Wikipedia:Typische West-Vlamsche uutdrukkiengn
Uit Wikipedia
Ier en poar typische uutdrukkiengn uut West-Vloandern. Lik da je kunt zien, ein me z'ingedeeld per onderwerp en streke. 't Is ôok un ideoal moment vo de streekverschilln ne kêe noader te bekykn. Probeer allêne grôotre steedn te gebruukn vôor de streke an te geevn, tenzy da ulder utsprake styf verschilt.
Daarom stelln we vôorn an de lezer om:
- oat de spreuke es lik by unen stad, dan zet je unen stad d'r achter
- indien anders of onbekend, schryf j'en lokoale versie d'r onder
- oa'je nie goe weg kunt me die ne wiki ier of oa'je nie weet woa geklasseerd, ton kund'je dadde ier onder zetten
- Te klasseern uutdrukkienge
- Beschryvienge + gemêente(n)
'ndien is oek nie van twêe oude wuuvn emakt!
- e lat nem ni rap vangn. Poperienge
Bustje kappn
- spybeln Brugge
Zo rap of telln.
- styf zêre. Poperienge
[bewerkn] Anpak
- We goan d'r nie veel spel an moakn
- De stier by d'oorns pakkn Kortrik, Môoslee
- We goan d'r nie vele paté van droain
- Er korte mettn mee maakn Brugge
- 't Is nie ol gin oar snyen, 't is in de koepe leggn
- 't Is ol gin oar snyen, 't zin die bekkn leggn
- D'ofwerkienge is 't belangrykste
- 't Is ol gin freezn trekkn met e lêre
- 't Is ol dadde nie Diksmude Outulst
- Up de ruttle
- Up oe komt et uut
- De moate pakkn deur 't dakvinster
- Slecht opmeetn, d'r slecht an begunn Knokke Brugge?
- Weetn is gin verleetn... 't verbetert de snee en je rust dermee
- Bereid je werk goed voor.
- 't Is ol gin bèètn kappn
- 't Is ol da nie Nieuwpôort
- Die nie besnot is, moe z'n neuze nie voagn
- Die niks doet, goa niks misdoen Blanknberge
- Nie vele gin wiend deur d'ekkens loatn vliegn
- Ni vele blabla, moa ossan vorsklawiern e deuredoen. Poperienge
- 't Gemak goat vôor d'êre, zeit den boer, en je reed ip zyn zwyn noa de markt
- 't praktische goat vôor 't euterlikke Kortryk
- O je te schepe zyt moe je voarn
- O j'an etwa begunt moe je vôortdoen Blanknberge
[bewerkn] Affronteern
- J'es in zyn gat gebeetn
- Je voeld'em beledigd/te kort gedoan Wervik Môoslee Wevelgem Kortryk
- En is in ze strop ebeetn
- E voelde nem te kort edoen, e wos vys Yper
[bewerkn] Babbeleire
- J'eet e tounge van lintjes
- 't Is e grôotn babbelare Brugge Knokke
- Z'et e mule van lintjes
- 't Is e babbelkouse Blanknberge
- 'k Zoun den uutklienkere oaln
- Wor gezeid teegn etwien dat iet en plein public gezeid et da nie mochte geweetn zyn Brugge
- 'n Dien babbelt teegn en oap met en oedje
- E zou teegn iederêen koutn Yper
- Dendien babbelt tegen 'n oundje met e strekstje
- Je babbelt tegen olleman Brugge
[bewerkn] Bedrog
- By 'n buk gezet zyn
- Misleid, bedroogn zyn Wervik Kortrik Môoslee Oostende
- En is by 'n buk edoan
- Z'en nem e klôot ofedoan, z'en nem d'r up eleid Yper
- E wos doar lik zyn neuze esnootn
- Je kwam d'r toch moa bedroogn uut
- Z'en em by z'n pietje
- En is by 'n buk ezet Oostende
- En is doar oardig evoarn
- 't Wos nie lik dat 'n epeisd adde Yper
[bewerkn] Bemoeienisse
- Riek je part en zwygt
- Bemoei d'je me jen eign zoakes Brugge
- Jen oak 'n etwoar insloan
- Etwien ounderbreekn die an 't koutn is Yper, Wevelgem
[bewerkn] Benauwd
- E schyt in ze kultn
- En is benauwd Yper
- Je schyt in zyn slunse
- J'is benauwd Brugge
- Met de poepers zittn
- Benauwd zyn Yper
- Ze in joun dorre sloan.
