Romsonden Phoenix

Frå Wikipedia – det frie oppslagsverket

Teikning av korleis det såg ut da Phoenix avfyrte landingsrakettane

Eit av dei første bileta sendt frå Phoenix viser polygonmark.

Phoenix er ein marslandar og ein del av Mars Scout-programmet. Phoenix er det første marssondeprosjektet som er leia av ein forskar, ein såkalla Principal Investegator (PI). Forskarane i prosjektet vil bruka instrumenta ombord på Phoenix-landaren til å søkja etter forhold der liv i form av mikrobar kan eksistera, samt undersøkja vatnet si historie. Phoenix vart skote opp den 4. august 2007, og landinga nær polområdet på mars vart bekrefta velluka den 26. mai 2008 klokka 01:53:44 om natta norsk tid, omlag eit kvarter etter at romsonden hadde landa nær polområdet på mars. ^[1]. Landinga til Phoenix er den sjette vellukka landinga på Mars og var den første marssonden som nytta motorisert nedstigning sidan Viking-sondane tidleg på 1970-talet.

Prosjektet er leia av Lunar and Planetary Laboratory ved Universitetet i Arizona under styring av NASA. Alt i alt består prosjektet av eit samarbeid av universitet frå USA, Canada, Sveits, Danmark og Tyskland, NASA, Den kanadiske romfartsorganisasjonen og private selskap frå luftfartsindustrien. Sonden landa i nordpolregionen til Mars, der han mellom anna vil bruka ein robotarm til å grava i den arktiske marsjorda.

[endre] Vitskaplege mål

Tenkt scenario der Phoenix brukar robotarmen

Ferda har to mål:

å studera den geologiske historia til vatnet i området, slik at ein kan få informasjon om tidlegare klimaforandringar på Mars.
å finna bevis på ein eventuell habitabel sone i grensa mellom jord og is der mikrobar kan eksistera.

Instrumentpakka på Phoenix er i stand til å avdekkja informasjon om den geologiske historia til Mars' nordpolregion, samt ei evt. biologisk historie. Sidan Phoenix vil vera den første ferda til å returnera data frå overflata i polarområda på Mars vil sonden koma med eit sterkt bidrag til NASA sin Mars-strategi: «Følg vatnet». Marspolane inneheld store mengder vass-is. ^[2]^[3]

[endre] Landar

Ein valde ein landar i staden for ein marsrover, av di:

Kostnadane blei reduserte når ein kunne bruka utstyr frå ein romsondeferd som vart avlyst
Området der Phoenix landar er antatt til å variera lite, derfor er det av lita verdi å ha eit mobilt laboratorium.
Utstyrsvekta som trengst for å gjera Phoenix mobil kan i staden brukast på fleire og betre vitskaplege instrument

[endre] Bilete

Dodo-Goldilocks-grøfta blei laga av tre ulike gravingar med den robotiske armen. Gravinga eksponerte eit hardt kvitt stoff som kan vera is.

Terningstore klumpar av lyst materiale i Dodo-Goldilocks-grøfta forsvann over fire dagar, noko som leidde forskarane til å konkludera med at klumpane var laga av is som sublimerte.^[4]

[endre] Bakgrunnsstoff

[endre] Kjelder

↑ «NASA's Phoenix Spacecraft Lands At Martian Arctic Site» - Pressemelding på nettsida til Universitet i Arizona
↑ «Found it! Ice on Mars» - Offisiell pressemelding frå NASA (28. mai 2002). Vitja 20. juni 2008.
↑ «Mars Express radar gauges water quantity around Mars’ south pole» - Offisiell pressemelding frå ESA (15. mars 2007). Vitja 20. juni 2008.
↑ «Bright Chunks at Phoenix Lander's Mars Site Must Have Been Ice» - Offisiell NASA-pressemelding (19. juni 2008). Vitja 20. juni 2008.

v • d • e Romsondeferder til Mars
Passeringar	Mariner 4 • 6 • 7 • Mars 4 • Rosetta • Dawn
Banesondar	Mariner 9 • Mars 2 • 3 • 5 • 6 • Viking 1 • 2 • Phobos 2 • Mars Global Surveyor • 2001 Mars Odyssey • Mars Express • Mars Reconnaissance Orbiter
Landarar / Robotiske romkøyretøy	Mars 3 • Viking 1 • 2 • Mars Pathfinder • Spirit • Opportunity • Phoenix
Framtidige ferder	Mars Science Laboratory (2009) • Phobos-Grunt og Yinghuo-1 (2009) • MetNet (2009-2019) • Mars Scout (2013) • Mars Science and Telecommunications Orbiter (2013) • ExoMars (2013) • Astrobiology Field Laboratory (2016) • Mars Sample Return Mission (2024?)
Sjå òg	Mars • Utforsking • Kolonisering • Mislykka marssondar
Utheva og skrå skrift viser til aktive ferder