und Hansestadt Hamburg) |
||
|---|---|---|
| Wappe | Charte | |
 |
|
|
| Dialekt: Niiderdütsch | ||
| Hauptvariante: | ||
| Regionalvariante: | ||
| Lokalvariante: | Hamburger Platt | |
| Verbreitig: | ? | |
| Basisdate | ||
| Staat: | Dütschland | |
| Bundesland: | Hamburg | |
| Regierigsbezirk: | ||
| Chreis: | ||
| Geographischi Lag: | 53° 34′ N, 10° 2′ O | |
| Höchi: | 6 m ü. NN | |
| Flächi: | 755,264 km² | |
| Iwohner: | 1.760.322 (30. Juni 2007) | |
| Bevölcherigsdichti: | 2331 Iwohner je km² | |
| Boschtleitzahle: | 20001–21149, 22001–22769 (alt: 2000, 2050, 2100–2104) |
|
| Vorwahl: | 040 | |
| Nummereschild: | HH | |
| Gmeischlüssel: | 02 0 00 000 | |
| Stadtgliderig: | 7 Bezirk mit
104 Stadtdeil |
|
| Internetuftritt: | ||
| Erster Bürgermeister:: | Ole von Beust (CDU) | |
| Topographi | ||
|
|
||
| Luftbild | ||
|
|
||
D’Hansestadt Hamburg isch mit fascht 2 Mio Iwohner d zweitgröaschti Stadt in Dütschland und au a eigenes Bundesland. Hamburg isch, wiils au an Hafa hätt, die virtriichscht Stadt fu Europa. S Wahrzeiche vun Hamburg isch de Michel ("St. Michaelis") ibberm Haffe mit sinner Turmspitz uff Säule, wo mer durre luege kaa. De Michel isch vun de Bauwerk vu Hamburg für d Sonderprägung vun de Zwei-Euro-Münz usm Johr 2008 usgwählt worre. Bekannt isch Hamburg durch sin Fischmarkt und em Viertl St. Pauli, wo sich au de Hamburger Berg befinded.
Inhaltsverzeichnis |
[ändere] D Wirtschaft
.jpg/180px-Hamburg_Jungfernstieg_(1890-1900).jpg)
Hamburg isch durch sin Haffe, sin Flughaffe, sinne Bahnhöf und sinne Aanbindung aan d Autobahne a großes Wirschaftsbiet. D wichtigschte Wirtschaftszwiig sind d Konsumgüterindustri, Luftfahrtindustri (de drittgröschte Standort in de Welt), d Logistik, Chemi, Elektrotechnik, Maschine- und Schiffbau, Mineralölwirtschaft, Banke un Medie.
Im Johr 2007 sind nach ener Übbersicht, wo jeds Johresend vun dr Zitung "Hamburger Abendblatt" usgäbbe wird d fünf gröschte Firme (gmesse aan dr Zahl vu de Bschäftigte): d Airbus Deutschland GmbH usm Flugzeugbau, d Deutsche Lufthansa AG mitm Luftverkehr und de Wartung vun Flugzeug, d Asklepios Kliniken Hamburg GmbH mit de privatisierte Krankehüüser, d Deutsche Bahn AG mit Persone- und Gütertransport und Logischtik, s Universitätsklinikum Hamburg-Eppendorf als e Krankehuus und au für d Wisseschaft.
[ändere] D Medienwirtschaft
In letschter Zit hot grad d Mediewirtschaft uff sich uffmerksam gmacht. In de Medien- und IT-Branche vun Hamburg sind um die 110000 Persone bschäftigt. Altbekannte Unternehme sind de Norddeutsche Rundfunk und s Studio Hamburg, wo Film gmacht werret.
[ändere] De Tourismus
Rund 4,7 Millione Übernachtunge werret im Johr in Hamburg gzählt. Im Fremdeverkehr schaffet 140000 Leut. D Bsuecher kummet vor allem us England, us de Schweiz mit (147000 Übernachtunge), us Russland und us de arabische Länder. Dezu bsuechet Hamburg im Johr so 111 Millione Tagesgäscht wege de Messe, Ausstellunge, Veranstaltunge, Tagunge, Kongresse und it zletscht um eppes bsundres eizukaufe.
D Schweizer (Alemanne) maget bi de Hamburger de formelle, traditionelle und hanseatische Ufftritt.
