Tàrtaro-Canalbianco
Da Wikipedia, ła ençiclopedia libara.
Tartaro-Canalbianco | |
---|---|
Lunghezsa: | 145 km |
Portata media: | n.d. m³/s |
Bacino idrografico: | n.d. km² |
Altitudine deła sorxente: | n.d. m s.l.m. |
El nase: | Povejan Veronexe Itałia |
El sfocia: | nel Mar Adriatico |
Paesi traversè: | Provincia de Verona, Provincia de Rovigo |
El fiume Tàrtaro el xe l'unico fiume che sboca fra l'Adexe e el Po 'ntel mar Adriatico. El xe uno dei pochi fiumi tałiani che 'l nase in pianura da połe insieme ai so afluenti. El trato del fiume che 'l pasa 'ntel Połéxine el xe un canal scavà e 'l se ciama Canalbianco o Canal Bianco.
[modifica] Łe risorgive
Łe risorgive o fontaniłi del Tàrtaro łe xe łocałizsà sol confine dei comuni de Viłafranca e Povejan.
[modifica] I rixi
Łigà al bacin del Tàrtaro el xe el rixo viałon nano. El ga come carateristica queła de esare coltivà in aree irigà co' aqua de risorgiva.
[modifica] El corso
'Nte ła parte sud del so percorso 'nte ła provincia de Verona el tołe su łe aque de risorgiva de tuti i comuni deła parte sud ovest deła provincia stesa.
'Ntel bacin idrografico del Tàrtaro a ghe xe 'na estension masima ca corisponde ałe Vałi grandi Veronexi, par po sararse 'nte on unico alveo canałizsà ca core łongo tuta ła provincia de Rovigo.
El xe on fiume che ciapa nomi diverxi longo el so percorso. Prima che'l fuse canałizsà el gera on afluente del fiume Po, e proprio par questo no 'l ga 'na lunghezsa definìa.
Ła parte finałe ciapa el nome de Canal Bianco, el ga come afluenti inportanti el Menago, el Bussè e el Tione col quałe el se unise a Gazzo Veronese, dove, vizsin ała confluenza, sorge ł'oasi del Busatello, riserva naturałe afidà al WWF
Ła lunghezsa del fiume Tàrtaro ła xe de 52 chiłometri, mentre el trato del Canal Bianco el xe de 95 chiłometri, ła łunghezsza totałe del fiume dałe sorgenti al mare ła xe de 147 chiłometri.