Xabaril
Na Galipedia, a wikipedia en galego.
| Xabaril | ||||||||||||
|---|---|---|---|---|---|---|---|---|---|---|---|---|
 |
||||||||||||
| Estado de conservación | ||||||||||||
|
||||||||||||
| Clasificación científica | ||||||||||||
|
||||||||||||
| Nome científico | ||||||||||||
| Sus scrofa | ||||||||||||
 Coñeza toda a Bioloxía en Wikispecies, o directorio dos seres vivos |
- Para outras páxinas con títulos homónimos véxase: xabarín.
O xabaril (tamén chamado xabarín, cocho bravo ou porco bravo, Sus scrofa) é un mamífero artiodáctilo e suídeo de medio porte e corpo robusto. É considerado como o antepasado a partir do cal evoluiu o actual porco doméstico (Sus domesticus ou Sus scrofa domesticus). O xabarín ten ampla distribución xeográfica, desde a Europa, zona do Mar Mediterráneo até a Asia e Indonesia.
O xabaril ten unha cabeza relativamente grande, triangular e boca provista de caninos grandes. A pelaxe é rixa e é de cor acastañada. É un animal omnívoro, con preferencia por vexetais. Pesa entre 130 e 200 kg e mide entre 125 e 180 cm de cumprimento, e cerca de 100 cm de altura. O tempo de vida medio é de cerca de 20 anos. Os xabarís son animais gregarios que viven en grupos familiares de cerca de 20 individuos de algunhas femias e as súas crías. Os machos viven isolados e xúntanse ao grupo só na época de reprodución que decorre no Outono.
Desde a Antigüidade Clásica á Idade Media, o xabaril foi sempre considerado como especie cinexética de prestixio, especialmente os machos adultos que eran vistos como o paradigma da coraxe e bravura. Antes do advento das armas de fogo, o xabaril era cazado usualmente cun tipo de lanza específico para o obxectivo. A caza ao xabaril é aínda hoxe en día moi popular.
En Galicia debido á súa caza masiva quedou reducido á zona oriental ata que a partir de 1960, por mor do abandono do monte polo home e a diminución doutras especies, comezou de novo a esparexirse de novo por case todo o país.
[editar] Os xabarís na cultura e mitoloxía
As referencias culturais ao xabaril son abundantes desde polo menos a Grecia Antiga:
- A caza do xabaril é unha escena que aparece con frecuencia na mitoloxia céltica irlandesa.
- Un dos Doce Traballos de Hércules foi cazar o xabaril de Eurimanto
- O xabaril foi o símbolo das lexións XX Valeria Victrix e X Fretensis
- Era o prato preferido na aldea gaulesa de Asterix e Obelix
- É un animal común na heráldica medieval europea
- Foi o símbolo persoal do rei Ricardo III de Inglaterra