- Styf benauwd zyn Roeseloare (?), Rumbeke
[bewerkn] Benieuwd
- 'k Wit zounder
- 'k Vroage my of Kortrik Brugge Wervik Roeseloare Stoan
- 'k Wit 's wounder
- 'k Vroage me af - Slyps
[bewerkn] Buutnvliegn
- Mee z'n kliekn en ze klakkn buutn vliegn
- Buutn vliegn - Kortryk, Môoslee, Wervik, Yper
- J'et een schop oender zyn klootn gekreegn
- J'is buutngevloogn Wendune
- Ie mag z'n skippe ofkuusjn
- Ie mag weggoan Ruislee
- De zak krygn
- Ountsleegn wordn Blanknberge, Brugge
[bewerkn] Chance
- Me ruze d'r deure
- Met de hakken over de sloot
- Achterstvoorn ip je buuk valln
- Altyd ip je pootjes terechte kommn Knokke
- D'r mee je klakke noar sloan
- Op goe geluk antwoordn Knokke
- D'r me zyn klakke achter sloan
- Ezo mor etwot zeggn Môoslee
- De Potterie zit vol waste
- Vele troef ên by 't koartn Brugge
- At 'n in zyn ann schyt, 't is e pannekoeke
- 'n Dien e vele chance Yper
- Vee piete ein
- Vee chanche ein Kortryk
[bewerkn] Content
- Zyn gat schuffelt
- J'es content Knokke Wervik
- En is in zyn kloaverges
- Je voelt em goed
- Dat es de puppe
- Dat es goed zo, goe gevrocht Wervik Yper
[bewerkn] Dolienge, tjooln
- In dolieng zyn
- Nie weetn woa da je zyt, lik a je juuste wakker zyt of in sloape an 't volln Yper Wervik
- En is an 't tjooln lik e blinde ploate
- Oostende
[bewerkn] Dom
- J'ee van den ezel geetn
- Dommerik Knokke
- 't Fynste is oek zyn oar
- 't I gin styvn rappn Môoslee Yper
- Goa doamei no’n ôorloge
- Uutsproake at er etwien etwot nie kut (voe 'n dermei te lachn) Wervik Yper
- 't Fynste es oek zyn oar, en 't es nog te groef voe rinkoorden
- 't Es gin styvn rappn
- 't Fynste es oek zyn oar, en ge kun 't nog splettn mê 'n piosse
- 't Es gin styvn rappn, j'et twêe linker anden
- Es't'n nie fyn, j'es grof
- 't En es ginnen te rappn Wervik
- J'is zo round of een achterdeure
- J'is dom Brugge Knokke
- En is koekeround
- En is indeliks dom Yper
- 't Is e simpel duve
- 't En is gin styvn rappn Yper
- 't Is e moundje fyn
- 't Gêne dat 'n vertelt, e trekt up nie vele Yper
[bewerkn] Dôod
- J' is me z'n oar
- J'is dôod Roeseloare Yper
[bewerkn] Drounke
- E vliege in jen oge en
- Drounke zyn Yper
- En is êen canard
- 'n Is muledrounke Yper
- En is êen ei
- En is muledrounke Yper
- J'is geitecanard
- J'is stomdrounken Brugge
- 't Sop stoat in z'n oogn
- Drounke zyn Yper
- Deur de neuze zyn
- Drounke zyn Yper
- J'èt gezoopn lik ne Zwitser
- J'èt styf vele gedrounkn Wervik
- J'es hêel jamelle
- J'is muledrounke Kortryk
- J'is poepeloerezat (AN?)
- Styf drounke zyn Brugge
- J'is tegen dek
- Oundedrounke zyn Iengelmunstre
- J'is mule
- Styf drounke zyn Iengelmunster Yper
- Êen zêke zyn
- 'n Pilsje teveel genuttigd en Iengelmunstre
- J'is skêef
- J'is drounke Ruuslee
- Êne meirl zyn
- 'k Zyn superdrounke
- Êne chambrang
- Beire mulle zyn Kortrijk
- Êen tette
- Mulle zyn Kortrijk
- Êen gaeremynck
- Mulle zyn Kortrijk
- Êne paté
- Mulle zyn Kortrijk
- Êen jante (jante = Frans vo AN velg)
- Mulle zyn Kortrijk
- Ênen erpel
- Mulle zyn Kortrijk
- J'is êen kei
- Mulle zyn Kortryk
- J'is êne tapis-plein
- Mulle zyn Kortryk
- J'is êen keirse
- Mulle zyn Kortryk
[bewerkn] Eetn
- Je zou ze bloae buuk toogn
- Goeste een achter ee twadde Knokke
- De muuzn liggn dôod in de kasse
- D'r is geen eetn meer in 't uus Brugge
- È pekt lik e mussche
- Letter eten, klene bitjes eetn Kortrik Môoslee
- En it lik e mussche
- En it nie vele Yper
- E kud eetn lik e dykedelver
- E kud e masse eetn Môoslee Yper Knokke
- 't È van lek me liptje
- 't Is beiregoed Môoslee, Yper
- Zyn oogn woarn grodder of ze buuk
- En et te vele epakt, e krêeg et nie up Môoslee, Yper
- In joun klootn droain
- Veel of gulzig na binn speeln, upeetn - Wervik, Yper