[ändere] Dr Haffe
Durch d Erwiiterung vun de EU nach em Oschte hot grad de Containerverkehr ibbern Haffe en große Ufschwung gnumme. De Haffe wächst stark. Drum wird de Uusbau vum Haffe und es Uusbaggere vun de Elb voran triebe. D Bschäftigte im Hafe hond jetzt de Stand vun 160000 Personne erriicht. Knapp 10 Millione Standardcontainer sind ibber Hamburg gange. Gröschte Partner im Containerhandel sind China, andre asiatische Länder, Russland, Polen, Finnland und Schweden. De Containerumschlag wächst im Johr so um die 10%. D Konkurrenzhäffe in Norddeutschland sind Rotterdam, Bremerhaven und Antwerpen.
[ändere] Verchehr
Hamburg hot de Flughafe Fuhlsbüttel und isch so au mit Züri, Basel, Friedrichshafe, Memminge, Karlsruhe/Baden-Baden und mit Schduagert verbunde. Alle Tag startet und landet, wenn viel los ischt, bis zu 460 Flugzeug. So um 12 Millione Fluggäscht im Johr kommet det durre. Es gitt dett 65 Fluggsellschafte und die flieget direkt 120 Städte aa. Im Johr 2009 goht a neue S-Bahn-Linie direkt vum Flughafe zum Hauptbahnhof.
Denn krüüzet dett au en paar Autobahne d Elbe. Onne durche Elbtunnel, des isch die A 7 vun Lindau (österriichische Grenz) uf Flensburg (dänische Grenz). Die andere isch die A 1 von Saarbrücke (französische Grenz) uf Oldeburg in Holschtein. Und onne, di goht als A 255 vun de A 1 direkt zude Elbbrücke und als a breite Stroß ind Innestadt.
Hamburg hot vir Bahnhöf: Harburg, Hauptbahnhof, Dammtor und Altona. Fürs Centrum nehmet er am beschte de Hauptbahnhof.
Es gibt nebbe dem Hauptbahhof au en Busbahnhof, wo bsunders nach em Oschte Langschtreckeverbindunge hot.
Am Haffe kommet hüt meischt Containerschiff und in letschter Zit immer mehr Kreuzfahrtschiff. Die Infahrte könnet er au in Wedel am "Willkommt Höft" aluege.
A kurze Verbindung in de Haffe nach der Elbinsel Steinwerder isch von de Landungsbrücke durchn Alte Elbtunnel usm Johr 1911. D Autos müsset mitm Fahrstuhl uff es Niveau unter der Elbe gbracht werre. D Fueßgänger könnet uff ener Trepp oder mit ener Rolltrepp na unte fahre. Dett unte gitts nur onne Fahrspur und zwei Birgersteig für d Fueßgänger. D Röhre isch kunschtvoll in weiß gkachelt. Im Monat bnutzet so um die 20000 Autos und um die 100000 Fueßgänger de Alte Elbtunnel.
Bsonders isch Hamburg natürlich für sin öffentliche Verkehrsverbund bekannt. De umfasst U-Bahne, Busse, S-Bahne, en paar vun de Hafefähre und goht au in de sogehossene Hamburger Schpeckgürtel, des sind die Gmeinde für d´ Häuslebauer z Niidersachse und Schleswig-Holschtein.
Denn gibts au guete Fahrradweg. Die sind an der Schtroßeseit vun de Trottoir und rot pflaschtert, domit d´ Fueßgänger und d´Autofahrer uffpasset.
Fürd Fueßgänger sint etzet im Zentrum kleine Wegweiser-Täfele ogbracht worre. So ka mer zue de wichtigschte Ziil in dr Inneschtadt kumme, ohne zfrage und ohne in de Schtadtplan zu luege.
[ändere] Bürgerschaft, Senat und Bzirke
[ändere] S Roothuus
S Roothuus isch 55 Johr nach em große Brand vun 1842 in de Johre 1886-1897 wider uffbaut und bezoge worre. Es stoht uf 4000 Pfähl und hot 647 Rüüm. Es isch mit der Börse und Handelskammer durch en Innehof verbunde. Im Innehof stoht de Hygieia-Brunne und erinnert aan d Cholera-Epidemi vun 1892. Im Roothuus schaffet de Senat und d Bürgerschaft und haltet dett ihre Sitzunge ab. D Tourischte könnet s Roothuus bsichtige und intressierte Birger könnet de Birgerschaftssitzunge zuhöre (Karte bim Ratsdiener bsorge). A Bsunderheit isch, dass Staatbsuech ällwell erscht d Roothuustrepp nuufschnaufe misset, wiil de Erschte Birgermeischter se dett obbe im stehe empfängt.
