Gramatika
De Wikipedia
La gramatika es un aspekto de kada idioma umano. La manera en ke las palavras i frases se kombinan i interaksionan en un idioma partikular se konsidera la gramatika de la misma. Hai dos klases de gramatika: gramatika deskriptivo i gramatika preskriptivo.
La gramatika deskriptiva es una disiplina linguistika de analizar la abilidad de kada uno avlante nativo de un idioma kombinar palavras i frases en avla natural. Kada idioma tiene patrones que sus avlantes sigen sin pensar en eyos. La estruktura de los patrones varia entre idioma e idioma. Mientras no konsiente el proseso neurolojiko de segir estas patrones es ekstremadamente complesho i no bien entendido por los sientifikos linguistikos. Esta abilidad se yama saviduria innata.
La gramatika preskriptiva refiere al esfuerzo de kodifikar una koleksion de reglas finitas para definir el forma superior i las formas inferiores de avlar i eskrivir un idioma natural. Varias personas o vorios grupos pueden desaroyar gramatikas preskriptivas para el mismo idioma ke no estan de akuerdo. Por ekshemplo un frase en kastelyano ke tiene una estruktura kalifikada como buena en kolombia podria ser kalifikada como mala en espanya.
Mientras la abilidad de un umano de intelijensia normal produsir komunikasion natural en su idioma nativo es infinita, la abilidad de un gramatika preskriptiva de produsir komunikasion "korekta" es siempre finita.
