Arcelor

Vu Wikipedia, der fräier Enzyklopedie.

D' Arcelor war eng europäesch Gesellschaft, deeër hir Haaptaktivitéit d'Stolproduktioun a -veraarbechtung war. Si ass den 18. Februar 2002 entstanen aus der Fusioun vun der Aceralia (Spuenien), der Arbed (Lëtzebuerg) an der Usinor (Frankräich).

2006 ass se mat der Mittal Steel Company zu enger neier Geselschaft mam Numm Arcelor Mittal fusionnéiert. D'Arcelor hat hire Sëtz an der Stad Lëtzebuerg.

Si war bis Oktober 2004, mat 46,6 Milliounen Tonnen, plus 5,4 Milliounen, déi aus dem Kaaf am Januar 2006, vum kanadesche Grupp Dofasco derbäi, koumen dee gréisste Stolproduzent vun der Welt (4,5% vum Weltmaart). Zanterhir huet d' Mittal dës éischt Plaz. Der Arcelor hire Chiffre d'affaires loung 2005 bei 32,6 Milliarden Euro, de Nettobenefice bei engem Rekord vun 3,9 Milliarden Euro.

D'Arcelor hat eng 96 000 Leit a méi wéi 60 Länner beschäftegt, mat engem Effektif vu 77% an [[Europa (Kontinent)|Europa.

De Grupp hat 4 Haaptbranchen:

• De Flaachstol: Blech fir Autoen (15 % vum Welmarché), Verpaakung (haaptsächlech bleche Bécksen), Bau, Apparater fir de Stot. Dës Produkter hu 55% vum Chiffre d'Affaires vum Grupp ausgemaach.
• Laangprodukter: Schinnen, Träger, Staangen. (20% vum Chiffre d'affaires)
• Stol deen net rascht, mat 12% vum Chiffre d'affaires.
• d'Verschaffen an d'Vermaarte vun hire Produkter

Inhaltsverzeechnis 1 Haaptfilialen 2 Aktionnären Enn 2005 2.1 Cotatiounen op der Bourse 3 Generaldirektioun 2005 4 Linken 4.1 Kuckt och 4.2 Um Spaweck

[Änneren] Haaptfilialen

• Acesita - Acindar - Arcelor packaging - CST - CSTB - Eko Stahl - Industeel - Imphy Alloys - Sidmar - Sollac lorraine - Sollac mediterranée - Trefilarbed - Ugine - Vega do Sul.

• Brasilien, Russland, Indien, China, Europa an d'Tierkei ("BRICET") sinn déi Länner a Géigenden, wou d'Arcelor sech fir d'Zukunft positionnéiere wollt.

[Änneren] Aktionnären Enn 2005

• 5,6 % de Lëtzebuerger Staat
• 3,5 % JMAC BV-Aristrain
• d'Region Wallounien: SOGEPA mat 2,4 % an d'Aarbechter 0,9 %
• 87,4 % ass Kapital op der Bourse an deelweis an den Hänn vun Arcelor.

[Änneren] Cotatiounen op der Bourse

• Bourse vu Lëtzebuerg
• Euronext Bréissel (1. Marché)
• Euronext Paräis (1. Marché)
• Bourse vu Madrid
• Bourse vu Barcelona
• Bourse vu Bilbao
• Bourse vu Valencia

[Änneren] Generaldirektioun 2005

• President: Guy Dollé Frankräich
• Vizepredident:Michel Wurth Lëtzebuerg
• Finanzdirekter:Gonzalo Urquijo Spuenien
• Generaldirekter:Roland Junck Lëtzebuerg
• President vum Verwaltungsrot:Joseph Kinsch Lëtzebuerg

[Änneren] Linken

[Änneren] Kuckt och

• Siderurgie zu Lëtzebuerg
• Arbed
• Arcelor Mittal

[Änneren] Um Spaweck

• Site vun der Arcelor