Amisch
Aus Wikipedia
Die Amisch sinn Widderdaafer - sie nemmt sei Naame vun em Jakob Ammann. En latt Leit denke sie yuuse gaar ken Technology. Deel vun'ne, diehne yuscht gans wennich Technology yuuse. Annere sinn meh modern. So iss es mit de Amische. 'S sinn all Satt Amisch. Alli Gmee hot ihre eegne Addning. En deel faahre schwatzi Maschiene (Kaers), en deel faahre Geil unn Boggi mit kenne Decher, unn annere henn Dach-Wegglin Boggis. In Lengeschder Kaundi sinn die Boggis groh, die Menner zwee-Gaelles uff em Buckel, die Schtroh- unn Wollhiet net graad unn en bissel katz, unn die Familie henn letschde Naame wie "Fisher", "Beiler", "Glick" unn "Schtolsfuus". Unni die Schwatzedruwwer awwer, sehn wie's dutt ausgucke datt driwwer, 's iss gans net so wie in Lengeschder Kaundi, Pennsilfaani. Die Leit sinn gwehnlich net "Beiler" gheese, awwer "Zook", "Yoder", "Hochschtettler" unn so on. Die Hiet sinn graad unn lang, die Boggis schwatz unn sell iss yuscht fer schterde. Es mecht sei, as sie all zwee Amisch sinn, die Schwatzedruwwer unn die Lengeschder Amische, awwer sie sinn net gans de seem, zu saage nix baut annere Gruppe wie die Weiss-Weggli Amisch unn die Beachy Amisch.
-
-
-
- Ausbund #76
-
-
-
- Ich bin auch gar verlassen
- Von allen Freunden mein,
- Verlegt sind mir all Strassen,
- Ihr G'fangner muss ich sein.
- Wo sie nur finden mich,
- Da muss her halten ich,
- Thun mich raussen und schlagen,
- hassen unschuldiglich.
-
- (Ausbund-Liedel #76 gschriwwe vun'em Swiss-Widderdaafer Christoph Baumann)
2005 hot mer in die Vereenichte Schtaate 130.778 Amisch in 1.763 Karrech-Distrikte gezeehlt. (Quelle: Mennonite Weekly Review, 20. Yuni 2005, Seit 10)
Inhaltsverzeichnis |
[Bearbeiten] Gschicht
Die amische Muufment nemmt sei Naame vun em Yaakob Ammann, er waar en Swiss Mennischt wu iss noch Alsace gange. Der Yaakob hot geglaabt ass some Mennischde zu weltlich am warre waare. Er hot welle en schtreng Meiding bhalde. Fer en lang Schtori katz mache, henn die Mennischde gschplitt, mit de Amman Leit uff eem Seit, unn die Reist (Mennischde) Leit uff de annere Seit.
[Bearbeiten] Amisch in Switzerland
S'waar Amische im Kanton Bann im Emmendaal unn um Lake Thun rum. Sidder 1696 sinn en latt vunne noch Markirch gezogge in Alsace unn en bissel schpeeder aa noch die Jura Barriye in Switzerland.
In 1750 sinn all die Leit ass deede ihre amische Identity bhalde weggange vun Bann. Awwer s'waar noch Leit ass Amische waar bis baut 1900. Noch sellem sinn die Leit ass Amische waar Mennonites gheese.
In 1900 S'waar zwee Amische Gmee, die zwee waare autseid Bann. Sie waare La Chaux de Fonds Gmee in de Jura Barriye unn die Holestrasse Gmee in der neehr vun Basel.
[Bearbeiten] Amisch in Alsace
Die Amische sinn noch Alsace kumme noch sellem ass sie rausgschmisse waare vun em Canton Bann in Switzerland.
[Bearbeiten] Amisch in de Palz
Die Amische sinn noch de Palz kumme noch sellem ass sie rausgschmisse waare vun em Canton Bann in Switzerland. En latt vun de Gmee waare um Zweibrucken. In 1731 waar es 13 amisch-mennischde Gmeene in de Palz.
Gwuelle:
Mast, C. Z. and Robert E. Simpson (1942). Annals of the Conestoga Valley in Lancaster, Berks and Chester Counties, Pennsylvania. Scottdale, Pennsilfaani : Mennonite Publishing House, p. 214.
[Bearbeiten] Amisch in Mömpelgard
Mömpelgard, in franzeesisch Montbéliard, waar en Gegend ass en Heemet fer en latt Brodeschdande Leit waar. Die Amische henn datt driwwer meh Freiheit ghatt ass wie in Switzerland.
[Bearbeiten] Amisch in Amerikaa unn Kanadaa 1717-1776
Bei 1800 waare baut 40% vun de Leit in Pennsilfaani, deitsch, awwer velleicht waar es wennicher ass wie 1 000 Amisch en de Schteets.
