Bataja de Lèpanto
Da Wikipedia, ła ençiclopedia libara.
Bataja de Lepanto | |||||||
---|---|---|---|---|---|---|---|
Parte de l'invaxion otomana de Cipro | |||||||
|
|||||||
Schieramenti | |||||||
Lega Santa: Republica de Venezsia |
Inpero Otoman | ||||||
Comandanti | |||||||
Don Giovanni d'Austria | Mehmet Alì Pascià† | ||||||
Efetivi | |||||||
294 navi | 265 navi | ||||||
Perdite | |||||||
8.000 òmeni, 15 navi | 25.000 òmeni, çirca 140 navi |
Ła Bataja de Lepanto ła xe un storico scontro naval avegnù el 7 de otobre 1571 nel golfo de Corinto tra łe flote de l'Inpero Otoman e de ła Lega Santa, che ła riunea łe forzse de Venezsia, de ła Spagna, del Papa, de Genova, dei Cavalieri de Malta e dei Savoja.
L'ałeanzsa tra i stati cristiani ła xera stà promosa par 'ndar in socorso de Famagosta, çità venezsiana su l'ixoła de Cipro, asedià dai Otomani, ma quando ła flota ła xe stà pronta a conbàtar, ormai i venezsiani de Famogosta i gavea dovùo réndarse ai nemici.
Ła bataja ła sà concluxo co na granda vitoria de ła flota cristiana guidà da Don Giovani d'Austria, e ła xe stà inportante asè soratuto parché ła xe stà ła prima vitoria de l'Ocidente contro i Otomani, che fin deso i gavea vinto tute łe prinzsipałi bataje. L'Inpero Otoman el gà perso cosita ła supremazsia nei mari, specialmente nel Mediteraneo ozsidental; però i cristiani no i xe sta boni de profitar fin in fondo de ła vitoria, e Cipro ła ghe xe restà ai turchi.