Architectuthe
From Wikipedia
|
Ch't' articl'ye fut c'menchie en Jèrriais
 |
L' architectuthe (
architectuthe) est l'art et la scienche d'la bâtithie - ch'est coumme tchi qu'nou bâtit des bâtisses et ofûche des structuthes coumme des monûments, des ponts, des muthâles, des portes, des ars et mêmes les c'mîns et les gardîns.
Y'a d'l'art dans l'design dé bâtisses - les matéthiaux, les décothâtions, la stchulptuthe, les couleurs - et y'a d'la scienche et d'l'înginn'nie dans l'caltchul des forches, des paids et des m'suthes dans la bâtithie.
Ch'est en tchi y'a des difféthentes manniéthes d'architectuthe avaû les millénaithes et l'travèrs des pays et des tchultuthes du monde.
Cont'nu |
[amendaer] Architectuthe préhistorique
La preunmiéthe architectuthe 'tait d's abris, des cabinnes, et des caûminnes et quand les gens c'menchîtent la fèrméthie, i' fallait d's êtabl'yes, des granges et d'aut's manniéthes dé bâtisses. J'n'avons pon hardi d'ches bâtisses car i' n'ont pon enduthé, mais j'avons des pouquelayes tchi mouontrent coumme tchi qu'les gens Néolithiques pouvaient travailli ensembl'ye à seule fîn d'bâti dé tchi monûmenta.
Quand les gens fondîtent les preunmié villes pouor d'meuther ensembl'ye en grand nombre, nou bâtissait des marchièrs, des stôrres et des muthâles pouor sé protégi. Les rouais et les grôsses têtes bâtissaient des palais, épis y'avait des templ'yes pouor les r'ligions des gens d'chu temps-là.
 Skara Brae |
 èrconstruction d'un village d'l'Âge dé Bronze |
 Knossos |
[amendaer] Ancienne architectuthe
Lé monde des vièrs nos a laîssi des grands bâtisses et monuments, épis y'a des mentions dans les vielles êcrituthes dé bâtisses tchi sont hors d'pis bein longtemps.
 Mexique |
 Grand Zimbabwé |
 Macchu Picchu |
 Angkor |
[amendaer] Ûrope
En Ûrope du Vouêt, l'architectuthe des Romains laîssie dans des pays auprès la tchête d'l'Empithe Romain fut oubliée pouor bein des siècl'yes. En Ûrope dé l'Êst ch't' architectuthe dêv'loppîtent et l'architectuthe Byzantinne a acouo s'n înfluence dans les dômes d'églyises Grècques et Russes. Ch't' înfluence est veue étout dans l'architectuthe Islamique.
- Hagia Sophia
 Acropole |
 Un pont à ieau Romain |
BiBi Khanum.jpg
Samarkand |
 Cathédrale dé Saint Basile, Moscou |
En Ûrope du Vouêt, l'architectuthe Romanne auve ses arches arrondies fut rempliaichie duthant l'Mouoyen Âge par l'architectuthe Gothique.
 Saint-Georges- de-Boscherville |
 Cathédrale dé Coutanches |
 Cathédrale dé Bayeux, Bayeux |
Quand les Nouormands contchéthîtent l'Angliétèrre en 1066, i' c'menchîtent la bâtithie d'grandes cathédrales Gothiques lé travèrs du rouoyaume. Lus châtchieaux ont laîssi d'l'architectuthe Nouormande en Angliétèrre, et d'aut' bord étout car les Nouormands lus en fûtent ès Crouaîsades étout et y'a d'l'architectuthe Nouormande dans l'Êst du Mitan étout. Lé rouoyaume Nouormand dé Sicile, où'est qu'nou-s'avait un mêli-mêlo d'architectuthes - Nouormande, Arabe, Byzantinne - fit la pus riche architectuthe Nouormande.
- Chapelle Palatinne en Sicile
- Cathédrale dé Coutanches
 D'l'architectuthe Nouormande en Malte |
 La cathédrale dé Durham |
 Monreale en Sicile |
 Chapelle Palatinne |
À la R'naîssance les tchultuthes dé l'Ûrope du Vouêt èrdêcouvrîtent l'architectuthe Romaine et Grècque, et pouor acouo tchiques siècl'yes l'architectuthe Ûropéenne faîthait sèrvi des colonnes, des arches arrondies et l'harmonnie d'la manniéthe Néo-Cliassique. Au 17e siècl'ye la manniéthe Baroque remplyissait l's églyises et les palais d'anges, dé vèrques, dé couleurs, et d'décothâtion.
D'vièrs la fîn du 18e siècl'ye, la manniéthe Néo-Gothique èrdêcouvrit l'art du Mouoyen Âge, et la craîssance du conmèrce lé travèrs du monde et la fondâtion d'colonnies dans d'aut' continnents întroduisîtent des nouvelles înfluences dans l'architectuthe Ûropéenne.
- Blianche Maîson
- Pavillon Rouoya, Brighton
 Palais d'Justice, Paris |
 Pavillon Rouoya, Brighton |
 Salle meunicipale d'Helsingborg |
La Révolution Îndustrielle démandit des nouvelles manniéthes dé bâtisses pouor les machinnes et l's ouvrièrs des nouvelles îndustries, pouor les mannifactuthes, les moulîns épis les boutiques, les stâtions dé c'mîn d'fé et tout ch'qu'i' y'avait pouor lé transport.
- Palais d'Crista
- Tour Eiffel
 Ironbridge en Angliétèrre, lé preunmié pont en fé du monde |
 Eune mannifactuthe en Italie |
 Eune mannifactuthe en Fînlande |
 La stâtion d'Rouën |
D'vièr la fîn du 19e siècl'ye, l'Art Nouvé faîthait sèrvi les nouvelles technologies pouor fabritchi dé tchi d'eune manniéthe pus organnique, mais auprès la Preunmié Dgèrre Mondiale nou r'chèrchait eune manniéthe pustôt à la machinne, pus géométrique et cliaithe - ch'est l'Art Déco.
 Art Nouvé à Riga |
 Eune maîson en Êcosse par Charles Rennie Mackintosh |
 Maîson à Olomouc, Républyique Tchèque |
 Lé Bâtisse Chrysler |
[amendaer] Architectuthe modèrne
Lé modèrnisme èrnonchit l'pâssé et auprès la S'gonde Dgèrre Mondiale i' sembliait qu'l'architectuthe întèrnâtionnale 'tait av'nue à eune putheté finnale. Mais y'eut eune réaction et l'Post-Modèrnisme appathut pouor jouer auve les manniéthes architectuthales dé difféthents pays et difféthents âges.
- Bauhaus
- Le Corbusier
- Auguste Perret
- Pont d'Nouormandie
 Toronto |
 La gall'lie d'Stuttgart |
 La Maîson tchi danse à Prague |
Au jour d'aniet, nou pense sustout a l'envithonnement dans l'architectuthe - la caûff'thie, l'ênèrgie, l'èrcycliéthie, et coumme tchi qu'les bâtisses marchent dans la sociêté. Et y'a un grand întéthêt dans la prêsèrvâtion d'vièrs bâtisses.
[amendaer] Viyiz étout
- Tou
- Teit
- Archéologie
- Vièr Châté
- Moulîn d'Tchétivé
- La Hougue Bie
- Châté Lîzabé
- Châté d'Grosnez
- Caumine à Marie Best
