Carolus Linnaeus
Uut Wikipedia
Carolus Linnaeus (Råshult, 23 meie 1707 - Uppsala, 10 jannewari 1778), ok Carl von Linné eheêten toen a 't en van aodel wier, was een Zweedsen bioloog-arts. Carolus Linnaeus was deheen'n die a 't systeem van de binomiaole nomenclatuur invoern, een systeem wibie a an plant'n, beêsten en steên'n een genusnaem en een soôrtnaem wor eheven.
In'oud |
[bewerk] Levensbeschrievieng
Linnaeus wier heboren in Råshult as kind van Nils Ingemarsson Linnaeus en Christiana Brodersonia. Zen vaoder was doomnie en eihlijk zou Linnaeus ok doomnie worn, mè uutèndelijk hoeng 't een toch heneeskunde studeern.
Voeda 't een promoveern, wivoe a 't een ni Nederland kwam, ei 't een eêst een reize emikt ni Lapland voe zen studie, wirover a 't een 't boek Florula lapponica eschreven ei. Ie promoveern mie zen proefschrift an den universiteit van Hadderwijk.
In zen Systema Naturae, een twidde boek, publiceern die zen hedachte van de natuur in drie verschill'nde rieken, de steên'n, plant'n en beêsten.
Van 13 september 1735 tot 7 oktober 1737 verbleef Linnaeus in 't zeumeruus van zen vriend George Clifford, die a ok een passie voe vreemde plant'n a. Een vriend van deze Clifford was Herman Boerhaave, een are bekende botaonicus. In deze tied wier Linnaeus 'ortulanus en liefarts van Boerhaave. In 1738 keern Linnaeus trug ni Zweden wir a 't een oôgleraar was.
[bewerk] Boeken die a 't een eschreven ei
- Hypothesis nova de febrium intermittentium causa (Harderwijk, 1735)
- Systema naturae (Leien, 1735-1835)
- Fundamenta botanica (Amsterdam, 1736)
- Bibliotheca botanica (Amsterdam, 1736)
- Musa Cliffortiana, florens Hartecampi 1736 prope Harlemum (Leien, 1737)
- Critica botanica (Leien, 1737)
- Flora Lapponica (Amsterdam, 1737)
- Genera pantarum (Leien, 1737)
- Collarium genera plantarum (Leien, 1737)
- Methodus sexualis sistens genera plantarum (Leien, 1737)
- Viridarium Cliffortianum, in quo exhibentur plantae omnes, quas vivas aluit Hartecampensis (Amsterdam, 1737)
- Hortus Cliffortianus (Amsterdam, 1738)
- Classes Plantarum (Leien, 1738)
- Species Plantarum (1753)
[bewerk] Vernoemde plante
Linnaeus ei ok een plante die a ni zen vernoemd is, ´t Linnaeusklokje (Linnaea borealis). Linnaeus beschreef ´t Linnaeusklokje in de Flora Lapponica, voe ´t eêst maeken die kennis mie ´t Linnaeusklokje op zen reize ni Lapland. Linnaeus wor vaok ok eteêkend mie een Linnaeusklokje in zen an´n.
[bewerk] Beschreven beêsten
Dit zien ienkele van de beêsten die an deur Linnaeus beschreven zien:
- Blauwheêle ara
- Blauwkroôntje
- Snieuwuul
- Bosuul
- Dwergkolibrie
- Hierzwaeluw
- Bieneter