[Bearbeiten] Amisch Gmee-Affises
-
-
- Amisch Gmee-Affises
- 1. Eldeschder / Vellich Diener / Bischof (Bishop)
-
-
- 2. Diener zu'm Buch / Breddicher (Preacher)
-
- 3. Vellichaarmediener (Full Deacon)
-
- 4. Aarmediener (Deacon)
Amische Immigrants zu de Schteets
Naame Immigration Yaahr Settlement Blatz *Hans Gnage Bern Taunschip *Christian Beiler Bern Taunschip *Christian Beiler Bern Taunschip *Conrad Reif Bern Taunschip *Jacob Kauffman Bern Taunschip *Jacob Stutzman Bern Taunschip *Jacob Hertzler (Bischof) 1749 (Saint Andrew)Hambarrig, Pennsilfaani *Christian Stutzman Bern Taunschip *Isaac Kauffman Hambarrig, Pennsilfaani *Jacob Yoder Hambarrig, Pennsilfaani *Benedict Speicher 1737 (Charming Nancy) Bernsville, Pennsilfaani (Mennischt) *Benedict Lehman Hambarrig, Pennsilfaani *Christian Yoder Hambarrig, Pennsilfaani *Christian Stehly Bernsville, Pennsilfaani *Christian Hershberger 1737 Bernsville, Pennsilfaani *Johannes Lantz Bernsville, Pennsilfaani *Jacob Mast 1737 Bernsville, Pennsilfaani *Jacob Kauffman (Breddicher) Bernsville, Pennsilfaani *Melchoir Detweiler 1742 Northkill Amisch Settlement *Abraham Kurtz (Breddicher)1749 Earl Taunschip *Christian Schmucker Earl Taunschip *Jacob Beiler 1737 Bern Taunschip *Hans Jacob Kauffman 1737 *Christian Miller 1737 Bern Taunschip *Christian Berkey 1737 Bern Taunschip *Hans Zimmerman 1737 Bern Taunschip *Henry Stehly 1737 Bern Taunschip *Ulrich Spicher 1737 Bern Taunschip *Moritz Zug 1742 Upper Berks Co. *Christian Zug 1742 Upper Berks Co. *Johannes Zug 1742 Upper Berks Co. *Johannes Gerber 1742 Upper Berks Co. *Jacob Gut 1742 Upper Berks Co. *Heinrich Miller 1742 Upper Berks Co. *Christian Miller, Sr. 1742 Upper Berks Co. *Christian Yoder, Jr. 1742 Upper Berks Co. *Jacob Kurtz 1742 Lengeschder Kaundi *Jacob Yoder 1742 Upper Berks Co. *Johannes Gnage 1742 Upper Berks Co. *Hans Kurtz *Stephen Kurtz *Christian Koenig 1753 Bern Taunschip *Jacob Koenig *Samuel Koenig 1753 Bern Taunschip *Yost Yoder *Michael Stucky *Johannes Schneider *Nicholas Stoltzfus 1766
Gwuelle:
MacMaster, Richard K. (1985). Land, Piety, Peoplehood: The Establishment of Mennonite Communities in America 1683-1790. Scottdale, Pennsilfaani : Herald Press, p. 86-87.
Mast, C. Z. and Robert E. Simpson (1942). Annals of the Conestoga Valley in Lancaster, Berks and Chester Counties, Pennsylvania. Scottdale, Pennsilfaani : Mennonite Publishing House.
[Bearbeiten] Amisch in Amerikaa unn Kanadaa 1812-1860
Die greeschde Amisch immigration waar am aageh zwische die Yaahre do.
[Bearbeiten] Amisch in Amerikaa unn Kanadaa 1860-1900
In 1890 s'waar baut 3 700 Amisch in de Schteets. Meescht vun'ne waare net in Pennsilfaani, awwer in Illinois.
[Bearbeiten] Unnerschittliche Aarde Amisch
Fer meh Information baut die Amische, tschuus en Aart Amisch, cause 's iss zu hatt fer schwetze baut all die unnerschittliche Aarde Amisch uff yuscht ee Blatt.
Alt Amisch (Old Order Amisch, Haus Amisch)
- Swiss Amisch
- Schwatzedruwwer Amisch (Yoder Gmee)
- Troyer Amisch
- Weis-weggli Amisch (Nebraska Amisch, Alt Schuhl Amisch)
- Byler Amisch
- Nei Addning Amisch (New Order)
- Renno Amisch (Peachey Amisch)
- Alt Amisch (annere Old Order Amisch)
Gmeehaus Leit (Amisch-Mennischt)
- Beachy Amisch (Amisch-Mennischt)
- Western Amish Mennonite Conference (1890-1920)
- Eastern Amish Mennonite Conference (1893-1927)
- Indiana-Michigan Amish Mennonite Conference (1888-1917)
Kaeriche mit me grosse Deel amische Herkummes
- Western Ontario Mennonite Conference
- Association des Églises Évangéliques Mennonites de France (AEEMF)
Guck mol aa an :
Gwuelle:
- Mennonite Historical Society of Canada http://www.mhsc.ca
- Herr, P.T., E. Johnson unn S. S. Miller, ed. Louise Stoltzfus (1999). "The Life and Times of Nineteenth-Century Plain Women", Pennsylvania Mennonite Heritage, Vol. 22, No. 4, p. 2.
- Nolt, Steven M. (1992). A History of the Amish, Intercourse, Pennsilfaani: Good Books.
Die Amisch (IPA: Vorlage:IPA), sinn Widderdaafer unn en Grischde Religious-gmeeschaft ass in de Schteets unn in Kanadaa (Ontario unn Manitobaa) wuhnt. Sie sinn bekennt fer ihre pleene Gleeder unn fer ihre limited Yuus vun neie Sache so wie Maschiene unn Leckdrick. Die Amische sinn wehrlos unn die Alt Adder schwetze entwedder Deitsch odder "Schweizerdeitsch".
Vorlage:Link FA
