Pennsilfaani

Aus Wikipedia

Pennsilfaani iss en Schtaat in Amerikaa. Die Haaptschtadt iss Harrisbarrig. Die greescht Schtadt iss Filadelfi.

Do guck nur eens der Gaarde aa,

Wie Pennsilfaani heesst,

Waxt do net alles schee unn gut,

Unn hot net yeder gsundes Blut?

Es biedt's kee Land der Welt.

(aus em Pelzer unn Pennsilfaanischer, der Ludwig August Wollenweber, sei Gedicht "Ich bin en Pennsilfaanier")

Inhaltsverzeichnis 1 Gschicht 2 Some Nummere 3 Schtaat Zeeche 4 Deel gutbekannte Pennsilfaanische Leit 5 Pennsilfaanische Leit in popular Myuusik

[Bearbeiten] Gschicht

Pennsilfaani iss eens vun de erscht 13 Schtaate in Amerikaa. Der Keenich vun England Charles II hot Geld bezaahle misse zu'm William Penn sei Fadder. Fer die Familie Penn zerick bezaahle hot der Keenich Charles II em William Penn en grosse Gegend in der Neehr vun Nei-Schaersi gewwe. Des iss am 4 Martz im Yaahr 1681 gewest. Penn hot sei Gegend "Sylvania" gheese. Sell meent "Busch" in ladienisch. Noh hot der Keenich Charles II selli Gegend "Pennsylvania" gheese. Sell meent "em Penn sei Busch".

Pennsylvania iss en schtadt in die Schteets. Di Hauptschtadt is Harrisbarrig. Di graysht schtadt iss Philadelphia. Pennsylvania iss ayns vun di erscht 13 Schtaate in Amerikaa. Da Keenich vun England, Charles II, hot geld bezawla missa zu da Faddah funn William Penn. Fa di Family Penn zrikk bezawla hot da Keenich Charles II zu da William Penn en grossi gaygend in da neah funn New Jersey gevva. Des is an March 4 in es Yaahr 1681 gevest. Penn hot sei gaygend "Sylvania" kaysa. Sell maynt "bush" in Latin. Noh hot da Keenich Charles II selli gaygend "Pennsylvania" kaysa. Sell maynt "da bush funn Penn".

[Bearbeiten] Some Nummere

Glaawe vun de Leit in Pennsilfaani:

• Grischt – 83%
  • Protestant – 55%
    • Meddodischt – 10%
    • Baptist – 10%
    • Ludderisch – 9%
    • Presbyterian – 5%
    • United Church of Christ – 2%
    • Amisch/Pietist – 1%
    • Anner Protestant – 18%
  • Gedollicsch – 27%
  • Anner Grischt – 1%
• Yiddisch (yuscht die glaawich) – 2%
• Annere Glaawe – 2%
• Umglaawich – 13%

Grosse Schtedt :

Allenschtettel Betleum Easchde Erie Lengeschder Filadelfi Pittsburgh

Reddin Scranton State College Washington Wilkes-Barre Williamsport Yarrick

Beschte unn schlimmschte 10 Bletz weeich per capita Eikummes:

1 Green Hills, Pennsilfaani $124,279 2 Fox Chapel, Pennsilfaani $80,610 3 Sewickley Heights, Pennsilfaani $79,541 4 Edgeworth, Pennsilfaani $69,350 5 Thornburg, Pennsilfaani $57,674 6 Rosslyn Farms, Pennsilfaani $56,612 7 Upper Makefield Taunschip, Pennsilfaani $56,288 8 Lower Merion Taunschip, Pennsilfaani $55,526 9 Rose Valley, Pennsilfaani $54,202 10 Haysville, Pennsilfaani $53,151 Beschte unn schlimmschte 3 Kaundis: 1 Chester Kaundi $31,627 2 Montgomery Kaundi $30,898 3 Bucks Kaundi $27,430

