Juleevangeliet

Frå Wikipedia – det frie oppslagsverket

Fødselen til Jesus og openberringa av englane for gjetarane er skildra i juleevangeliet. Illustrasjon frå Bamberger Apokalypse frå rundt år 1000.

Juleevangeliet eller joleevangeliet er ei nemning på forteljinga i Bibelen om då Jesus Kristus vart fødd. Forteljinga har kome til å stå sentralt i feiringa av jul. Forteljinga står i Lukasevangeliet kapittel 2, vers 1 til 20.

[endre] Forteljinga

Keisar Augustus av Romarriket lét lysa ut at det skulle takast manntal over heile verda. Foreldra til Jesus, Josef og Maria, reiste då til Betlehem, byen til kong David I av Israel.

Dei strevde med å skaffa husly, men fekk til slutt plass i ein stall. Der fødde Maria Jesus.

Nokre gjetarar på markene utanfor Betlehem fekk ei openberring:

9 Best det var, stod ein engel frå Herren framfor dei, og Herrens herlegdom lyste kringom dei. Då vart dei fælande redde.
10 Men engelen sa til dei; «Ver ikkje redde! Eg kjem med bod til dykk om ei stor glede som skal timast alt folket.
11 I dag er det fødd dykk ein frelsar i Davids by; han er Kristus, Herren.
12 Og det skal de ha til teikn. De skal finna eit barn som er sveipt og ligg i ei krubbe.

Frå nynorskomsetjinga av nytestamentet frå 1978

[endre] Bruk

Juleevangeliet blir ofte gjenskapt i julekrybbe.

Juleevangeliet blir naturleg nok lese mykje rundt juletider. Juleevangeliet var tidlegare preiketekst i norske kyrkjer juledagen. No vert det i staden ein del av gudstenesta i kyrkja julaftan. Det vert òg lese i heimar og på samlingar i advents- eller sjølve juletida.

Forteljinga er blitt gjenskapt talrike gonger i julespel og julekrybber, opphavleg i kyrkjer, seinare også i heimar, på skular og som julepynt andre stader.