Als e dynamische Weltstadt hot Hamburg fir sinne neue Birger en "Welcome Center z Hamburg und Informatione fir qualifizierte Fachkräft kriege.
[ändere] D Wahle
D Bürgerschaft tagt im Rothuus. Die wird alle vir Johr vun de Bürger gwählt. Ab 2008 gitts etzet onne Stimm für d Landeslischte vun de Birgerschaft und 5 Stimme für d Wahlkreislischt vun de Bürgerschaft. So kaa mer Kandidate us sinnem Wahlkreis in d Bürgerschaft bringe durch panaschiere und kumuliere.
Nach de Wahl wählt denno d Birgerschaft de Erschte Bürgermeister. Der Erschte Bürgermeischter bstimmt (oder entlässt) d Senatore. Des goht aber nur, wenn d Bürgerschaft iiverschtande isch.
D Birgerschaft erloot Gsetz, bstimmt übber de Huushalt und kontrolliert de Senat.
Uff de regionale Ebene gitts no d Bezirksversammlunge, wo au gwählt werre. Aber d Birgerschaft und de Senat könnet Bzirks-Theme aan sich ziehe und allei entscheide.
[ändere] Stadtplanung
Durch d regelmäßige Katasthrophe, wo Hamburg heimgsuecht hond, wie de Große Brand, d Bombardierung, d Fluet isch immer wieder d Substanz zerstört worre. Bi der Glegeheit hond se au glei vollkomme neu baut. Es gitt nur in Spure no mittelalterliche Baute, bispiilswiis d Krameramtswohnunge bim Michel.
Im Anfang vum 20. Johrhundert hot de Oberbaudirektor Fritz Schumacher Hamburg intressante Gbäude us Backstein im Heimatstil errichte losse: d Oberfinanzdirektion, d Hoschschuel fir bildende Künscht, d Jarreestadt.
E neus Bauprojekt isch d HafenCity. Bis 2020 werret dett fir 12000 Mensche Wohnunge und fir 40000 Büroarbeitsplätz baut. Dodurch wird denn d Innestadt um 40 % in de Haffe erwiitert. Scho etzet sind einige Fläche zsammehängend bbaut und bwohnt.
[ändere] Wisseschafte und Hochschuele
[ändere] Bibliotheke
D große Inschtitutione z Hamburg hond Bibliotheke mit bsundere Schwerpunkt, wo vo de Öffentlichkeit bnutzt werre könne. D Staats- und Universitätsbibliothek hot Biecher us alle Fachgebiet, aber au ibber Indianer- und Eskimosproche, Fischerei aan de Küste und uff Hochsee. D Universitätsbibliothek vu de Technische Universität Hamburg-Harburg hot als onnen vu mehrere Schwerpunkte de Schiffbau und d Logistik. D Stiftung Centralbibliothek für Blinde hot Hörbüecher uff CD, Kassette und in Blindeschrift und verleiht se per Blindeposcht aan Blinde. D Deutsche Zentralbibliothek für Wirtschaftswissenschaften isch d gröschte Bibliothek für Wirtschaft vu de Welt. D Hochschule für Angewandte Wissenschaften hot unter ihre Fachbibliotheke au welle fir Mode und Pflege.
[ändere] Hochschuele
In Hamburg gitts 16 Hochschuele, wo vum Land, vo Private, vum Verteidigungsminischterium, vu de Hamburger Verwaltung ud vu de evangelische Kirch unterhalte werret. Dett studieret 70000 Studente und vu denne sind widder 9000 usm Usland.
[ändere] Veranschtaltunge
De Marathon isch eimol im Johr im April. Do beteiliget sich Läufer us de ganze Welt und rennet aan de Landungbrugg, aan de Außenalster und durch d City Nord zu de Messehalle. De Haffegeburtstag wird jeds Johr um de 7. Mai rum gfeiert zwische Baumwall und de Landungsbrugg. Vor allem gitts Imbissbudde, aber me ka au d Einlauf- und d Auslaufparade mit vill Seggelschiff mit drei und vir Maschte agucke. Meischt isch au s russische Seggelschiff "Mir" debi.
