Olendörp (Landkreis Stood)

Vun Wikipedia

Wapen/Flagg	Koort
Basisdaten
Samtgemeen: Olendörp Landkreis: Stood Bundsland: Neddersassen
Flach:	23,88 km²
Inwahners:	2.863 (2003-12-31)
Inwahnerdicht:	119,9 Inwahners pro km²
Hööch:	12 m över NN
Postleettall:	21726 (oolt: 2164)
Vörwahl:	04144
Geograafsche Laag:	Koordinaten:53° 36′ N, 9° 15′ O53° 36′ N, 9° 15′ O
Gemeenslötel:	03 3 59 036
Börgermeester:	Georg Hellwege
Websteed:	www.samtgemeinde-oldendorf.de

Olendörp (hoochdüütsch Oldendorf) is en Dörp un ene Gemeend in’n Landkreis Stood in Neddersassen. Olendörp hett so 2900 Inwahners un is Deel vun de Samtgemeen Olendörp. Dorto höört denn ok de lüttjeren Öörd Koken, Timmerlood, Sunn, Wittenmoor un Siedlung Olendörp.

Inholtsverteken 1 Historie 1.1 Religion 2 Politik 2.1 Gemeenraat 2.2 Wapen un Flagg 3 Kultur 3.1 Scholen 4 Weertschop 4.1 Verkehr 5 Weblenken

[ännern] Historie

In August 1959 hett bi Olendörp Heid un Moor in’t Hoge Moor brennt, wat veer Weken duurt hett, dat se’t löscht harrn. Dat Hoge Moor warrt hüüt wedder vernässt.

[ännern] Religion

Olendörp is evangeelsch-luthersch präägt. De Martinskark in Olendörp is in dat 12. Johrhunnert ut Feldsteen boot un is 36 Meter hooch.

[ännern] Politik

[ännern] Gemeenraat

Sittverdelung in’n Gemeenraat

Johr	CDU	SPD	WG	WG II	De Grönen
2006	4	2	5	1	1

[ännern] Wapen un Flagg

De Flagg vun de Gemeend is deelt, vörn gollen un achtern gröön. Baven op is dat Wapen. Dat Wapen is deelt, vörn op gröön en gollen Krüüz un achtern noch wedder deelt, so dat baven en swarten halven Aadler mit rode Klauen un Snabel to sehn is, de na buten kickt. Neern is op swart en gollen Lööw mit rode Klauen un Tung, de op de achtersten Been steiht un na buten kickt.

Dat Krüüz steiht för de Martinskark un de gröne Achtergrund is Teken för de Bedüden vun de Bueree in’t Dörp. Aadler un Lööw kaamt ut dat Wapen vun Daniel vun Arentsschild, de vun 1642 af an sien Seet in Olendörp harr un 1670 in de Kark bisett worrn is.

Dat Wapen hett de Gemeenraat an’n 27. September 1982 beslaten un to’n 30. Dezember 1982 hett de Landkreis Stood dat genehmigt.

[ännern] Kultur

[ännern] Scholen

Olendörp hett en groot Schoolzentrum mit Grund-, Haupt- un Realschool. Bi dat Schoolzentrum liggt ok de Kinnergoorn. Dat Gymnasium, woneem de Olendörpers hengaht, is de Vincent-Lübeck-School in Stood. Blangen dat Schoolzentrum liggt dat Rudolf-Pöpke-Sportzentrum.

[ännern] Weertschop

[ännern] Verkehr

Vun Olendörp geiht de Kreisstraat 114 na’n Oosten an Kuhlo vörbi na Himmelporten an de Bundsstraat 73, de denn wiedergeiht na Stood un Hamborg. Na’n Westen geiht de K 114 na Esdörp un ran de Bundsstraat 74 in Öölm, de denn na Bremervöör geiht. Lüttjere Straten löppt vun Olendörp na de Naverdörper Brobargen, Kronenborg, Blomendol, Bossel, Heinbockel un Hogenoh.

[ännern] Weblenken

• Websteed vun de Gemeend Olendörp (hoochdüütsch)