- Etwot in je bottn sloan
- Etwot hêlegans upeetn Yper
- Buuk stoa by
- Goe geetn en, vuldoan zyn Iengelmunstre
- 'k Zitte vul
- Genoeg geten èn (word wok gebrukt a je wuf zwangre is: ze zit vul/ken ze vul gestoken)
- Myne meirloane skuufelt
- 'k è oungre Môoslee
- Me beir grolt
- 'k En oenger Yper
- 't Es beter geten of 't bedde versleten
- Beter daj goe kunt eten of daj ziek in bedde moe liggn Môoslee
[bewerkn] ’t Ende road zyn
- M'n oar groeit deur me mutse
- Ten ende road zyn, 't is erg Knokke
- Nie weetn wuk of wiene
- Nie mi weetn wuk doen Yper
[bewerkn] Ergernisse
- G'et in myn/zyn roapn gescheetn
- G'et etwod gedoane dat 'k ik/dat 'n em helegansn nie geirn eit Môoslee Yper Knokke Wervik
- 't Is al juust, en vuve e zes is zeevn
- 'k Benne je soain kletsproat beu
- Je zoud'et an de katte geevn
- 'k Benne dat ier kotsbeu Kortrik Môoslee
- 'ke Kommn der groene va
- 'ke Kommn der t'ende va Yper
- 't Is ossan 't zeste liedje
- 't Zyn doar ossan de zeste probleemn Yper
- 'k Krygn d'r de krulln van
- 'k Kom d'r zot va Yper
- Olle vuuf voetn
- Olle stappe, Je moest olle vuuf voetn e twodde ein Môoslee, Wervik, Yper
- Moa gauw zè
- Moar allé - Kortryk, Ardôoie
- Moa gauw wè
- Moar allé - Wervik Môoslee Oostende
- 't Es vo in je boog te bytn van miserie
- 't Sloat ol teegn
[bewerkn] Evidentie
- Ge ziet da van ier
- Natuurlik Kortrik, Môoslee
- Zels en ound mit è vollinge zou da riekn
- Dat es toch dudelik
[bewerkn] Gank, tred
- 't Goa reegnen, 't goa woain
- Je waggelt en beitje Blanknberge, Knokke-Heist
- Nie gepoept zyn van 'n oaze
- Niet zo rap zyn Kortryk Oostende Yper
- An utseklutsn
- Vôortgoan of vôortdoen zounder je te presseern, al drendelend vôortgoan Blanknberge
[bewerkn] Geldzorgn
- J'ee gin roste klute
- J'ee ginnen frank Brugge
- En e gin rostn frang
- En e gin geld Yper
- Er zit ne veugel ip ’t dak
- De deurwaarder zit up de loer voor betaling Kortrik
- 't Es krotte[1] by under tuus
- Z'ein 't helegansn nie breed Roeseloare, Wervik
- 't Es doar krebbe bytn.
- 't Es doar oarmoe, nie vele t'eetn Wervik
- Geld breekn met oamers
- Geld verspilln Roeseloare
- Een Blanknbergsche rekenienge
- Een gepeperde of ingewikkelde rekenienge Blanknberge, Roeseloare
- 't Is mo de zunne die voe niet upgoat
- Gratis bestot nie, der zit ossan wel etwuk achtre
- Je kout van zyn geld lik nen boer van zyn klêne petatjes
- J'è vele geld Môoslee
- Me zyn rutte
- M'en gin geld mi, m'en alles verteird Blanknberge
- J'et gin nagel voe aan ze gat te schartn
- Nie vele geld enn Ostende
[bewerkn] Gelykenisse (Kinders)
- 't Is em gebrakt en gespoogn
- Je gelykt er helegans op Blanknberge, Brugge
- 't Is z'n vartje gebrakt en gespoogn
- Zo de voader, zo d'n zeune Blanknberge
- 't Es 'n geskeetn en gespoogn
- Je gelykt er helegans op Kortrik
- 't Is em gescheetn en gebrakt
- Je gelykt er helegans op Brugge
- J'ad beetr ip de stove geschootn
- Zyn kinders zyn nietsnuttn Brugge
- En adde beter up de stove eschootn
- Ze jounges zyn mor ove Yper
- De vounte e gesmet
- 'n Appel valt niet ver van de boom Brugge
- De vonte eit gesmet
- J'eit vele mee van zyn dôopmeetr of -peetr (doopvont) Kortryk
[bewerkn] Geweetn
- Sloapn lik e muus up e mêelzak
- Sloapn lik e muus in en oaverbak
- Sloapn lik de muuzn in 't meel
- Mei één oge oopn sloapn
- Eej gin gerust geweetn tè?
- Gezeid at der etwien verschiet aj binkomt of oj em roept
[bewerkn] Gierigeid
- 't Is moa de rook die doar na buutn goat
- Ze zyn gierig Kortrik
- wyder zeggen: 't is moa de rôok die deur de koave goat Môoslee
- D'enn leggn doar mè nunder gat na de mart
- Ze zyn gierig Kortrik
- 't Zyn lik Ollanders
- Ze zyn gierig Oostende
- E zou zyn stroent oek 2 keirs opeetn.
