Homo
vanuit Wikipedia, die vrye ensiklopedie.
Homo is die genus ('n groep met gemeenskaplike eienskappe) wat die moderne mens en sy naaste familielede insluit. Wetenskaplikes reken die genus Homo is tussen 1,5 miljoen en 2,5 miljoen jaar oud. Alle spesies wat tot hierdie genus behoort het, het uitgesterf — behalwe Homo sapiens, die moderne mens. Die laaste ander Homo-spesies wat geleef het, is waarskynlik die Homo neanderthalensis en Homo florensiensis en hulle het na raming tussen 24 000 jaar en 12 000 jaar gelede uitgesterf. Die oudste spesie sover wat tot hierdie Homo-genus behoort het, is Homo rudolphensis. 'n Fossiel van H. rudolphensis is in 1972 in Kenia opgegraaf. Daar word gereken dat dit omtrent 1,9 miljoen jaar oud is.