Verkfræði
Úr Wikipediu, frjálsa alfræðiritinu
Verkfræði er fræði- og starfsgrein, sem beitir vísindalegum aðferðum, sem byggjast einkum á stærðfræðigreiningu og eðlisfræði, við hönnun, rannsóknir, verkstjórnun, eftirlit o.fl. Starfsheitið verkfræðingur er lögverndað skv. lögum nr. 8 frá 11. mars 1996. Þeir einir geta kallað sig verkfræðinga, sem lokið hafa námi í verkfræði á meistarastigi (eða sambærilegu) í (tækni)háskóla.
Efnisyfirlit |
[breyta] Verkfræðigreinar
Megingreinar verkfræðinnar eru:
- Byggingaverkfræði
- Vélaverkfræði
- Rafmagnsverkfræði
Undirgreinar eru m.a.:
- Eðlisverkfræði
- Efnaverkfræði
- Fjarskiptaverkfræði
- Fjármálaverkfræði
- Flugvélaverkfræði
- Geimverkfræði
- Heilbrigðisverkfræði
- Hugbúnaðarverkfræði
- Iðnaðarverkfræði
- Kjarnorkuverkfræði
- Tölvuverkfræði
- Umhverfisverkfræði
[breyta] Kennsla í verkfræði við Háskóla Íslands
Við Verkfræðideild Háskóla Íslands eru kenndar eftirtaldar verkfræðigreinar:
- Efnaverkfræði
- Rafmagns- og tölvuverkfræði
- Tölvunar- og hugbúnaðarverkfræði
- Umhverfis- og byggingaverkfræði
- Véla- og iðnaðarverkfræði
[breyta] Kennsla í verkfræði við Háskólann í Reykjavík
Við Verkfræðideild Háskólans í Reykjavík eru kenndar eftirtaldar verkfræðigreinar:
- Fjármálaverkfræði
- Heilbrigðisverkfræði
- Hugbúnaðarverkfræði
- Hátækniverkfræði
- Rekstrarverkfræði
[breyta] Þýðing
Við þýðingu á texta þarf að hafa í huga að enska orðið engineer er mun víðtækara en íslenska orðið verkfræðingur. Engineer getur átt við starfsheitin tæknimaður, vélfræðingur, vélstjóri, tæknifræðingur o.s.frv eða verkfræðing, sem getur valdið ruglingi við þýðingu. T.d. væri nær lagi að tala um tæknisveit hers í stað verkfræðisveitar. Á ensku á starfsheitið Civil engineer einkum við byggingaverkfræðing, en í Skandinavíu á sambærilegt heiti, þ.e. civilingenjör (sænska), sivilingeniør (norska) og civilingeniør (danska) við verkfræðing almennt.
