hellogoodbye

vanuit Wikipedia, die vrye ensiklopedie.

hellogoodbye
Oorsprong	Huntington Beach, Kalifornië, VSA
Genre(s)	Pop punk Power pop Synthpop Bubblegum Pop
Aktiewe jare	2001 - hede
Uitgewer(s)	Drive-Thru Records
Last.fm	hellogoodbye
Lirieke	hellogoodbye

Huidige lede	Forrest Kline Jesse Kurvink Marcus Cole Chris Profeta
Gewese lede	Aaron Flora

hellogoodbye is 'n power pop-musiekgroep wat in 2001 gevorm het vanuit Huntington Beach, Kalifornië, VSA afkomstig is. Hulle beskik tans oor 'n platekontrak met Drive-Thru Records waaronder hulle hul eerste vollengte-album in 2006 uitgereik het, naamlik Zombies! Aliens! Vampires! Dinosaurs!, asook hul eerste DVD, OMG HGB DVD ROTFL. In 2005 het hulle op MTV se The Real World: Austin verskyn en ook MTV2 se Dew Circuit Breakout gewen.

[wysig] Geskiedenis

[wysig] Vroeë loopbaan (2001 - 2004)

hellogoodbye is in 2001 as 'n opneemprojek deur Huntington Beach High School-leerder Forrest Kline geloods. Met die hulp van sy maat Jesse Kurvink het Kline sintetiese power pop-liedjies op sy rekenaar begin opneem, aanvanklik met die doel om hul vriende te vermaak. Hellogoobye se aanhangertal het stewig begin groei nadat ál hoe meer van hul liedjies op MP3.com begin verskyn het. In totaal het elf liedjies, wat hulle aanvanklik net vir vriende op CDs geskryf het, op die webtuiste opgeduik onder die album The Parachute EP. Hierdie liedjies het toe later as demos vir hul daaropvolgende kortspeler en vollengte album gedien. Aanvanklik is daar beplan om die amptelike The Parachute EP met vier liedjies uit te reik, maar later is daar slegs 'n paar eksemplate deur Kline self gemaak.^[1] Volgens Kline is die musiekgroep se naam geïnspireer deur die Beatles liedjie "Hello, Goodbye".

In 2002 het hellogoobye reeds begin om plaaslike opvoerings uit te voer sonder dat hulle eens 'n album al uitgereik het. Vir regstreekse opvoerings het Kline gesing en die kitaar gespeel terwyl Kurvink klavier gespeel het. Hulle is soms met die tromme deur Parker Case en Aaron Flora uitgehelp. Flora en baskitaarspeler Marcus Cole het spoedig by die groep aangesluit en sodoende die groep se line-up voltooi.^[2]

Alhoewel die Kaliforniese indie-uitgewer, Drive Thru Records, 'n platekontrak in Januarie 2004 aan hellogoodbye uitgereik het, doen die groep steeds alles self, insluitende opnemings, album-omslagte, plakkate en merchandise-ontwerpe. Kort nadat hulle die platekontrak ontvang het, het Kline en Kurvink die groep se eerste debuutkortspeler opgeneem, naamlik Hellogoodbye EP, wat ook 'n musiekvideo van die liedjie "Call n' Return" tot gevolg gehad het. In die video speel Kline en Flora 'n komiese tenniswedstryd teen Cole en Kurvink. In Maart 2004 het die trommer, Aaron Flora, die groep verlaat en is hy deur die sestienjarige hoërskool-dropout, Chris Profeta, vervang. Profeta is voorheen van die musiekgroep A Cutthroat Kiss.

[wysig] Zombies! Aliens! Vampires! Dinosaurs! (2006 - hede)

In 2006 het hellogoodbye in die Vans Warped Tour verskyn. Op 8 Augustus 2006 het Drive-Thru Records hellogoobye se eerste vollengte-album Zombies! Aliens! Vampires! Dinosaurs! uitgereik. Die album bevat meestal liedjies oor ou liedjies wat heropgeneem is. Vyf van hierdie liedjies sou aanvanklik op hellogoodbye se debuutalbum in 2002 verskyn het, maar hierdie album is toe nooit uitgereik nie. Hierdie liedjies se name is "All Time Lows", "I Saw It on Your Keyboard", "Two Weeks in Hawaii", "Figures A and B", en "Touchdown Turnaround". Op 7 November 2006 het die groep 'n kortspeler uitgereik wat slegs op die Internet beskikbaar is, met die naam Remixes!. Hierdie kortspeler kan by die iTunes Store en op die groep se MySpace gekoop word. iTunes se musiekwinkel is tans nie beskikbaar in Suid-Afrika nie.

In Januarie 2007 is die treffer "Here (In Your Arms)" uitgereik en het dit by nommer veertien op die Bilboard Hot 100-ranglys en by nommer nege op die Pop 100 gespits. Die Suid-Afrikaanse pop-sensasie, Nicholis Louw, het 'n Afrikaanse weergawe van hierdie liedjie onder die titel "Ek is Verlief" uitgereik. Ook in Januarie 2007 het hellogoodbye op CBS se The Late Late Show met Craig Ferguson en Plain White T's verskyn. Op 13 Maart 2007 het die groep 'n kortspeler, wat net drie liedjies bevat, eksklusief aan iTunes uitgereik, wat uit drie verskillende verwerkte weergawes van hul liedjie "All of Your Love" bestaan. In April het hulle op Give It a Name 2007 opgetree. Sedert 3 April 2007 het hulle begin om deur Noord-Amerika te toer saam met Boys Like Girls. Die toer heet "Two Months of Spring Break Tour '99". hellogoodbye beplan om in Augustus 2007 by die Reading and Leeds Festival op te tree. Hulle het ook aangekondig dat hulle op 21 Augustus 2007 by die London Astoria op sal tree. Kaartjies vir laasgenoemde optrede is soos soetkoek verkoop. Op 5 Mei 2007 het die groep by The Bamboozle in New Jersey opgetree. Op Woensdag, 6 Junie 2007 het hellogoodbye op Last Call with Carson Daly opgetree.

[wysig] Groepslede

Forrest Kline - voorsanger, kitaar
Jesse Kurvink - sintetiese klavier
Marcus Cole - baskitaar
Chris Profeta - tromme

[wysig] Gewese lede

Aaron Flora - tromme

[wysig] Diskografie

[wysig] Albums

Zombies! Aliens! Vampires! Dinosaurs! (2006) #13 VSA

[wysig] Kortspelers

hellogoodbye EP (2004)
Remixes! (2006)
All of Your Love Remixes (2007) (eksklusief aan iTunes)

[wysig] DVDs

OMG HGB DVD ROTFL (2005)

[wysig] Enkelsnitte

"Shimmy Shimmy Quarter Turn" (2005)
"Here (In Your Arms)" (2006) #14 U.S., #4 UK
"All of Your Love" (2007)

[wysig] Aparte snitte

"Winter Wonderland" – op Happy Holidays from Drive-Thru Records uitgereik (2004)
"Weird Science" – op Dead Bands Party: A Tribute to Oingo Boingo uitgereik (2005)

[wysig] Eksterne skakels

[wysig] Verwysings

^ The Hellogoodbye BuddyBoard. Laaste besoek 22 Junie 2006.
^ Onderhoud met Forrest Kline - Signed, sincerely me... v1.0 (Internet Argief). Laaste besoek 9 Junie 2007.

Hierdie artikel is in sy geheel of gedeeltelik vanuit die Engelse Wikipedia vertaal.

Kategorie: Amerikaanse musiekgroepe

See also ebooksgratis.com: no banners, no cookies, totally FREE.