- En is styf gierig Poperienge
- 't Vliegt een aster uut ze gat
- E doet etwot tegen zyn nateure in. Bevôorbeeld: e gierigoard die e tournée générale gift (Poperienge)
- 't Vliegt e veugel uut ze gat
- Idem ierboovn Yper
[bewerkn] Kledienge
- En is eklid lik e rauwn andjoun
- J'is dik eklid
- 't Stoa woater in nundern kelder
- Zeg je teegn etwien die e langn broek droagt, moa die 5 santemeter te kort is Poperienge, Wervik Yper
- De kelder stoat onder woater
- Zeg je teegn etwien die e langn broek droagt, moa die 5 centimeter te kort is Blanknberge, Roeseloare
- 't Eit gebrand in zyn kasse
- Zeg je teegn etwien die e lange broek droagt, moa die 5 santemeter te kort is Kortryk
- J'èd oender 'n tring gezeetn
- Zeg je teegn entwie die ne langen broek droagt die 5 sentemeters te kort es Môoslee
- J'et oender den tram gezeetn
- Zyn broek is veel te kort Blankenberge
- J'es roar angetroeteld
- Iemand die roar geklêed es Kortryk
- En is nog e bitje etôteld
- Roare klêers an en Yper
- Z'is ipgetutematooid
- Roare geklid Blanknberge
- 't Is ne klucht up gêtepôotn
- Die klêern trekkn up niet, 't is echt lêlik Ardôoie
[bewerkn] Koopn
- J’è zo vele goestn of geirnoars pôotn en
- Etwien me grote koopwoede
[bewerkn] Kwoad
- Van joun klootn moakn
- Vys, kwoad zyn Wervik, Yper
- Van joun tetter moakn
- Vys, kwoad zyn Wervik, Yper, Wevelgem
- Van joun zak moakn
- Vys, kwoad zyn Wervik,Yper
- Van je beir moakn
- Je vys moakn Yper
- Van je gat moakn
- Vys, kwoad zyn Knokke, Brugge
- Vroetecolèrig zyn
- Vree kwoad zyn
[bewerkn] Leegoard
- En e ginne nôdig
- En is leeg, 't is e leegganger Môoslee, Yper
- D'ndien eit er nie veel nodig
- An dien moe je nie vele vroagn, je doet toch nie vele Wervik
- Leegoardzwêet zit zêre grêed
- Ne leegoard zwêet rappe, de minste moeite es vrê lastig Izegem
- Ze wor gediend gelik ne nunne me eur regels
- Ze doe niet, ze loat et al nen ander doen Brugge
- Etwien anders in 't gat steekn
- Etwien anders etwot loatn doen Yper
- J' is te leeg dat 'n gapt
- Styf leeg Blanknberge, Ostende
[bewerkn] Letter resultoat
- 't E gin bof ip
- 't E nie vo noar uus te schryvn- Kortryk, Môoslee
- E schete in e netzak
- E moate vo nietn Knokke (ook AN)
- E schete up e stokske
- Nietn Môoslee
- 'n Bescheetn kommisje
- Etwot die egliek nie zo goed is lik of daj epeisd at Môoslee, Yper
- Storm in en glas woatr - Kortryk
- Ne nietink met e strekske round
- Nietn Môoslee
- Oat ol te schytn komt, vette vo ’t ges
- Ou d'r up an komt, komt er nie vele van
- "Veel gebleit en winnig wulle" zei d'n boer, en e schoor zyn zwyn
- Much ado about nothing
- Da zyn koentn van gedroogdn oarienk
- Dat is allemolle nonsens, zêver Blanknberge
- Zynen oarienk eit nie gebrad
- Zyn spelleke/maneuvre es nie gelukt - Kortryk
- Nen ezel zwêet va schytn
- 't Es ne leegoard Oarelbeke
[bewerkn] Macht
[bewerkn] Oarmoe
Zie Geldzorgn.
[bewerkn] Ofgeleegn
- E wunt doar buutn gods eiliegen
- Je wunt ofgeleegn Kortrik
- E wunt in 't gat van Pluto
- Je wunt ofgeleegn Kortrik Yper
- Je weunt doa in 't ol van Pluto
- Je wunt ofgeleegn Knokke-Heist Zunnebeke Kortrik Môoslee Oostende
- E wunt etwoar e nowwers
- E wunt stief up de buutn Yper
- Je weumt in de bled
- Eentwoaschen woar datter hèlegans nietent anders stoat Oostende
[bewerkn] Ofschêed
- Tot in 't ende
- Tot in den droai
- E goat weg lik en ound van zyn strount
- Je goat weg zounder boe of ba Kortrik, Môoslee
- Je schidt ervan lik en ound van zyn strount
- Je goat weg zounder boe of ba. Knokke-Heist
- Salu en de kost, en de wind vanachtre (= AN ??)
- 'k Ben 't gat in
- 'k Ben weg Môoslee
- 'k Zyn 't gat in
- 'k Zyn deure Yper
- 'k Benne 't gat uut
- 'k Goa voors, 'k benne weg Wervik
- 'k Goa ne ki goan ziene
- 'k Ben weg Kortryk
- 'k Zyn na Kottem
- 'k Zyn na me kot, 'k zyn nor uus Yper
- 'k Zyn na Bedlegem
- 'k Zyn na me nest, 'k zyn gon slaapn
- 'k Zyn no Leegem en 'k goan Rollegem over me trekkn
- 'k Zyn goan sloapn
- Schèèr mo je puste!
- Go voors!
- 'k Go me schuppe ofkuuschn
- 'k Zyn gereed, 'k zyn dermee weg
[bewerkn] Ofzien
- 'k Ee me peirn (af)gezien
- 'k Ee afgezien Brugge Yper
- 'k Ee me klootn afgedraaid
- 'k Ee afgezien Brugge
- 'k En me pluk get
- 'k En ofgezien Oostende
- 'k En doa scheten geloaten
- 'k En ofezien Oostende, Yper
- E kerremesse is e geselieng weird
- Je moet mo weetn daj ofziet (mêestol deur te vele te drienkn) Yper
[bewerkn] Onbelangryk
- Dat is de commercie van Brugge
- 't Is e commercie da nie vele betekenisse et Brugge
[bewerkn] Ongeduld
- 't E tyd dat tyd è
- 't E tyd dat et gedoan es Kortrik
- 't E tyd dat uut è
- 't E tyd dat et gedoan es Kortrik, Môoslee
- At dat ier nog lange goa deurn goat dat ier rappe gedoan zyn Oostende
[bewerkn] Ongemak
- Je lopt round lik 'n inne die moe leggn
- J'es up zyn oungemak Môoslee
- E stoeg doa lik e zantjeplakker
- E stoeg doa lik e tjeutn Yper
- E stoug doa te kykn lik en ound up e zieke koe
- E stoug doa te kykn lik e tjeutn Yper
- Je stoat doar roend te droaien lik een stroent in een pispot Oostende
[bewerkn] Onverschillig
- Achter nuus zyn 't ol krullekoppn
- 't Kut my nie schiln
- 'k Winschen/ 'k Westje wie zyn oofd doet er toune zêer
- 't Kut my nie schilln
- Ge moet er je bôontjes nie ip te weke leggn (AN)
- Ge moet er nie up rekenen Kortrik Môoslee
- 'k Zyn der fyn gerust in
- 't Ku my nie schiln Yper
[bewerkn] Oopn deurn
- Zy je gewend van no de messe te goan, te?
