Universitato
De Wikipedio
Universitato esas instituto di superiora eduko e resercho, ke grantas akademiala gradi en tota niveli (bachelero, maestro, doktoro) en multa subjekti. La vorto universitato derivas de Latina expresiono universitas magistrorum et scholarium, qua signifikas "komuneso di instruktisti e lernanti".
[redaktar] Historio
La konsiderita maxim antiqua "universitati" existis en Konstantinoplo ed en India (Nalanda) aproxime 5 yarcenti a.K. La Libro Guinness di Rekordi konsideras la Universitato di Al Karaouine, en Fez, Maroko, la maxim antiqua di mondo ke existas til nun. Ol esis fondita ye 859.
Dum Mez-epoko esis fondita l'universitati di Ohrid, Bulgaria (886), Bologna (1088), Paris (1100), Oxford (ne konocita yaro. Ye 1096 ja havis klasi), ed altra importanta Europana universitati.
