M'suthe

From Wikipedia

• mesure
• m'zurement
• M'suthe

Ch't' articl'ye fut c'menchie en Jèrriais

La m'suthe est l'êtabliéthie d'la grandeu, du paids, d'l'ièrre, d'la tempéthatuthe, d'la forche dé tchiquechose ou d'autcheune aut' quantité ou qualité par compathaîson auve un standard accordé.

Les m'suthes ( m'zures, mesures) sont les standards atout tchi qu'nou m'suthe. Y'a des difféthents systèmes dé m'suthes.

Cont'nu 1 Histouaithe 2 Système métrique 3 Heuthe 4 Liste dé m'suthes

[amendaer] Histouaithe

Dans les touos vièrs temps, y'avait un difféthent système dans châque pays ou contrée – châque marchi ou ville ou êtat avait san paids et sa m'suthe à lî et nou-s'avait à copier l'originna pouor faithe sèrvi dans l'conmèrce à seule fîn d'empêchi la tricachonn'nie. En Jèrri les paids du Rouai et l' êtalon du Châté 'taient l'originnaux dé toutes les m'suthes officielles.

Mais si châtchun avait sa m'suthe à lî, ch'tait dû d'compather les m'suthes – par exempl'ye la pèrque Jèrriaise (22 pids cârrés) vaut pus qu'la pèrque Dgèrnésiaise (21 pids cârrés), et v'là tchi veurt dithe qu'la vrégie d'40 pèrques n'est pon d'même dans les deux bailliages.

Et y'avait des difféthentes mésuthes pouor des difféthentes choses. Nou né m'suthait pon les clios coumme les c'mîns; ni les viages en mé coumme les viages à tèrre.

[amendaer] Système métrique

Chu problième dé m'suthes locales difféthentes badrait la tête ès cheins du 18^e siècl'ye. En France lé Rouai Louis XVI d'mandit ès scientistes dé proposer des r'formes. À la siette don d'la Révolution Française nou-s'întroduîsit l'système métrique tchi 'tait s'posé d'êt' pus râtionna. Nou fondit l'système sus d's unnivèrsels d'la Natuthe: lé mètre fut caltchulé pouor êt' 1/40,000,000 d'l'alentou d'la Tèrre; 1 litre dg'ieau pèse un kilogranme. Épis chu système 'tait décînma.

Chu système fut atchilyi par des scientistes tchi pouvaient m'suther aîsîment s'lon des m'suthes standardîsées et praticabl'yes pouor lé caltchul et la scienche. Dans l'publyi chu système né fut pon atchilyi d'même et Napoléon eût à rêtablyi l'vièr système en France en 1812. Tout coumme lé système gângnit des supporteurs et pouor l's années 1960s la pûspart des pays du monde faîthaient sèrvi l'système métrique.

[amendaer] Heuthe

Nou m'suthe l'heuthe atout eune hôlouoge.

[amendaer] Liste dé m'suthes

• un pouce ( : pouoche)
• un pid ( pyid) [du Rouai] (=12 pouces ; 12 pouoches)
• un pid (pèrque) (=13 pouces)
• eune vèrgue ( et  : vergue) (=3 pids)
• un kilomètre ( qùilomète) (=1,000 mètres)
• un mille (=1,760 vèrgues)
• eune pînte ( et  : pinte) (= 0.5 l.)
• un litre ( : lite [l.])
• un gallon ( gallaon)
• un cabot (=40 pîntes)
• un quarchonnyi (=1/4 cabot)
• un quartchi (=8 cabots)
• un siêxtonnyi (=1/6 cabot)
• un nodgîn (=1/8 pînte)
• un d'mié-nodgîn (=1/16 pînte)
• un pot (=4 pîntes)
• eune pipe (=120 gallons)
• un bouessé ( : buisset.  : bouissé) (=2 cabots)
• eune quarte ( : quarte, d'mi-pot) (=2 pîntes)
• un granme ( : gramme)
• eune onche ( : ounche) (=1/16 livre)
• un quart'ron ( : quartéraon, quarto) (=1/4 livre)
• eune livre (=16 onches)
• un kilo, un kilogranme ( : qùilogramme) (=1000 granmes)
• un chent
• un tchînta ( : tchinta, quintal)
• un tonné
• eune pèrque ( : perque)
• eune vrégie (=40 pèrques)
• eune acre
• eune brache (=6 pids)