Karl Marx
Ord la Wikipedia
Karl Heinrich Marx (*5 da matg 1818 a Trier - † 14 da mars 1883 a Londra) era filosof, schurnalist politic e criticher da l'economia burgaisa. El leva ina analisa e critica scientifica dal chapitalissem ed è in dals pli gronds teoretichers dal communissem. Sias teorias vegnan discutadas enfin oz fitg cuntravers.
[editar] Survista
Marx vala sco visiunari dal moviment da lavurers, ensemen cun Friedrich Engels, che ha dà impuls impurtants a la critica da la economia politica e che ha publitgà las ultimas scrittiras da Marx suenter sia mort. En sia capodovra "Das Kapital", ina teoria empirica, economica e matematica, analisescha Marx las vias da producziun chapitalisticas, la circulaziun da vitgira, la circulaziun da raps e l'accumulaziun da chapital. En sia analisa mussa el las dependenzas fundamentalas dad ina societad dominada chapitalisticamain. Il chapital po vegnir observà da duas differentas varts: Il prim dal pugn da vista dal propriertari da chapital, segund dal lavurer. Omadus pugns da vista èn novs en lur analisa ed anc adia actuals.
Ina da sias tesas centrala è che ils interess dals proprietaris e quels dals lavurers sajan incumpatibels, e ch'ins possia mo surmuntar quest problem entras far ord las duas persunas ina singula, q.v.d. da far ils lavurers tar ils proprietaris da la fatschenta.