2912 Commodore, Pennsilfaani $9,502 2913 New Washington, Pennsilfaani $9,121 2914 Cold Spring Taunschip, Pennsilfaani $8,792 2915 Shippensburg Taunschip, Pennsilfaani $8,712 2916 Smithfield Taunschip, Huntingdon Kaundi, Pennsilfaani $8,109 2917 Conneaut Taunschip, Erie Kaundi, Pennsilfaani $7,971 2918 Loretto, Pennsilfaani $7,125 2919 West Mahoning Taunschip, Pennsilfaani $6,907 2920 Atlantic, Pennsilfaani $6,534 2921 Howe Taunschip, Forest Kaundi, Pennsilfaani $5,223 65 Clarion Kaundi $15,243 66 Somerset Kaundi $15,178 67 Greene Kaundi $14,959

[Bearbeiten] Schtaat Zeeche

• Schtaat Gedier: Whitetail Hasch
• Schtaat Drink: Millich
• Schtaat Voggel: Fesond (Ruffed Grouse)
• Schtaat Haaptschtadt: Harrisburg
• Schtaat Hund: Great Dane
• Schtaat Fisch: Brook Forell
• Schtaat Blumm: Buuksblumm
• Schtaat Gnoche: Der Trilobite Phacops rana
• Schtaat Umgeziffer: Feiervoggel
• Schtaat Liedel: Pennsylvania
• Schtaat Baam: Hemlock ("Tsuga" in ladienisch)
• Schtaat Schiff: United States Brig Niagra

[Bearbeiten] Deel gutbekannte Pennsilfaanische Leit

• Benjamin Franklin (1706-1790) Er waar in Boschde, Massachusetts gebore. Doch, hot er die University of Pennsylvania im Yaahr 1742 aagfange. Er hot sei Naame zu der Declaration of Independence nei geduh unn aa zu der Amerikaanische Constitution. Er iss in Filadelfi newich seinre Fraa vergraawe.

• James Buchanan (1791-1868) waar in Pennsilfaani gebore. Er waar der fuffzehscht Amerikaanisch Bresident.

• George M. Dallas (1792-1864) vun Filadelfi waar der elft Amerikaanisch Vice Bresident. Er waar unner em James K. Polk. Er waar aa U.S. Minister zu Great Britain unn Ruschye, der Mayor vun Filadelfi, unn er waar en U.S. Senator.

• Winfield Scott Hancock (1824-1886) waar in Montgomery Square gebore. Er waar in dem Gettysburg Griegli.

• K. Leroy Irvis (1918- ) waar in Albany, Nei Yarrick gebore. Er iss noch Pennsilfaani kumme fer fiehre die Urban League vun Pittsburg baut 1940. Er iss in re Laa Schuhl gange. Nochderhend hot er in der Pennsilfaani Owwerichkeit gschafft.

• General of the Army George C. Marshall (1880-1959) fer Uniontown, hot die United States Army gfierht wie Chief of Staff darich der Zwett Weltgrieg. Schpeeter waar er der Amerikaanisch Secretary of State unn hot der Marshall Plan uff gschriwwe.

• Tom Ridge, Er waar Secretary fer der Amerikaanisch Department of Homeland Security zwische 1995 unn 2003. Eb sell, er waar en U.S. Representative fer Erie zwische 1982 unn 1995.

• Eugene W. Hickok, Er waar U.S. Deputy Secretary of Education vun 2004-2005, unn eb sell waar er Secretary of Education fer Pennsilfaani vun 1995 bis 2001.

[Bearbeiten] Pennsilfaanische Leit in popular Myuusik

Pennsilfaani iss der Gebottsblatz fer viel Myuusik Gruppe unn Singer.

Anti-Flag, Christina Aguilera, Bloodhound Gang, Boyz II Men, Vanessa Carlton, Coolio, Fuel, Hall & Oates, Live, Joan Jett, Pink, Poison, Trent Reznor vun Nine Inch Nails, The Roots, Shanice, Will Smith, unn annere.