அருவி
கட்டற்ற கலைக்களஞ்சியமான விக்கிபீடியாவில் இருந்து.
அருவி அல்லது நீர்வீழ்ச்சி என்பது, ஆறு போன்ற நீரோட்டம், சடுதியான நிலமட்ட வேறுபாட்டைக் கொண்ட, அரிப்புக்கு உட்படாத பாறை அமைப்புக்களில் மேல் மட்டத்திலிருந்து கீழ் மட்டத்துக்கு விழுவதால் உண்டாகும் நிலவியல் அமைப்பு ஆகும்.
சில அருவிகள் அரிப்பு ஏற்படக்கூடிய பகுதிகளில் உருவாகின்றன. இதனால், ஆற்றின் நீரோட்டப் போக்கில் மாற்றம் ஏற்பட்டுச் சடுதியான, கடும் பாதிப்பை ஏற்படுத்தக்கூடிய விளைவுகள் உண்டாகும் வாய்ப்பு ஏற்படுகிறது. இவ்வாறான நிலைமைகளில், அருவிகள் உருவாகாமல், நிலச்சரிவு, நிலவெடிப்பு, எரிமலைச் செயற்பாடுகள் போன்ற சடுதியான நிலவியல் விளைவுகள் ஏற்படுகின்றன.
அருவிகள் செயற்கையாகவும் உருவாக்கப்படக் கூடும். பொதுவாக இவை பூங்காக்கள், நிலத்தோற்ற வடிவமைப்பு ஆகியவற்றின் ஒரு பகுதியாக உருவாக்கப்படுவது உண்டு.
[தொகு] முக்கியமான அருவிகள்
- ஏஞ்சல் அருவி - வெனிசுவேலா
- கஸ்காட்டா டெல்லே மர்மோர் அருவி - இத்தாலி
- கொக்ட்டா அருவி - பெரு
- ஹை ஃபோர்ஸ் அருவி - இங்கிலாந்து
- இகுவாசு அருவி - ஆர்ஜென்டீனா/பிரேசில்
- ஜாக் அருவி - இந்தியா
- ஜூரோங் அருவி - சிங்கப்பூர்
- நயாகரா அருவி - வட அமெரிக்கா
- ராம்னேஃப்ஜெல்ஃபொசென் அருவி - நார்வே
- ரைன் அருவி - சுவிட்சர்லாந்து
- துகேலா அருவி - தென்னாபிரிக்கா
- விக்டோரியா அருவி - சிம்பாப்வே/சாம்பியா
- யொசெமைட் அருவி - ஐக்கிய அமெரிக்க நாடுகள்
