Dwergplaneet
vanuit Wikipedia, die vrye ensiklopedie.
'n Dwergplaneet, volgens die Internationale Sterrekundige Vereniging (International Astronomical Union - IAU), die offisiële wetenskaplike liggaam vir sterrekundige benaming, is 'n hemelliggaam binne-in die sonnestelsel wat aan die volgende vier vereistes voldoen:[1]
- wentel om die son
- besit voldoende massa vir sy eie swaartekrag om rigiede liggaamskragte te oorwin, sodat dit 'n hidrostatiese ewewigsvorm (amper sferies) aanneem
- is nie in staat om ander voorwerpe in die omgewing van sy wentelbaan uit die weg te ruim nie
- is nie self 'n natuurlike satelliet nie
Die term "dwergplaneet" was aangeneem in 2006 as deel van 'n klassifisering van liggame wat om die son wentel. Voorwerpe wat groot genoeg is om ander voorwerpe in die omgewing van hul wentelbaan uit die weg te ruim word gedefinieer as "planete", terwyl die wat te klein is om 'n hidrostatiese ewewigsvorm aan te neem as "klein sonnestelselliggame" gedefinieer word. Volgens definisie kan die term "dwergplaneet" nie gebruik word om na hemelliggame in ander planetestelsels te verwys nie.[2]
Daar word tans drie dwergplanete herken: Ceres, Pluto en Eris.
[wysig] Verwysings
- ^ IAU 2006 General Assembly: Result of the IAU Resolution votes by die IAU se webwerf.
- ^ Draft Resolution 5 for GA-XXVI: Definition of a Planet by die IAU se webwerf.
| Die sonnestelsel |
|---|
  |
| Die son · Mercurius · Venus · Aarde · Mars · Ceres · Jupiter · Saturnus · Uranus · Neptunus · Pluto · Eris |
| Planete · Dwergplanete · Mane: Aarde · Mars · Asteroïdies · Jupiter · Saturnus · Uranus · Neptunus · Pluto · Eris |
| Klein hemelliggame: Meteoroïdes · Asteroïdes (die astroïdegordel) · Centaurs · TNV's (Kuipergordel/Verstrooide skyf) · Komete (Oortwolk) |