Des Schduagerter Weindorf gitts ommal im Johr für drei Woche vo Ende Juni bis Mitte Juli uffm Rathausplatz. Do könnet denno d'Hamburger, d'Tourischte, d verschprengte Alemanne und schpeziell d'Schwobe a Gläsle vun de Schduagerter, sonschtige Württemberger und vun de badische Wein schlotze und au Brezzel und Schupfnuedele (Buebespitzle) esse. Zum Dank hond die elf Wirtslüüt (Schduagerter und a paar usm Remstal, Neckartal, Schwarzwald und us Reutlinge) am Schtintfang am Haffe (unterhalb vun de Jugendherberg) en kleine Wiinberg mit 75 Rebschtöck aapflanzt. Die Truube werret im Herbscht im Flugzüüg uf Schduagert mitgnomme und dett keltert und glagert. So um die 50 Fläschle vum Schtintfang Cuvé ("Hamburger Stintfang Cuvée") innere Qualität vun em Qualitätswii werret denn im nächschte Johr bim Weindorf em Präsident vun de Hamburger Bürgerschaft übergebbe.
De Hamburger Motorradgottesdienscht (Mogo) wird in jedem Johr am Anfang vum Juli gfeiert. So um die 50 000 Mensche mit 35 000 Motorrädle parket uff de B 4, Ludwig-Erhard-Schtroß, zwische dem Holschtewall (Holstenwall) und dem Rödingsmarkt, feieret de Gottesdienscht im (evangelische) Michel oder höret em uffm Vorplatz zue und denket aan die Motorradfahrer wo im letschte Johr verunglückt sin. Denno machet se im Konvoi a 40 km lange Fahrt ibber d Autobahn in d Umgebung. D Autofahrer künnet denn aan de Uuffahrte längs vun de Schtrecke it uff d Autobahn fahre. Jedder kriggt a gelbs Bändle zum feschtmache am Motorrädle. Des losset se dett au s ganze Johr no flattere.
De Termin für d Messe "Du und Deine Welt" isch nach de Summerferie im November. Die Mess isch für d Verbruucher us Hamburg und sinne Umgebig gmacht. Es kummet 800 Uussteller us 30 Länder. Mer kaa dett Neus us de Bereich Lebbe, Wohne, Mode, Schmuck, Gsundheit, Handwerker und Energieschpare aschaue und au kaufe. Aber uff derre Mess gitts auch a paar Imbissschtänd us aller Welt und usm allemannische Gebiet: usm Schwarzwald, em Elsass und öfter au us de Schweiz.
Musicals gitts dees ganze Johr über und es gitt en schtarke Tourischteschtrom nach Hamburg mit Übernachtunge, Bsuech vum Musical und Einkaufsbummel durch des Netzwerk vun Iikaufspassage.
De Fischmarkt isch jedde Sunntig morge. Dett werret am Hafenanleger a paar Fischle verkauft, aber hauptsächlich Obscht, lebende Hüener, Kleidung und Pflanze und mer muess uffpasse und d Qualität prüefe. S' isch abber ällwell a Mords Gaudi und a dichts Gedräng.
[ändere] Kultur
[ändere] Kunschtwerk und Monumente
Vum schwiizer (alemannische?) Künschtler Bernhard Luginbühl vu Bern und etzet us Mötschwil gitts zwei Plaschtike z Hamburg. Am Haffe, uff de Promenade zum Schutz geges Hochwasser "Johannisbollwerk", des isch gegenibber vun de Schwedische Kirch für d Seelüt, isch onn Kunschtwerk us Iiseschrott mittere Bezeichnung Hafentorfigur aazluege. Die sieht us wie a Libelle, isch 25 t schwer und 1981/1982 usm Ruderschaft vunnem nie z Wasser glossene Riesetanker entschtande. A wiitere abschtrakte platte Figur us Iise stoht uffm Platz vor de "Hamburger Kunsthalle" und hosst Kleiner Zyklop vu 1967.
In der Näh vum neue Cruise Terminal schtoht a Denkmal vum Seeräuber Störtebeker. Der isch dargschtellt wie en ufrechte Maa, aber mit gfesselte Händ. Des isch der, so wird s gsagt, nachdem er köpft worre isch, ohne Kopf so wiit wie s möglich gsi isch, aan sine uffgschtellte Kumpane vorbei gwankt, um so vill wie möglich zu rette.