- Ezeid teegn etwien die de deure lat oopn stoan Yper
- We zyn ier nie in de kerke wi
- Gezeid teegn etwien die de deure loat oopn stoan Môoslee
- Is 't oopndeurdag tè?
- Doet eki de deure toe.
[bewerkn] Opportunisme
- Je kut et nie ol willn, vele butter en e vette moarte (= ook AN)
- Weirdt gezeid ou je de voordêeln van de twee alternatievn wilt Kortrik
- Etwoaschn e droai an geevn
- En uutleg probeern te geevn an etwot oloewel da j' verkêerd wos Yper
- 'k Zien der a gat in
- 'k Peinzn da't meugelik is Brugge
- In etwien z'n zakkn pissn
- Schône klappn teegn etwien, vo d'r goed mee te stoan. Roeseloare
- In etwien ze beuze pissn
- Gatlekkn Yper
- J'e zyn viengers gesmeird
- J'et er vele an verdiend Blanknberge
- Oalt mo jen aap uut, 't is fore
- Profiteert mo van de gelegenheid Oostende
[bewerkn] Ouderdom
- Ge zy moa zoa oud of myn kloeffeleer
- Ge zyt nog helegans nie oud, want 'n kloeffeleer gink nie lange mee, da wos rapst versleetn Slyps, Môoslee
- D'oude bustels êest verslytn
- At er etwien zoagt van zyn oude, toune zeg je dadde Yper
- Zyn wiegestroaj is nog nie droage
- 'n Is nog veel te jounk vo te vryen
[bewerkn] Overdryvienge
- 't Lopt van de schuppe
- 't Is styf melig - Brugge
- 't Lôopt oovr, 't es te overdreevn - Kortryk
- Zwyg zere loap
- Moa wa zeg je gy nu Knokke
- 't Is van 't zotte
- 't Is overdreven Blanknberge
[bewerkn] Overtugienge
- Ot nie woar is, magt er B-Brugge ip me rik stoan
- A je wreed overtuugd zyt van je gelyk Brugge
- Prikt mo woa dat er gin geloof is
- 't En is nie ossan avance van te trachtn menschn t'overtuugn Yper
- Ot da woar is, zy 'k ik Sintniekloj, en komme twi keers up 't jor ton!
- 'k Gelove der juste niet van!
[bewerkn] Pretentie
- Y peist dat den evenoare deur zyn gat lopt (AN)
- Peizn dat y 't ol is Brugs
- Strount an 't emde
- 't Oge ip en Knokke
- E dikke nekke en (AN)
- 't Oge ip en - Knokke
- J’es van Kortryk
- Gezeid van etwien mei e dikke nekke Roeseloare, Wervik
- Ze peist ook da ze pralinn schyt
- Hautaine vrouwe Brugge
- Strount van wien zy je gescheetn?
- Wie peins je gy wel da je zyt? Knokke
- J'eit veel spel an zyn gat
- J'eit veel pretentie Wervik
- J'eit et oog up
- J'eit veel pretentie Wervik
- Mei veel vuuvn en zessn
- Mei 't nodige spel, veel blabla... Wervik
- Duust vuuvn en zessn
- Me vele blabla Yper
[bewerkn] Preus
- Preus lik e smeirlap
- Preus lik ne pauw Poperienge Yper
- Preus lik viftig/vichtig
- Preus lik ne een pauw Môoslee, Wevelgem, Wervik
- Preus lik fêertig
- Indeliks preus zyn Yper
[bewerkn] Prison
- Kort zittn
- 1. Nie vele meugn roern of keern (meestol van je wuuf) Wervik
- 2. In 't prison zittn Wervik
- Je zit me ze kloten de bak in Oostende
[bewerkn] Reegn
- En is erind dat 't sop uut zyn gat likt
- J'is kletsenat erind
- 't I slagwoater an 't reen
- 't Rint e masse Yper
- 't Rint mollejoengn
- 't Rint e masse Môoslee Yper
- 't Is an 't muutn (wôordlyste in te plekke van uutdrukkienge?)
- Je voel et verre nie reen
- 't Regent stroent met aksjes Oostende
- 't Rint ard
[bewerkn] Reloaties
- J'is de minnoar van elf duusd moagden
- Je zit geirn achter de wuvetjes Brugge
- 't Es ne wuvezot
- Je zit geirn achter de wuuvn - Wervik
- Z’è van ’t Minnewoater gedrounkn
- Z'is verliefd
- ‘n Dien stoat oek moa woa dat ‘n bustel stoat
- Die vent e thuus nietn te zeggn; ze vrouwe is boas. Poperienge Wervik
- Er zit en katte in d'orlôge
- D'r is ruzie in de menage Kortrik
- Neffest de pot pissn
- Vrimd goan Blanknberge, Brugge
- Z'is te schepe gegoan
- Z'is ter van deure getrokkn. Blanknberge
- Je lêert 't beste ryen up en oudn villo
- Je ku nog etwot lêern van ouder vromenschn Yper
- 't Es e matrasse (AN)
- Ze veugelt met iedereen
[bewerkn] Roar karakter
- 't Zyn kostn an (die gast) (AN?)
