Høgre
Frå Wikipedia – det frie oppslagsverket
| Høgre | |
| Partileiar: | Erna Solberg |
| Oppretta: | 1884 |
| Ideologi: | Konservatisme/liberalisme |
| Farge: | Blå |
| Hovudkontor: | ? ? Oslo |
| Epost: | politikk@hoyre.no |
| Nettstad: | http://www.hoyre.no/ |
| Ordførarar: | 61 |
| Kommunestyrerepresentantar: | 1 553 (2003) |
| Fylkestingsrepresentantar: | 121 (2007) |
| Stortingsrepresentantar: | 38 |
| Medlemstal: | ? |
| Ungdomsorganisasjon: | Unge Høgre |
| Partiavis: | ? |
| Internasjonal tilknyting: | Den internasjonale demokratiske unionen |
| Europeisk tilknyting: | Den europeiske demokratiske unionen |
| Les òg: | Norsk politikk Norske parti Norske røystingar |
Høgre er eit konservativt/liberalkonservativt parti skipa den 25. august 1884 som De Conservative Foreningers Centralstyre. På bokmål er namnet frå 1913 Høyre, før òg skrive Høire. Partiet erklærar seg sjølv verdikonservativt, og set folkestyret, eigedomsretten, og den personlege fridomen høgt.
Leiaren i Høgre er (pr. 2006) Erna Solberg. Partiet har to nestleiarar; Per-Kristian Foss og Jan Tore Sanner.
Etter stortingsvalet i 2001 danna Høgre regjering saman med Kristeleg Folkeparti og Venstre. Kjell Magne Bondevik (KrF) var statsminister i den andre Bondevik-regjeringa. Etter stortingsvalet 2005 gjekk Bondevik-regjeringa av, og Høgre er no det nest største opposisjonspartiet på Stortinget.
Ungdomsorganisasjonen til Høgre heiter Unge Høgres Landsforbund. Leiaren i Unge Høgre heiter Thorbjørn Røe Isaksen.
[endre] Historie
Høgre vart stifta den 25. august 1884 etter innføringa av parlamentarismen i Noreg. Emil Stang vart vald til fyrste formann i partiet.
Oppsluttinga om Høgre har variert mykje. Størst del av røystene hadde Høgre i 1894 då 49,4% røysta på Høgre. Høgre har aldri hatt reint fleirtal på Stortinget. Høgre gjekk attende i mellomkrigstida, mellom anna av di nye parti kom til. Frå 1945 til 1970 auka oppslutninga om partiet, og skaut fart etter valet i 1973. Valet i 1981, der Høgre fekk 31,7% oppslutnad var det beste valet sidan 1924. Kåre Willoch stod i spissen for Høgrebølgja i norsk politikk. Ved valet i 1997 fekk Høgre 14,3% av røystene, det dårlegaste valresultatet til då etter 1945. Partiet gjorde eit godt val i 2001, og kom i regjering saman med Kristeleg Folkeparti og Venstre. Stortingsvalet i 2005 vart eit nytt dårleg val for Høgre, som vart passert av Framstegspartiet og dermed vart berre tredje størst på Stortinget.
Ved fylkestingsvalet 2007 fekk partiet 18,8 % av røystene.
[endre] Stortingsval 1936-2005
| Årstall | Prosent av røystene |
|---|---|
| 1936 | 21,3% |
| 1945 | 17,0% |
| 1949 | 17,9%¹ |
| 1953 | 18,8%¹ |
| 1957 | 18,9%¹ |
| 1961 | 20,0%¹ |
| 1965 | 21,1%¹ |
| 1969 | 19,6%¹ |
| 1973 | 17,4%¹ |
| 1977 | 24,8%¹ |
| 1981 | 31,7% |
| 1985 | 30,4% |
| 1989 | 22,2% |
| 1993 | 17,0% |
| 1997 | 14,3% |
| 2001 | 21,2% |
| 2005 | 14,1% |
¹ Ved desse vala stilte Høgre felleslister med eit eller fleire av partia Kristeleg Folkeparti, Venstre eller Bondepartiet, dette talet er eit overslag med røystene til felleslistene fordelt på dei einskilde partia.
[endre] På verdsveven
Ynskjer du å bidra til Wikipedia på nynorsk ved å utvide den her artikkelen kan du besøkje Wikiprosjektet Norske politiske parti, eit prosjekt som tek sikte på å dokumentere dei norske politiske partia.