[ändere] Bsondere Musee
Des Museum BallinStadt, Auswandererwelt Hamburg liggt am Veddeler Bogen, bstoht us drei flache Doppelhalle, wo 2006/2007 nach alte Plän widder uffbaut worre sind zur Erinnerung aan die rund 5 Millione Mensche, wo zwische 1850 und 1934 über Hamburg usgwandert sind. D Uuswanderer sind d Lüt, wo im 19. und 20. Johrhundert über de Hamburger Haffe, über Bremerhaffe, Rotterdam und andere Häffe nach de Vereinigte Schtaate, nach Kanada und nach de südamerikanische Schtaate usgwandert sind. Im Uswanderermuseum kaa me in de Halle 1 koschtelos in Datebanke nach sinne usgwanderte Vorfahre sueche. Für d Halle 2 und 3 mueß mer Iitritt zahle. Es wird mit Bildle, Dokument und teilwis mit nachgeschprochene Bericht und em Rundgang in de Halle 2 zeigt, wie d Lüt, wo arm gsi sin oder verfolgt worre sind, sich hond erscht durch die ville Grenzübergäng domols in Europa durchwurschtele müesse, wie se auf Gsundheit und gnüegend Geldvorrät prüft worre sind, wie se übers Meer hond fahre müesse und denno z New York oder woanders villicht sogar wieder zruckgschickt worre sind. Und selbscht im Iiwandererland hond se no betroge werre könne. In Halle 3 isch en Schlofsaal vun de Ballinschtadt in Hamburg nochempfunde worre. Zue dem Museum kaa mer mit de S 3, Station Veddel fahre oder wemmers romantischer maag mittener Barkasse vun de St. Pauli Landungsbrugge, Brugg 10. Dees isch die "Maritime-Circle-Line", wo vun de Landungsbrugg uff de Norderelbe zum Uuswanderermuseeum und uff Umwege widder zruck fahrt. D Barkasse brucht zsamme 95 Minute bis se widder aan de Ausgangspunkt kummt. Zrick kaa mer a paar mol unterbreche und s Haffemuseeum, d HafenCity mit de Mussee vun dr Speicherstadt und am Schluss s Museeumsschiff Cap San Diego aaluege.
S Miniatur Wunderland am Kehrwieder in de Speicherstadt isch d gröschte Modelleisebahn vun de Welt. D Züg rollet uff ener Fläch vun 4000 Quadratmeter mit ener Kulisse us Landschafte vun Ditschland, de Schwiiz, USA und Skandinavie. D ganze Aanlag mit 830 Züg, ibber 10000 Wagge und 200000 Figürle isch scho oft im Fensehe zeigt worre. Alle Viertelstund wird Bleuchtung vun de Aanlag vum Taggeslicht uff d Nachtbleuchtung umgstellt.
D Speicherstadt Kaffeerösterei am Kehrwieder in de Speicherstadt isch a Röschterei, wo innem 250 Quadratmeter große frühere Lagerruum mit Bohle us Eicheholz d Kaffeesäck us de ganze Welt rum ligget, de Kaffee no mit alte Maschine gröschtet wird und wo mer im selbe Raum aan Tisch a Tässle Kaffee vun de Kaffeesorte Arabica oder Robusta usprobiere kaa. Do kaa mer ungfähr 20 Sorte us unterschiedliche Länder kaufe.
S Museumsschiff Rickmer Rickmers aan de Landungsbrück isch en drei-mastigs Seggelschiff us Stahl, 97 m lang und vu 1896, wo zerscht Güeter bfördert hot. Denn isches e portugiesisches Seggelschulschiff worre und zletscht im Johr 1983 na Hamburg kumme, wo mers etzt bsichtige kaa. Am Bug bfindet sich a gschnitzte Gallionsfigur.
S Museumsschiff Cap San Diego isch es gröschte Museums-Frachtschiff, wo bei Bdarf no fahre kaa. Gwöhnlich liggts aber an dr Überseebrück. Dett kaa mer ibbernachte. Im Johr 1961 isch es gbaut worre und scho veraltet. Dees kummt durch d Container-Schiff.
D Kunschthalle am Glockegießerwall hott ville Bilderle us de Jahrhunderte und isch mit 500000 Bsuecher im Johr s beschtbsuechte Museum in Hamburg. Dees hot au en neue Teil, dees isch de "Kubus", mit ville moderne Kunschtwerk für d Schpezialischte.
