Provincia de Rovigo
Da Wikipedia, ła ençiclopedia libara.
Provincia de Rovigo | |
---|---|
Stato: | Itałia |
Regione: | Vèneto |
Capoluogo: | Rovigo |
Superficie: | 1.789 km² |
Abitanti: | 244.625 2005 |
Densità: | 136,7 ab./km² |
Comuni: | Elenco di 50 comuni |
Targa: | RO |
CAP: | 45100, 45010-45039 |
Prefiso teł: | 0425, 0426 |
Codice ISTAT: | 029 |
Presidente: | Federico Saccardin 28.06.2004 |
Sito istituzsionałe |
Ła Provincia de Rovigo ła xè na provincia itałiana che ła fa parte deła region del Vèneto. El capołogo el xè ła zsità de Rovigo. Ła confina a nord co łe province de Verona, Pàdoa e Venezsia, a ovest co ła provincia de Màntoa in Lonbardìa, a sud co ła provincia de Ferara in Emiłia-Romagna. Ła confina a est co 'l Mar Adriàtico.
[modifica] Giografìa
El teritorio de ła provincia el xe el Połéxine d'inqûo[1] o 'l ghe se cata tuto rento[2]. El gà n'àrea de 1 789 km² e a ghe stà 244 625 àneme ('nte 'l 2005). El xe un guałivo alto tra i -2 e i 15 m s.l.m..
El confin setentrional el va seconda del Àdexe a partir de Badìa Połéxine fin 'nte 'l mar, fora che 'l teritorio de Cavàrzsere che 'l xe 'nte ła provincia de Venezsia. El confin meridional el va seconda del Po a partir de Mełara fin 'nte 'l mar. 'Nte ła provincia se cata tuto el delta del Po, e 'l confin el va seconda del Po di Goro.
Ła tera ła se ga fata da poco, tirà su da łe fiumane del Àdexe e del Po, che i ne ga dà un percorso fiso e dei àrzxeni soło che in sti ùltimi tenpi. Cusì ła tera ła se sbasa par subsidentia parché ła se ga sugà co łe bonìfiche e deso ła xe drìo conpatarse; se gà zxontà anca l'omo, che 'l ga tirà su l'aqua e 'l metano da sototera[3].
N'altro fiume el traversa ła provincia: el xe el Canal Bianco; pì ghe xe anca asè scołi de bonìfica parché el Po e 'l Àdexe i xe el primo e 'l terzso dei fiumi itałiani par portar aqua, e donca ghe xe asè aqua da tirar vìa. I scołi pì asè inportanti i xe el Collettore Padano, el Ceresoło e 'l Valdentro.
Ghe xe anca dei altri canałi che i xe stà inportanti par ła storia: i xe l'Adexéto, che 'l xera un vecio córso del Àdexe; el Poazso, che 'l xera un vecio córso del Po; ła fosa Polxeła, che 'l xera un vecio canal che se podéa navigar dal Canal Bianco 'nte 'l Po.
El clima el xe semicontinental e asè mojo; ghe xe sòfego d'istà e ghe xe nebia d'inverno. Ła piova ła vien zxó normal, specie de primavera e d'autuno[3].
Ghe xe 50 comuni 'nte ła provincia de Rovigo; i pì asè grandi i xe:
Comun | Àneme (2005) |
---|---|
Rovigo | 50 922 |
Adria | 20 593 |
Porto Viro | 14 484 |
Lendinara | 12 198 |
Badìa Połéxine | 10 741 |
Ociobeło | 10 621 |
Porto Tołe | 10 377 |
Tajo de Po | 8 389 |
Rosołina | 6 304 |
Viładóxe | 5 285 |
Anca ai dì d'anqûo ghe xe zxente che i emigra da ła provincia de Rovigo; i xe soratuto i zxóveni che i va a laorar inte łe zsità pì sviłupàe del Vèneto o de l'Itałia, e par questo che 'nte ła provincia ghe xe senpre pì asè veci. Ghe xe anca qûei che i migra da łe canpagne ma che i resta 'nte ła provincia e i va 'nte i zsentri pì svilupài[3].
[modifica] Note
- ↑ (IT) "polesine", Il Vocabolario Treccani, Roma: Istituto della Enciclopedia Italiana, 1992
- ↑ (IT) "Polesine", Sapere.it, vol. Enciclopedia Generale, Novara: De Agostini, 2002
- ↑ 3,0 3,1 3,2 (IT) "Rovigo (provincia)", Sapere.it, vol. Enciclopedia Generale, cit.
Italia | Province deła regione Veneto | ||
---|---|---|
Venezsia | Bełun | Padoa | Rovigo | Treviso | Verona | Vicenzsa |
Itałia · Vèneto · Emiłia-Romagna Provincia de Rovigo · Provincia de Ferara
Comuni: Melara · Castelnovo Bariano · Bergantino · Castelmassa · Trecenta · Sałara · Calto · Ociobeło · Stienta · Ficarolo · Gaiba · Canaro · Crespin · Papozse · Viłanova Marchesana Fiumi: Po