Architectuur
Van Wikipedia
Architectuur (vaan 't Grieks αρχή = veurnaomste en τέχνη = vakmansjap) is de kuns vaan 't oontwerpe vaan gebouwe. 'n Wijer definitie zouw 't oontwerpe vaan de gaanse gebouwde umgeving, vaan 't macroniveau vaan planologie, steibouwkónde en landsjapsarchitectuur tot 't microniveau vaan meubulair binne de grènze vaan de architectuur lègke.
[bewirk] Bereik en doele
Al volgens 't allerajdste bewoerd gebleve wèrk euver dit thema, Vitruvius zie De Architectura, móste gooj gebouwe sjoenheid (venustas), stevegheid (firmitas) en nöt (utilitas) combinere; (klassieke) architectuur kin 'n evewiech en co-ordinatie tösse die drei elemente geneump weure, boebij gein element euverhiers. 'n Modern definitie zuut architectuur es get tot esthetische, structureel en functioneel euverweginge huurt aon te spreke. Väöl minse zeen 't evels zoe tot functie bij alle criteria 'n cruciaal rol speult ouch bij esthetische en psychologische.