- D'r scheilt iet an (die gast)
- Deen droait deure (AN)
- D'r scheilt iet an Oostende
[bewerkn] Spyt
[bewerkn] Stoppn
(Uutschêen)
- Je schuppe ofkuuschn
- Etwoa mei uutschêen Yper Wervik
- 't Schip is binnen
- Z'en genoeg verdiend. Ze kunnen stoppn me werkn Blanknberge
[bewerkn] Teegnslag
- "Redelik" zei Pol, en e krêes.
- Antwoord ou etwien vroagt "Oe is 't?" en 't goat j'eigentlik nie goed up da moment
- 't Goa j'en kounte voarn
- 't Zal minder goed goan Knokke
- Je goat de kommiezn tegenkommn
- Je goat teegn de lampe loopn Knokke
- 't Ku nie ossan kerremesse zyn
- 't Ku nie ossan goan lik of da j'et zou wulln Yper
- 't Goat zyn getje voarn
- Je goat etwuk tegenkommn (getje = gat) Wervik
- 't Es hêel noa de wuppe
- 't Is hêlegans mislukt Kortryk Yper
[bewerkn] Toverspreukn
- Kruustje betoverd mêerlaorsgat
- Kindertoverspreuke, binst da ze e kruus miekn Knokke
[bewerkn] Twyfel
- Ol gelyk es 'n oandegat
- Wordt gezeid oe d'r entwie antwordt "'t Es ol gelyk", oe j'em lat kiezn tussn bevôorbild 'n pintje, ne rôonbach of e witteke Môoslee
- Ol gelyk es innestrount
- Deisel
- Ol gelyk is en ennegat
- Idem Yper
[bewerkn] Tyd
- Nie streke groakn
- Nie grêed groakn me je werk Yper
- Loate gezoaid komt ook boovn
- Je komt altyd te loate Knokke
- Zo zêre of telln
- Indeliks zêre, rechtet Yper
- Oltemets en is gin gewente
- Nu en toun meug je jon eki loatn goan.
- 't Is nie omdaj nu en ton etwot goed dout, daj doarom up andere momentn nie mou je beste doen.
[bewerkn] Upmerkiengsvermoogn
- En et e fyn oge
- Je ziet olles Kortrik Môoslee
- J'et oogn ip zyn gat
- Die ziet ook alles Brugge Môoslee Kortrik Oostende Zunnebeke Wervik
- J'is liezig op z'n ortjes
- J'oort olles Oostende
[bewerkn] Upzy goan
(Uutdrukkiengn? Wôordnlyste?)
- Gert e kêe
- Goa kee an de kantn Kortrik Môoslee Yper Wervik
- Schuuft e kêe
- Goa kee an de kantn Oostende Yper
[bewerkn] Uterlik
- J'eet achter de beirkarre geloopn
- Etwien mee vele sproetn up zynen kop Brugge
- J'eet e mule voe strount ip te sorteern
- Etwien mee e lelik oanzichte Brugge
- Zyn ound is dôod moa zyn kot et’n oudn
- Je kut er e zwyn deure joagn
- 't Belangrykste stoat tussn aksjtes
- Diene vint eit o-beenn
- 't Zou moetn e vliege oovr zyn muule loopn, ze brikt neur pôotn
- J'et e pokkevel Oostende
- D'Oostense Pyreneeën liggn ip ze mule
- J'et e pokkevel Oostende
- En is va Stoavel
- E komt uut Stoavel (deelgemeente van Oalveringem); spottend ezeid van etwien me rost oar Poperienge
- En is va Poperienge
- Spottend gezeid van etwien me rost oar Oostende ** Serieus of kluchtige imitoatie van 't vorige? **
- J'is va Kachtem
- Wordt gebruukt voe an te geevn da z'n aar nogal blekt in de zonne, zeg moa 't is e rostn
- 't Is e barge van e vrouwe
- Z'et e stevig lyf Brugge
- De kiekns (of de keuns) zittn deur ’n droad
- Wordt gezeid over e vrouwe met styve tepels Kortrik Brugge Oostende Yper
- En is moar e moloop grôot
- 't En is gin ol te grôotn Yper
- Ge keunt em deur 't gotegat trekkn
- J'es vre moager Lauwe
- Wel te passe zyn
- Verre va moager zyn Yper
- J'eet e kop lik e kinderkloeffe
- Lelik zyn Knokke-Heist
- J'eet e pizzamule
- J'eet e pokdoalig oanzichte - Brugge
- Ut 'n doarvoarn rechte komt, moet ’n drof (???)
- Dat is en lelikke vrouwe - Brugge
- J'is mee 't and gemakt
- Lelik mens Knokke
- Neurn ekster wunt oge
- Z'e lange bêenn Yper
- J'es zo zwart lik moljes gat
- J'es styf vuul Kortrik
- J'es zo zwart lik pietje pek
- J'es styf vuul Kortrik
- J'is molletjeszwort, pokezwart
- J'is styf vuul Brugge
- J'es moar e strount groot
- J'es moa zó groot (ironisch, klene dus) moa toch doet of zegt y ... Wervik
- En is mor e moloop oge
- 't is e klêenn Yper
- Pietje de dôod komt over my
- 'k Komme hêlegans in innevlêes Môoslee
- E kykt in 't nôordn of da 't nie brandt in 't zuudn.