S Museum fir Kunscht und Gwerbe bim Bahnhof hot a bsunders reichhaltige Sammlung vu Taschteinschtrumente, dees sind Klavier, Cembalo, Spinett. Denn gitts dett au a Jugendstil-Ausstellung mit komplett eigrichtete Zimmer. Außerdem hond se a Sammlung us ville Manufakture mit Prozellan und Fayence. Denn gitts no islamische Kunscht mit kunschtvoll ausgarbeitete Ornamente und a japanische Abteilig mit Schwerter.
S Museum fir Kommunikation Hamburg am Gorch-Fock-Wall hot alte Usstellungsstück wie sich frieher de Austausch vu Nachrichte abgspielt hot. Briefe, Zensur vu de Poscht, Telegraphelinie, aber au Computerisierung.
S Ernst Barlach Haus im Jenischpark hot a Sammlung vun Skulpture us Holz, Bronze, Keramik und Zeichnunge vum Bildhauer Ernst Barlach in de typische beugte und beutelte Haltung.
Denn gitts au no d KZ-Gedenkstätte Neuengamme, Jean-Dolidier-Weg 75, wo zwische 1938 und 1945 über 100 000 Häftlinge us ganz Europa unter unmenschliche Bedingunge gschafft hond und ville umbracht worre sind. Über dees Gländ kaa mer en Rundgang mache, d Gebäud und d Gedenkschtätte bsichtige und dett nachdenke.
[ändere] Us vergangene Zeite
Es gitt en guete 300 Johr alte Brauch, dass de Türmer vum Michel (vun d Kirch St. Michaelis) am Morge um zehne und am Obend um neune vom Turm en Choral uff ener Trompete in alle vier Himmelsrichtunge bläst.
An d französische Bsatzung im Johr 1813/1814 erinneret en schteinerner Sarkophag, wo etzet im Park Planten und Blomen abseits im Gebüsch schtoht. Dees isch am Rand zur St. Petersburger Straße, geggenibber vun de Messehalle B4. Damals hond die Franzose alle Hamburger, wo nind me zum Esse ghabt hond im bittere Winter us de Schtadt gwiese, wiil se a Belagerung vun de Schtadt gfirchtet hond. Über 1000 Hamburger sind dabei druffgange.
A Wächterhäusle in wiiß mit Säule im dorische Schtil isch alles, wo zrugggbliibe isch vun ennere Abschperrung am Millerntordamm zwische Glacischaussee und Holstenwall. Det isch en Metallgitter über d Schtroß zu enem zweite Wächterhäusle gange (des etzet abgrisse isch) und det hond se die Leut kontrolliert, wo nach Hamburg hond inne wolle.
S Denkmol vum William Lindley aan de Stroß Vorsetzen erinnert aan die Zit nachm Große Brand. Do hot der Lindley us England ab 1842 en Trink- und Abwassernetz baue losse und danoch hots konne Cholera mehr gäbbe.
An d große Flut vun 1962 erinnert a Markierung us Iise am Huus Rödingsmarkt 27. Die isch in ca. 1,20 m Höh mit em Zuesatz, das de große Schturmflutkatastrophe vum 16. zum 17.2. 1962 308 Menschelebe gfordert hot.
D Oberhafenkantine an der Oberhafenbrugg isch innem schiefe Backschteihüüsle mit zwei Stockwerk und dett ka mer sogar noh, wies früener d Hafenarbeiter gmacht hond, eppes esse. Dees isch a alte "Kaffeeklappe" in dr Stockmeyerstraße aan der Oberhafenbrugg im ehemalige Freihafegebiet, wo unter Denkmalschutz schtoht und wo d Meutter vum Tim Mälzer ungekünschtelte Veschper usse gibt.
Des Zollenspieker Fährhaus liggt am Elbufer zwische Hamburg und Geesthacht und isch so um die 750 Johr alt. Dett hond die Hamburger Zoll kassiert und etzet isch dees a Restaurant mit ener schöne Terrasse, am Wochenende en Treffpunkt vun Motorradfahrer und en Fähranleger für d Überfahrt mit der Elbfähre uf Hoopte.
[ändere] Alemannische Spuresuech z Hamburg
Z Hamburg gitts praktisch konne Fasnet und wenn ibberhaupt, denn es Koschtüm-Saalfescht LILABE nooch (!) em Aschermittwoch am End vum Februar. Es gitt en Verein vun de Badener ("Verein der Badener von Hamburg und Umgebung"), a Badischs Wiihuus und und en Bistro mit elsässische Spiis und Trank.
