Balsfjord

Frå Wikipedia – det frie oppslagsverket

For fjorden som kommunen har fått namn etter, sjå Balsfjorden.

**Balsfjord**
Våpen	Kart

Grunnleggjande opplysningar
Kommunenr:	1933
Fylke:	Troms
Administrasjonssenter:	Storsteinnes
Flatevidd:	1 493 km²
Folketal:	5 529 (2008)
Politikk
Ordførar (2003-2011):	Gunda Johansen (Ap)
Målform:	Bokmål
Nettstad:	www.balsfjord.kommune.no

Balsfjord (samisk: Báhccavuona, kvensk og finsk: Paatsivuono) er ein fjord- og landbrukskommune i Troms fylke. Han grensar i nord til Tromsø, i aust til Storfjord, i sør til Målselv, og over fjordane i vest til Lenvik.

[endre] Geografi

Frå Balsfjorden.

Hellerissingar på Kirkelyfeltet på Tennes i Balsfjord.

Kommunen er dominert av dei to fjordane Balsfjorden og Malangen. Rundt fjordane er slake, fruktbare lier som gjev gode forhald for jordbruk. Dei sørlege delane av kommunen, mot Målselv, har mange store vatn: Sagelvvatn, Josefvatn, Indre og Ytre Fiskelausvatn, Takvatn og Fjellfrøsvatnet. Austover fører Balsfjordeidet over til Storfjord. Nordom dette eidet ligg dei sørlegaste fjella i Lyngsalpan der den 1505 meter høge Piggtind står på grensepunktet mellom Balsfjord, Tromsø og Lyngen kommunar. Heilt i søraust ligg Tamokdalen, omkransa av dei massive fjella som er karakteristisk for Indre Troms.

Malangen i den vestlege delen av kommunen var eigen kommune fram til 1964.

[endre] Tettstader og grender

Kommunen har to tettstader: Nordkjosbotn, som er eit viktig trafikknutepunkt med vidaregåande skule, og kommunesenteret Storsteinnes med barne- og ungdomsskule. Fjordmuseet på Storsteinnes, som er ein del av Midt-Troms Museum, viser naturhistorie.

[endre] Næringsliv

Balsfjord er den største landbrukskommunen i Nord-Noreg, og landbruk og tilhøyrande industri er dei viktigaste næringane i kommunen.

[endre] Politikk

Parti	Prosent		Stemmer		Plassar i by-/kommunestyret		Medlemmer i formannskapet
Parti	%	±	totalt	±	totalt	±	Medlemmer i formannskapet
Arbeidarpartiet	30,9	2	692	-59	9	1	3
Fremskrittspartiet	14,5	4,2	324	57	4	1	1
Høgre	8,8	-5,1	196	-166	2	-2
Kristeleg Folkeparti	8	-4,7	178	-152	2	-1
Senterpartiet	18,2	-2,5	408	-131	5	-1	2
Sosialistisk Venstreparti	8,8	3,8	197	68	2	1	1
Venstre	0	-8,5	0	-221	0	-2
Andre	10,8	10,8	241	241	3	0	1
Valdeltaking/Total	51,8%		2236		27		8
Ordførar: Gunda Johansen (Arbeidarpartiet)				Varaordførar: ()

Sidan hausten 2003 har Gunda Johansen frå Arbeidarpartiet vore ordførar i kommuen. Ho kom til ordførarstillinga frå omsorgsavdelinga i kommunen der ho arbeidde som sjukepleiar.