- E kykt schele Poperienge
- Dien kykt zo scheel lik nen otter
- Je kykt scheel Wervik Yper
- 'Ndien stoeg oek in d'êeste reke oa 't prysdêling wos
- En et e grôte neuze Poperienge
- Zukke krente, ge kut der met viern an koartn en up iedern oek nog e Leffe zettn
- Zis dikke
- Moeste 'k e mulle èn lik gy, 'k leerde met me gat klappn
- Ge zie lelik
- Ie eet ook nie vele schuppn get at 'n klene wos
- 't Is ginne grootn
- Zyn ènen oogsje is an 't biljoarn en 't ander oogsje telt de punten
- J'is indeliks scheel Oostende
- Ost 'n blèèt, ze rik komt nat
- J'is verschrikkelijk scheel Oostende
- De kauwe verwyt de kroaie en z'is zevve zwort
- De pot... Poperienge (uut 't boek van Willy Tilly)
- Schône van verre, moa verre van schône
- Nie echt schône Blanknberge Yper
[bewerkn] Uutgoan
- 't Zwyn deur de bêetn joagen
- Ne kee goed uutzettn
- ’t Zwyn uut de bêetn joagn
- Ne kee goed uutzettn Yper
- Je ne kee hillegans loatn gletschen
- Jou ne kee loatn goane Oostende
- E sortie placeern
- Uutgoan Blanknberge
- Ip schok goan
- Uutgoan Blanknberge
[bewerkn] Verboazienge
- Ja goein noene
- Amai
- Joa goe'n noene
- Amai Kortrik Oostende
- Ja santé m'n ratje
- Amai, 't es nogal wuk Kortrik Brugge Môoslee Zunnebeke
- Ja santé
- Amai zeg Yper
- Ja me klôotn Gerard
- 't Is toene niet Yper
- Amai, myn klootn Gérard
- 't is toene niet Knokke
- 't Is toen niet!
- Amai, jawadde
- 'k Verschietn me dôod
- 'k Verschietn nog e bitje Yper
(ierounder uutdrukkiengn?)
- Datndoet
- Toch niet! Kortrik
- Jandoet
- Toch niet! Wervik
- Jatndoet
- Toch niet! Môoslee
- Bènint
- Toch niet! Iengelmunstr
[bewerkn] Vermoeideid
- In e strek volln
- Stille volln achter etwot daj edoan et Yper
- Tilt sloan Wervik
- 't Schaap is de preute of
- Doodop zyn Brugge
- 't Gat of zyn
- Versleetn zyn Yper
- 'k Zyn up me zantn an 't ryen
- Der deure zittn
- 'k Zy stroatetent
- Doodmoe zyn Iengelmunstr
- 'k Zyn tendn olle stroatn
- Styf moe zyn Ostende
[bewerkn] Verveeld
- In u gat gestookn zyn met entwuk
- Mei etwod upgescheept zittn Kortrik
[bewerkn] Vervelienge
- E droait round lik e strount in e zikpot
- Je verveelt em
[bewerkn] Verwachtienge
- Wat peis je van dien oed ?
- Wat denk je hiervan ? Oostende
[bewerkn] Verwittigd
- 't Goat teegn zyn rape gescheetn zyn
- Da goat nie pakkn
- 't Go tegen ze schenen woaien Oostende
- Je got wel uki pries en Oostende
[bewerkn] Verzorgd
- J'is gediend lik e kieksje ip a barretje
- Je komt nietn tekort Oostende
- J'es gediend lik nen ound me vlôoien
- Kortrik, Môoslee, Wervik
[bewerkn] Volln
[bewerkn] Vreyen
- Ze vreyt dat eur imde wikkelt
- Straf vreyen Kortryk, Roeseloare
- Koozn en en nichte vreyen geirne dichte, moa trouwn nie lichte
- Familie trekt aan moa trouwt nie Kortryk
[bewerkn] WC
- De patattn ofgietn
- Een klêne boodschap doen (mannen) Brugge
- Myn andjes goan wassen
- Een klêne boodschap doen (mannen) Brugge
- 'n Pistje doen
- Een klêne boodschap doen (mannen) Brugge
- De klênen uutloatn
- Een klêne boodschap doen (mannen) Brugge
- De kaffie es deuregelôopn
- Een klêne boodschap doen (mannen) Kortryk
- 'k Gon eki me sjekong gon uutzwiengeln
- Gon pissn Yper
- 'k Goa ne kee 'n grootn goan uutangn
- Goan pissn Wervik
- De vliegnde spetter en
- 'n Ofloop en Wendune
- De grote jan utangn
- Goan pissn
- Mynen bèste moat 'n and goan geevn
- Gon pissn Ruislee
- Nen neger gan boetseern (ouk elders in Vloandern)
- Gon kakkn
- Een ei gan leggn (ouk elders in Vloandern)
- Gon kakkn
- Met 'n ound noa de smesse goan
- Pissn Tielt
- 'k Gon eki kykn of da 'k nog e joungn zyn
- Gon pissn Ostende
[bewerkn] ’t Were
- ’t Goa kattejongn speugn Kortryk
- 't Goa styf reegnen
- ’t Goa mollejoungn broakn
- 'n Emel zit zwart en ’t goat ard goan regenen
- 't Goa mollejoungn rinn
- 't Got e masse reenn Môoslee Yper
- De lucht smeirt em
- De lucht overtrekt, veranderienge van weer Blanknberge
- 't I boommesse
- 't I triestig were Yper
- 't Regent strôomn (?) me stekkers
- 't Rint styf ard Wevelgem
- 't Reegnt strount met oakskes
- 't Doe styf lêlyk - Kortryk
[bewerkn] Woede
- Vroed va colère zyn
- Styf vys zyn Yper
[bewerkn] Woordspeliengn
- Toopn zyn veldmuuzn
- Ezeid at er etwien "'t is t'oopn" zegt (Frans 'taupe' = e mol) Yper
- "E gat is e gat", zei d'n boer, e je kroop ip ze zwyn
- Oe 't werkt, werkt et Kortrik
- "E gat is e gat", zei d'n boer, e je kroop ip ze peird
- Oostende
- Amme en akke zyn 2 dwoazeklôotn
- Mee 'lik' en 'ou' kom je niet verre vooruut Poperienge
- Ank ên zounk zien twê goe moatn
- Mee 'lik' en 'ou' kom je nie verre vôruut Ostende
- A myn tante klôotn ged, 't wos myn nounkel
- Als, als, als ...
