Viładóxe

Da Wikipedia, ła ençiclopedia libara.

Viładóxe

Nome ufficiale:

{{{nomeUfficiale}}}

Latitudine: 45° 4′ 0
Longitudine: N° 11′ 54

5 m s.l.m.

32,50 km²

5.303 31-12-04

164 ab./km²

Canbio, Canałe de Viładóxe, Ca'Tron

Comuni contigui:

Adria, Zsernian, Rovigo, San Martin de Venezse

CAP:

45010

Prefiso teł:

0425

Codice ISTAT:

029048

Codice catasto:

L939

Nome abitanti:

viładoxani

Santo patrono:

San Leonardo

Giorno festivo:

6 de novenbre

Sito istituzsionałe

Viładóxe el xe on comune de 5.248 abitanti 'nte ła provincia de Rovigo.

[modifica] Aministrazsion comunałe

Sindaco: Mirella Zambello dal 05/04/2005
Centralino del comune: 0425 405206
Email del comune: info@comune.villadose.ro.it

[modifica] Frazsion

Canbio: el nome el deriva dal fato che intel so teritorio a ghe gera el canbio dei cavałi che i trainava i barconi ca pasava so l'Adexeto. El se cata a zsirca 4 km a nord-est de Viładóxe so ła strada che porta a Ca' Emo.
Canałe de Viładóxe
Ca' Tron

[modifica] Giografia

Viładose ła se cata in te ła xona medio orientałe del Połéxine e ła xe traversà dal fiume Adexeto, che ła divide in do parti.

Oltre a ł'Adexeto, ghe xe a nord ło scoło Zsełesoło ai confini con Rovigo e San Martin, Bresega poco pì a nord del zsentro del paese e poco a Sud del xentro ło scoło Valdentro.

Viładose ła se cata quaxi a metà strada tra Rovigo e Adria

[modifica] Storia

Da ritrovamenti archeołoghi a risulta che el teritorio el fuse zsà colonizsà inte ł'età romana parché Viładose la se catava a pochi km dal porto etrusco di Adria e ła gera l'entrotera par łe vie de comunicazsion verso ł'interno.

Co' ła fine de ł'Inpero Romano a xe seguìo on periodo de forte instabiłità idraułica e de spopołamento.

Gino Braggion, intel so libro ... E... Villadose risorse... da secolari tribolazioni el ga descoverto che'l nome del paese el risulta scrito par la prima volte ai scuminzsi del XIII secoło quando che in latin el se ciamava "Villa Ducis".

Intel 1484 Viładose - dopo ła guera del sałe tra Venezsia e Ferara - l'è passà dała dominazsion estense a queła venexiana dove l'è restà fin ała fine deła Repubblica intel 1797. Graçie ai venexiani a gera sta fati tanti lavuri de bonifica e lungo l'Adexeto i nobiłi venexiani i se ga fato far dełe bełe ville ca ancora al dì de onquò le ghe xe e qualcheduna ła ga ancora el nome de ła fameja venexiana.

El segno deła dominazsion ferarese estense el se poe riłevare anca dal palaxo comunałe, ciamà Ca' Patella, dove i balcuni del piano tera le xe in stile ferarese e quełe dei piani pì alti in stile venexian.

Intel 1778 - grazsie al vescovo deła diocexi de Adria Monsignor Arnaldo Speroni degli Alvarotti a Viładose xe sta istituia de novo ła parochia prima agregà e dipendente da queła de Buxo.

Poco dopo l'unità d'Italia Viładose la ga 'vudo tanta xente che l'è sta costretta a migrar verso el Sudamerica. Questo xe sta dovù a tante cause, ła pì importanta ła xe sta ł'ałuvion del 1882 parché ł'Adexe gheva roto i arzeni, ała crisi agraria e anche a ła represion połitega da parte de łe autorità che łe stava da ła parte dei proprietari de tere. A questo bisogna zsontare ła guera comerciałe tra l'Itałia e ła Franzsa.

Viładose l'è sta - ała fine dei ani '80 del 1800 - el comune połesan col pì elto taso de emigrazsion, pari a oltre el 25 par cento deła popołazsion.

Intel 1915 ła prima aministrazsion comunałe dove ca ge gera anche i sociałisti ła ga scuminzsià łe pratiche par comprare el palaxo Ca' Patella par farlo diventare sede municipałe.

Intel 1923 el palazso Ca' Patela el xe deventà ła sede del comune.

Intel 1928, in seguito ała eliminazsion del comune de Ca' Emo, Viładose ła se ga ingrandio inglobando ła łocałità Ca' Tron.

Intel 1938 xe sta inaugurà ła Strada Statałe 443 - che cołega diretamente Rovigo ad Adria - ała presenzsa del gerarca fasista Giovanni Marinelli.

El 25 de apriłe 1945 a xe sta fuxiłà dai todeschi - vizsin ai muri del zsimitero - 20 partigiani ciapà a Zsernian. I todeschi, dopo aver fuxilà i ostaj, i ga fuxiłà anca do omeni de łe brigate nere che i ghe gaveva dà 'na man inte l'operazion de rapresaja.

Dopo l'aluvion del 1951 xe scuminzià n'antra onda migratoria sopratuto verso Piemonte e Łonbardia.

Intei ani '80 a xe scuminzsià i łaori par ła costruzsion de ła nova grande piazsa (piazsa Barchesa) intel zsentro del paexe sorta inte łe proprietà esproprià a ł'ultimo nobiłe venexian ca gaveva ancora proprietà intel comune, el conte Lorenzo Marcello Grimani Giustiniani.

[modifica] Personaji ca xe nati a Viładoxe

Enzo Duse, jornałista e scritore (1901 - 1963)
Gianni Sparapan, poeta e storego. 1944 - Autore de pareci livri de storia.

[modifica] Livri su Viładose

A cura de ł'Uficio Studi deła Provincia de Rovigo - Villadose, storia economica e sociale di una comunità Polesana - datiłoscrito (1964). 'Na copia ła xe conservà a ł'Accademia dei Concordi de Rovigo.

Gino Braggion. ... E... Villadose risorse... da secolari tribolazioni. Grafiche "Il Pilastrello", Łendinara, 1978.

Gianni Sparapan. Il canto delle angôane 1987

A cura de ł'Asesorato ała Cultura del Comune de Viładoxe: Villadose tra cronaca e storia con parece fotografie, testimonianze e modi de dir połexani. Linea ags edizioni - Stangheła - 1994.