- At uzze katte e koe wos, we kostn ze melkn oender de stove
- Als, als, als ...
- Moagre en toai en geirn up droai
- Oe d'r etwien vroagt oe da't mei joun goat Môoslee
- Toager en moai
- Oe d'r etwien vroagt oe da't mei joun goat Wervik
- De bule tegen de blutse
- 't Ene compenseert 't andere Brugge
- Aj ku veugeln, kuj vliegn, zei de boer, en ie smeet ze wuf deur de rute
- Gezeid at der etwien de simpeloare utangt
- Stront is geld weird zeidt den boer, en je skêet in zyne portemonee.
- Ge moe nie te zêre etwuk wegsmytn
[bewerkn] Zêe
- De zeie lopt nogal e bitje
- De zêe stoat wild Blanknberge
- De zeie viest (wôordlyste?)
- De zêe fosforesceert Blanknberge
[bewerkn] Zekereid
- Tiene-neegne
- Neegn kansn up tiene Kortrik Yper
- Van tiene neegne
- Neegn kansn up tiene Môoslee Rumbeke
- Biechte woareid
- 'k Zweir et Kortrik, Roeseloare, Môoslee, Yper
[bewerkn] Ziekte
- Je klapt deur je neuze glyk e koe deur eur gat
- E vollienge en Oostende
- J'is van zyn suus gevalln
- Flauw gevalln Blanknberge
[bewerkn] Zot
- De zottn zittn nie ol in Brugge
- Zottn vind je overalst Brugge
- Ze goan em/je kommn oaln met de witte perjes
- Ge zyt goed vo 't zottekot Outland, Kortrik, Môoslee moa toen wel "pertjes" (perjes, pertjes = AN paarden)
- J'is puutonnozel
- En is styf onnozel Brugge Knokke
- Dien is eki up ze kop gevoln en bluvn bokken
- Der schilt etwuk an
[bewerkn] Diverse
- J'et 'n in jen oge
- Oungeveer lik AN boontje komt om zijn loontje Yper
- In 't ende
- By de gebeurs
- 'k Goan me loop oaln
- 't Goa vele vook kommn kykn, wuk peis je wel ... Yper
- Lopt round de klootn, 't zyn klene toertjes
- Je kunt myn rug op - Brugge
- Goaj veruuzn?
- Zeg je teegn etwien die in zyn neuze kottert. Poperienge
- Vien je ze? / Zittn ze diepe tè?
- Kuj wok zegn tegen etwien die in ze neuze kottert
- En et e Poperiengs sproakgebrek
- E slist Yper
- Je zoudt de stront ut jen gat vroagn
- 'n Twie die gin schamte nèt, die olles duft vroagn Lauwe
- De krootn uut je neuze vraagn
- Olles durvn vroagn Ostende
- 't Is gelik nen bezeikte kobbe
- J'es nat toe achter zyn oarn en toe in de splette van zyn gat Brugge
- At 'n de woareid zegt, 't vliegt e veugel uut ze gat
- 't Gebeur nie vele dat 'n de woareid zegt Yper
- Da's 't kaf van zyn ieln
- Je zit doa nie mee in, 't es gemakkelik vor em Môoslee
- Zo scheef lik e zikkel
- Gezeid van entwo da hêel krom es Môoslee
- Zet je'n zoate en smôort 'n pupe
- Zet j' up 't gemak Môoslee
- De pôten van zyn gat lôpen
- Ol doen daj kunt vor 'ntwo te bekommn Môoslee
- Top over klôotn
- Overende Yper
- 'k Loate voarn
- AN: Laat staan dat...Blanknberge, Roeseloare
- Oge klemmers, lèège zwemmers, lopers op et ys, ze zyn ollegoare nie wys
- O je gevoarlike diengen doet, zy je dom Ostende
- Je begoart van pykns
- Je begoart van niks Blanknberge
- 't Is al gin avance
- Verloren moeite Blanknberge
- 't Is moar e schorte grôot
- Styf klêne Roeseloare
[bewerkn] Zie ook
[bewerkn] Referensjn
- ↑ Uut Het Nieuwsblad van 08/09/2006: In Roeselare is er een wijk die heet Krottegem. De wijk kwam tot stand op eind van de 19de eeuw, toen veel arbeiders door de oprukkende industrialisering in de buurt van de (textiel)fabrieken kwamen wonen. De term "krotte" verwijst niet alleen naar de jute- en cichorienijverheid ("kroten"), maar staat ook synoniem voor arm(oedig).